01.07.2021   10:00
526

Վախի աչքերը մեծ են


Ս.թ. հունիսի 29-ին Ռոբերտ Քոչարյանը հանդիպել է իր դաշինքի անդամների հետ և մասնավորապես ասել. «Այսպիսի իշխանությանը առողջ հասարակությունը չպիտի քվեարկեր»: 

Սակայն այս արտահայտությանն անդրադառնալուց առաջ նշենք, որ «Հայաստան» դաշինքի լիդերը, փորձելով ներկայացնել իրենց անհաջողության պատճառները, խոսել է ընտրակեղծիքների, լրատվական տեռորի, հասարակության սոցիալական բևեռացման «թեզի» մասին՝ մեղադրելով իշխանություններին:  

Ռ. Քոչարյանը պնդում է, որ կա՛մ մեր հասարակությունը զրկված է ինքնապահպանման բնազդից, կա՛մ (ամենայն հավանականությամբ այդպես էլ կա) իշխանությունները մարդկանց խորը մոլորության մեջ են գցել:

Պնդումների հետ կարելի է համաձայնել, կարելի է նաև չհամաձայնել, սակայն ինքը՝ Ռ. Քոչարյանը, նախ պետք է պատասխանի հետևյալ հարցին՝ ինչպե՞ս Ն. Փաշինյանին հաջողվեց իրեն և իր թիմակիցներին ներքաշել իռացիոնալ, մանիպուլյատիվ մի դաշտ, որտեղ պարտությունն անխուսափելի էր: 

Ի դեպ, քարոզարշավի սկզբում Ռ. Քոչարյանն իսկապես լուրջ տպավորություն էր թողնում, անգամ թվում էր, թե դասեր է քաղել անցյալից, մանավանդ երբ խոսում էր արժանապատիվ խաղաղությունից: Բայց…

Բայց հակառակորդները գտան հնարը: Նախ դիպան միակ տղամարդու թույլ կետին. Նիկոլ Փաշինյանը խոսակցություն բացեց տղամարդկությունից, և Քոչարյանը չդիմացավ ու սկսեց լաչառությանը լաչառությամբ պատասխանել: Հետո Փաշինյանին մուրճ նվիրեցին, և Քոչարյանի խորհրդատուներն անմիջապես հիշեցին բոլշևիկյան մեկ այլ խորհրդանիշի մասին: Շեֆի ձեռքը մանգաղ տվեցին: Թշվառ պատկերն ամբողջացավ: 

Նախընտրական հանդիպումների ժամանակ Ռ. Քոչարյանը չդիմացավ մեկ այլ գայթակղության ևս: Նա պնդեց, թե լավ է, որ իրենից վախենում են և վստահեցրեց, որ ճիշտ էլ անում են: Դրան հետևեց, որ «մաշեցնելու եմ մինչև քոքը», ինչին էլ հաջորդեց նրա «ոգևորիչ էներգետիկայով» երևանյան հանրահավաքը և դրեց վերջակետը: Մարդիկ իսկապես վախեցան Ռ. Քոչարյանի իշխանության վերադարձից և քվեարկեցին հօգուտ Փաշինյանի: Ահա այսպե՛ս վախը դարձավ գործոն: 

Իսկ հիմա անառողջ հասարակության մասին: Այստեղ ճշմարտության հատիկ կա: Սակայն այն բոլորովին էլ Քոչարյանի պատկերացրածը չէ: Այսպես.

1.    Պատերազմը շատ բան է փոխել: Մեր հասարակությունը շոկից դուրս չի եկել: Մենք ապրում ենք անդադար տագնապի վիճակում: Եվ ահա շատերի համար անվտանգային վախերին ավելանում է նաև քոչարյանական վախը: 

2.    Պատերազմից 7-8 ամիս անց նույնիսկ հաղթող հասարակությունն առողջ չէ, ուր մնաց թե պարտվածը հիվանդ չլիներ:

3.    Ռ. Քոչարյանի դաշնակից ՀՅԴ-ն իր ազգակործան, ոչմիթիզական ճառերով թեժացնում է պատերազմի սարսափը: 

Այսքանը՝ առողջության մասին: Իսկ Ռ. Քոչարյանին ասենք, որ

1.    Իրենք՝ նորընծա ընդդիմադիրները, անթաքույց արհամարհանքով էին վերաբերվում սոցիալական որոշակի խավի և չէին խորշում այլանդակ պիտակավորումից: Այդ խավը պատասխանեց համարժեք քվեարկությամբ:

2.    Արդեն նշել ենք, հիմա կրկնենք. Նիկոլ Փաշինյանին հաջողվեց ընդդիմությանը թելադրել իր ուզած իռացիոնալ խոսույթը: Ռ. Քոչարյանն ու թիմակիցները խայծը կուլ տվեցին և մտան մի դաշտ, որտեղ կանխավ պարտված էին: 
Ի դեպ, արժե, որ պ. Քոչարյանը պատասխան պահանջի իր խորհրդականներից:

Ուրեմն նախ պետք է վերլուծել սեփական սխալները և խուսափել հասարակությանը որակումներ տալուց:

Վերջում նշենք, որ արտահերթ ընտրությունն իսկապես չի տեղավորվում բանականության դաշտում, որովհետև նոր ԱԺ-ում ունենալու ենք վտանգավոր, անմեղսունակ իշխանություն և նույնքան վտանգավոր ու հիշաչար ընդդիմություն: 

Կարևոր փաստը հետևյալն է. հասարակության բանական հատվածը պարտվեց՝ չկարողանալով փոխել մեծամասնությանը դրսից և ներսից թելադրված ապակառուցողական խոսույթը:

Զարուհի Գաբրիելյան



 Պիտակներ

         Նիկոլ Փաշինյան, Զարուհի Գաբրիելյան, Ռոբերտ Քոչարյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1284