Դաշնակցական մամուլն իր տարերքի մեջ է: «Ահա ով է մեռել» գլխագրի ներքո Yerkir.am կայքը ներկայացրել է բացառապես այն շինծու մեղադրանքները, որոնք քոչարյանական իրավապահ համակարգը ներկայացրել էր Վանո Սիրադեղյանին:
Ոչ մի խոսք նրա՝ պետություն ստեղծելու ակունքներում կանգնելու, կազմակերպված հանցավորությունը արմատախիլ անելու կամ գրական մեծ ժառանգություն թողնելու մասին:
Մեղադրանքների սին լինելու լավագույն ապացույցն այն է, որ դրանց հիմքում կանգնած երկուսը՝ Քոչարյանը և նախկին գլխավոր դատախազ Աղվան Հովսեփյանը, ներկայումս մեղադրվում են ծանրագույն հանցագործությունների՝ կաշառքի, յուրացումների և ապօրինի հարստացման մեջ:
Հուսով ենք` Yerkir.am-ը չի դավաճանի իր ձեռագրին և թե՛ վերոհիշյալ երկուսի, թե՛ բարձրաստիճան դաշնակցականների մահվան բոթը ներկայացնելիս կպատմի, օրինակ, նարկոտրաֆիկի մեջ նրանց մասնակցության դրվագների մասին, սպանություններ էլ՝ մեզնից ձեզ նվեր: