Հինգշաբթի 05.08.2021 13:20

16.06.2021   21:00
308

Ռետրո. Քառասուն հազար փուչիկ աղքատ բարեկամիս


ՏՆՏԵՍԱԿԱՆ

Վերջին շրջանում Հայաստանում ամենատարածված «հեքիաթը» Ռոբերտ Քոչարյանի՝ մինչև այս տարվա մայիս ամիսը 40 հազար աշխատատեղեր ստեղծելու խոստումն է:

Որ դա բլեֆ է, պարզ է մեր տնտեսության մասին տարրական պատկերացումներ ունեցող ցանկացած մարդու համար: Իհարկե, դա չխանգարեց Քոչարյանին հնազանդ ուժերին և գործիչներին, միաբերան հաստատել, որ հանրապետությունում իրական հիմքեր կան այդքան աշխատատեղեր բացելու համար: Մինչև մայիս մնացել է ընդամենը երեք ամիս: Այս ընթացքում Քոչարյանը հասցրել է միայն մի քանի մանր-մունր օբյեկտների ժապավեններ կտրել, գումարած, իհարկե, Լոքյանի նորաբաց նախարարությունը: 

Գոնե տեսականորեն, երբ երկրի ղեկավարը որևէ լուրջ հայտարարություն է անում (իսկ մի քանի ամսում 40 հազար աշխատատեղ ստեղծելն իսկապես լուրջ է), պետք է ենթադրել, որ դրա համար նա հիմնավոր փաստարկներ և մանրամասնորեն մշակված ծրագրեր ունի: Տվյալ դեպքում Ռ. Քոչարյանի փաստարկները սահմանափակվում են նրանով, որ այս տարի Լինսի հիմնադրամը Հայաստանում ներդրումներ է կատարելու, ինչի արդյունքում աշխատատեղեր են բացվելու: Ինչպես տնտեսությանը վերաբերող այլ հարցերում, այստեղ ևս դաշնակների վրա հենվող Քոչարյանը «ստավկա» է անում դրսից տրամադրվող փողերի վրա: Սակայն ակնհայտ է, որ 40 հազար աշխատատեղ ստեղծելու որևէ կոնկրետ ծրագիր նախագահը չունի: Հակառակ դեպքում, այդ հանգամանքը հաշվի կառնվեր առաջիկա ժամանակաշրջանի համար տնտեսական գործընթացները պլանավորելու ընթացքում: Ավելի պարզ ասած, լրացուցիչ 40 հազար աշխատատեղեր ստեղծելու փաստը ինչ-որ ձևով պետք է արտահայտվեր 2001թ. պետական բյուջեում: 

Նախագահի դարակազմիկ հայտարարությունից հետո տնտեսությունից քիչ թե շատ հասկացող որոշ գործիչներ այնուամենայնիվ հանդգնում էին ասել, որ այդ աշխատատեղերը պետք է արտահայտվեին բյուջեում, բայց արտահայտված չեն: Զարմանալիորեն, անգամ ֆինանսների նախարար Վարդան Խաչատրյանն էր հաստատում դա, սակայն չէր նշում (հավանաբար իրեն թույլ չէր տալիս), թե բյուջեի կոնկրետ որ հատվածում պետք է արտացոլվեր 40 հազար աշխատատեղերի տեսլականը: 

Նշենք, որ դա այնքան էլ բարդ չէ, և բավական է միայն համեմատել այս և նախորդ տարվա բյուջեները, ավելի ստույգ՝ դրանց եկամտային մասերը: 

Տրամաբանորեն, լրացուցիչ 40 հազար աշխատատեղ բացվելու դեպքում, զգալի չափով պետք է ավելանար 2001թ. համար նախատեսված եկամտահարկի ցուցանիշը, քանի որ Հայաստանի օրենսդրությամբ աշխատավարձը համարվում է եկամուտ, և մեծությունից կախված հարկվում է 15-30 տոկոսով: Բնականաբար, 40 հազար աշխատատեղը նշանակում է 40 հազար աշխատավարձ ստացող, հետևաբար լրացուցիչ այդքան եկամտահարկ վճարող: Սակայն բյուջեների համեմատությունը ցույց է տալիս ճիշտ հակառակը: Այս տարվա բյուջեով նախատեսված եկամտահարկը ավելի քան 2 մլրդ դրամով ցածր է 2000թ. նույն ցուցանիշից: Ընդ որում, շուրջ 3 մլրդ դրամով էլ նվազել է բյուջեի «աշխատանքային և քաղաքացիաիրավական պայմանագրերի կատարումից ստացվող եկամուտներ» տողը: Իսկ վերջինս, ըստ էության, վերաբերում է աշխատավարձերից գանձվող եկամտահարկին: 

Սա կարող է նշանակել հետևյալը. կամ կառավարությունը բյուջեն կազմելիս արհամարհել է Քոչարյանի ազգափրկիչ ծրագիրը (ինչը, իհարկե, քիչ հավանական է), կամ, որ ավելի հավանական է, 40 հազար աշխատատեղեր ստեղծելու հայտարարությունը հերթական փուչիկներից է: 

Սակայն եկամտահարկի հետ կապված կա մեկ վերապահում: Մինչև 20 հազար դրամ աշխատավարձը (նույնն է, թե եկամուտը) ազատված է եկամտահարկից: 

Այս դեպքում, Քոչարյանն ու իր կողմնակիցները տրամաբանական մի բացատրություն ունեն, որ խոստացած 40 հազար աշխատատեղերում աշխատավարձը եկամտահարկվող շեմից ցածր է լինելու: Փաստորեն, այդ միֆական 40 հազար աշխատողները 20 հազար դրամից ցածր են ստանալու: Սակայն մինչև 20 հազար գումարը ավելի շատ նպաստի է նման, քան աշխատավարձի: 

Հ. Մ.

«Չորրորդ իշխանություն», No 144, փետրվարի 2, 2001 թ.



 Պիտակներ

         Ռոբերտ Քոչարյան, Վարդան Խաչատրյան, «Չորրորդ իշխանություն»

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
































37-ի երկրպագուն
37-ի երկրպագուն
07.01.2021 / 7097