Երկուշաբթի 28.09.2020 19:26

Սատիրիկոն/Լուր-մեկնաբանություն
28.09.2020 / 19:00
Սատիրիկոն/Լուր-մեկնաբանություն
28.09.2020 / 17:30
Սատիրիկոն/Լուր-մեկնաբանություն
28.09.2020 / 16:00
Սատիրիկոն/Լուր-մեկնաբանություն
28.09.2020 / 14:30
Քաղաքական
28.09.2020 / 13:00
06.09.2020   11:00
657

Ռոբերտ Քոչարյանի երազը


Ինքը ռուսական ՌԲԿ-ին ու հայկական ԲՀԿ-ին հարցազրույց է տալիս: Թեման՝ իրանա-պարսկական հակամարտությունն է ու դրա հետևանքները արցախա-ղարաբաղյան տարածաշրջանի վրա:

«Ես ներողություն եմ խնդրում հայերեն խոսելու համար, քանի որ Ռուսաստանը իմ սրտում առանձնահատուկ տեղ ունի: Ո՜նց ա դզում, որ Ռուսաստանը «ռ» տառով է սկսվում, մաշալլահ»:

«Ինչպես կգնահատեք ներկայիս իրավիճակը»,- հարցնում է ԲՀԿ-ի առաջատար լրագրող Նաիրա Զոհրաբյանը:

«Դե, գիտեք, ես հլը կոմունիզմի վախտվանիցը ակտիվ քայլեր էի կատարում: Ի՞նչ էր կոմունիզմը. դա սոցիալիզմն էր՝ պլյուս ամբողջ երկրի էլեկտրիֆիկացիան: Երբ ես իննասնըութ թվին եկա Հայաստան, այլ բանաձև կիրառեցի. Հայաստանը դա բիզնեսն էր՝ պլյուս ամբողջ երկրի կրիմինալիզացիան: Դա երկիրը հանեց ճգնաժամից, շատ էֆեկտիվ էր, իմ տանեցիների օրինակով կարամ ասեմ, որ ժողովուրդը հարստանում ու բարգավաճում էր: Իսկ հիմա երկիրը տանում են կործանում: Սա ի՞նչ է, Հայաստանը դարձրել են թավիշ՝ պլյուս ամբողջ երկրի սորոսիզացիան: Աբսաալյուտնո նեդապուսծիմա»:

«Իսկ դուք ո՞ւմ հետ եք համագործակցելու»,- հարցնում է Մարգարիտա Սիմոնյանը:

«Մի րոպե, դուք «Russia Today»-ից» չե՞ք»,- հարցնում է ինքը:

«Այո»,- պատասխանում է Մարգոն:

«Մի րոպե, դա Կրեմլինը չի՞»,- չի հանգստանում ինքը:

«Իհարկե»,- ասում է Մարգոն:

«Օօ՜»,- հալված բացականչում է ինքը և խոնարհվում Մարգոյի առջև,- «Կներեք, միանգամից չճանաչեցի, օ՜, մի քիչ լցվել եք, օօօօ՜»,- էքստազի մեջ ընկած, ասում է ինքն ու մինչև գետինը խոնարհվում:

«Վայ, պետք չէ, պետք չէ»,- շոյված, ասում է Մարգոն: «Պետք չէ, որ ձեզ էլ Միստր Դնո ասեն»:

«Հա, շնորհակալ եմ, որ պատվել եք ձեր ներկայությամբ: Գիտե՞ք, իմ պաշտոնավարման տարիներին ոչ մի բանից խաբար չէի: Ով ա Սորոսը, Սևանը լիճ ա, թե հյուրանոց, Չարենցը փողոց է, թե հազար դրամանոց, խալադիլինիկում ինչ կա: Մենակ երկու բան գիտեի. Կենտրոնական բանկի տեղն ու Պուտինի հեռախոսի համարը:  Օօօ՜, որ տեսնեք, կբարևեք»,- ասում է ինքը:

«Կբարևեմ, կբարևեմ, բայց դուք հարցիս պատասխանեք. թեժ աշուն է սպասվում, ո՞ւմ հետ եք պատրաստվում համագործակցել»,- հարցնում է Սիմոնյանը:

«Ձեր հարցի պատասխանն այստեղ է՝ այս հեռուստացույցում ու մեկ էլ այս ծելեվիզրում»,- ասում է ինքը և միացնում հեռուստացույցը: Միացնում է ինչ-որ ալիք, որտեղ դաշնակները դալանի տակ Գառնիկ Իսագուլյանին են տփում՝ ներման խնդրագիր չներկայացնելու և ՀՅԴ չվերադառնալու համար: «Ըհը, սրանք իմ ռազմական թևն են, էն ծեծ ուտողն էլ՝ իմ հակահետախուզական»:

Փոխում է ալիքը. իսկ այնտեղ Գագիկ Ծառուկյանը պահանջում է, որ այսուհետ ԲՀԿ բոլոր երիտասարդները, բացի դրես-կոդից, նաև գլուխ-կոդ պահեն: «Սա էլ իմ ֆինանսական թևն է»:

Նորից է փոխում ալիքը. Արթուր Վանեցյանը ականջը դրած դռան անցքին, ինչ-որ բան է գաղտնալսում. «Սա իմ ռուսական թևն է»:

Պուլտի կնոպկան սեղմում է, հաջորդ ալիքն է բացվում, իսկ այնտեղ Աննա Հակոբյանը դիվերսիոն գործողություն կատարելով, գրավում է Աշաղլու բարձունքը: Ինքը սփրթնած փոխում է ալիքը, որտեղ Նիկոլ Փաշինյանը ներկա է նախադեպը չունեցող նախադեպի բացման արարողությանը:

Գժված միացնում է 5-րդ ալիքը, իսկ այնտեղ իրեն են ցույց տալիս՝ դատարանում, ճաղերի ետևում: «Սա էլ իմ ապագա թևն է»,- հոգոց է հանում ինքը:

Արթնանում է Պարսկահայաստանում:

«Չորրորդ իշխանություն», թիվ 25, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Մարգարիտա Սիմոնյան, Նաիրա Զոհրաբյան, «Չորրորդ իշխանություն», Ռոբերտ Քոչարյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1525






















Վազիր դատարան
Վազիր դատարան
23.09.2020 / 876