Երկուշաբթի 30.03.2020 22:27

Քաղաքական
30.03.2020 / 21:30
Գաղտնալսումներ
30.03.2020 / 21:00
Լուր-մեկնաբանություն
30.03.2020 / 20:30
Քաղաքական
30.03.2020 / 20:00
Բլից-վիրտուալ
30.03.2020 / 19:00
Հարցազրույց
30.03.2020 / 18:00
06.03.2020   10:15
2932

Տեր ե՞ս հանցագործին, որդյակ իմ


Հատուկ քննչական ծառայությունը վերացրել է բուժման նպատակով մեկ տարի առաջ Գերմանիա մեկնած «Հ2» հեռուստաընկերության սեփականատեր Սամվել Մայրապետյանի նկատմամբ ընտրված խափանման միջոց անձնական երաշխավորությունը։ Մայրապետյանի նկատմամբ հետախուզում է հայտարարվել և միջնորդություն ներկայացվել դատարան՝ նրա նկատմամբ կալանավորումը որպես խափանման միջոց ընտրելու վերաբերյալ:

Պատճառն այն է, որ Մայրապետյանը խուսափել է վարույթն իրականացնող մարմնի կանչով ներկայանալ։
Նշենք, որ կաշառքի օժանդակություն կատարելու մեջ մեղադրվող Մայրապետյանին բուժման նպատակով երկրից թույլատրվել էր դուրս գալ 2019-ի հունվարի 25-ին։ Նրա համար անձնական երաշխավորություն էին տվել Առողջապահության նախարարության գլխավոր նյարդավիրաբույժ Ռուբեն Ֆանարջյանը և Մայր Աթոռի տեղեկատվական համակարգի ղեկավար Տեր Վահրամ քահանա Մելիքյանը՝ յուրաքանչյուրը վճարելով 15-ական մլն դրամ։

Վերջիններս ՀՔԾ-ում հարցաքննվել են ու հայտնել, որ չեն կարող ապահովել Մայրապետյանի ներկայանալը վարույթն իրականացնող մարմին։

«ՉԻ». Վատ չի, վատ չի: Փաստորեն, Հայ Առաքելական եկեղեցու բարձրաստիճան պաշտոնյան (իրերն իրենց անուններով կոչենք), 15 մլն դրամ փող ունի, որպեսզի կաշառակերության մեջ մեղադրվող օլիգարխիկ դեմքի համար մուծվի և նրան ազատ արձակելու երաշխավորություն տա: 

Դե, գիտեք, Սամվել Մայրապետյանը փախել է: Այսինքն, Տեր Վահրամ քահանա Մելիքյանը 15 մլն դրամը կորցրեց: Բայց ոնց որ թե շատ դարդ չի անում: Այսինքն, այս մարդը փողի պրոբլեմ չունի: Ո՞նց է այդպես ստացվել:

Ու ի՞նչ է ստացվում. որ մենք՝ հավատացյալներս, եկեղեցու համար հանգանակություն ենք անում, հոգևոր տարբեր ծառայությունների համար վճարում ենք, նվիրատվություններ ենք անում, իսկ այդ գումարը ծախսվում է ոչ թե եկեղեցաշինության կամ բարեգործական նպատակների համար, այլ՝ հանցագործներին բանտից ազատելու համար:

Դուք պատկերացնո՞ւմ եք, Սամվել Մայրապետյանի համար երաշխավոր դարձած անձ լիներ, օրինակ՝ «Կյանքի խոսքից» կամ եհովական: Այնպիսի վայնասուն կբարձրանար, թե աղանդավորները քայքայում են երկիրը, հանցագործներին են օժանդակում, անպատժելիության մթնոլորտ են սերմանում, քաոս են առաջացնում, դրանց պետք է կախել, վառել, փակել... 

Բայց երաշխավորը Մայր Աթոռի հոգևոր պաշտոնյա է: Հա, դե հիմա ի՞նչ ա եղել, բարի նպատակով է մարդը 15 մլն դրամ վճարել, դե հիմա, տենց ստացվեց, Աստված կպատժի Սամվել Մայրապետյանին, իսկ Տեր Վահրամ քահանա Մելիքյանին կօրհնի՝ բարի գործի համար:

Այո, շատ ափսոս, որ Տեր Վահրամ քահանա Մելիքյանը աղանդավոր չէ: Ի՜նչ գաղափար է կորչում, ի՜նչ գաղափար:

Հ.Գ. Ռուբեն Ֆանարջյանի մասով թեման թողնում ենք Արսեն Թորոսյանին:



 Պիտակներ

         Սամվել Մայրապետյան, Տեր Վահրամ քահանա Մելիքյան


Գովազդ
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




















Ապրի Հրայրի արևը












Գող՝ սիրտը դող
Գող՝ սիրտը դող
08.03.2020 / 2626



Ստոպ-կադր
Ստոպ-կադր
09.03.2020 / 2576








Մեր Վանգան
Մեր Վանգան
05.03.2020 / 2399

Վախեցածը
Վախեցածը
08.03.2020 / 2392