Քաղաքական
25.02.2021 / 23:27
Սատիրիկոն/Լուր-մեկնաբանություն
25.02.2021 / 19:40
08.07.2020   20:00
832

Ալիևը քաշեց ռևանշիստներին


Երեկ օրը անցավ Ռոբերտ Քոչարյանի երկու դատավարությունների նշանաբանի ներքո: Մեկը չկայացավ, իսկ մյուսն էլ չկայացածի հաշիվ է: Դատավոր Դանիբեկյանը վերջում դառնալու է Գինեսի գրքի ռեկորդակիր՝ սկսված, բայց ըստ էության չսկսված դատավարության շնորհիվ:

Եվ այս ֆոնին գրեթե աննկատ անցավ այն հանգամանքը, որ պայթեց ռևանշիստների երկու տարի շատ խնամքով պատրաստված ամենամեծ տեղեկատավական փուչիկը: Երկու տարի է, ինչ նախկինները իրենց մեդիաներով, իրենց տեղական և ռուսական փորձագետներով հայտարարում են՝ Հայաստանը Արցախի վերաբերյալ վարում է շատ ինտենսիվ բանակցություններ և մոտ է Ադրբեջանի հետ խնդրի վերաբերյալ հանգուցալուծման: Իհարկե, նաև շարունակում էին, որ հանգուցալուծում ասելով՝ նկատի ունեն, որ հայկական կողմը պատրաստ է զիջել ազատագրված տարածքները:

Բայց նախկիններին հարվածեցին շատ անսպասելի տեղից: Երկու տարի հայկական ռևանշիստների բնական դաշնակից դարձած Իլհամ Ալիևը բռնեց և քաշեց: Մեջբերենք նրա ուղիղ խոսքը. «ԵԱՀԿ Մինսկի խումբը չի պատասխանում Հայաստանի վարչապետի հայտարարություններին, թե Ղարաբաղը Հայաստան է: Ինչո՞ւ չի պատասխանում. չէ՞ որ այդ հայտարարությունը առ ոչինչ է դարձնում իրենց հովանու տակ արվող աշխատանքները: Այդ հայտարարությունը փաստացի անիմաստ է դարձնում բանակցությունները: Արե՞լ են համանախագահները ադեկվատ արձագանք այս հայտարարությանը, ո՛չ: Հայաստանն արդեն 2 տարի է՝ փորձում է փոխել բանակցությունների ձևաչափը ու հայտարարում, որ Հայաստանը պետք է բանակցություններ տանի «ինքնակոչ» Լեռնային Ղարաբաղի ղեկավարի հետ: Այս հայտարարությանն էլ ադեկվատ պատասխան չի եղել: Մենք հստակություն ենք պահանջում: Բանակցությունների ընթացքն իրենց չի գոհացնում, այսօր «փաստացի չկան կարգավորման ուղղությամբ բանակցություններ: Չկա ոչ մի արդյունք Հայաստանի և Ադրբեջանի ԱԳ նախարարների տեսակոնֆերանսից: Դա ընդամենը ԵԱՀԿ ՄԽ-ի աշխատանքի իմիտացիա է, իսկ մենք իմիտացիայով բանակցություններ չենք ցանկանում: Եթե կլինի առարկայական ընթացք, մենք բանակցություններին կմասնակցենք, հակառակ դեպքում անիմաստ բանակցություններից օգուտ չկա: Մենք սա ենք պահանջում Մինսկի խմբից և ամուր կառչած ենք մեր դիրքորոշմանը»:

Սա իսկապես գոտկատեղից ներքև հարված է Քոչարյանին, Սարգսյանին և նրանց սպասավորներին:
Իսկ ինչո՞ւ Ադրբեջանի առաջնորդը հիմա արեց այդ հայտարարությունը:

Նախ, Ադրբեջանում նույնպես շատ պայթունավտանգ իրավիճակ է: Նավթի գների աննախադեպ անկումը լրջագույն խնդիրներ է առաջացրել բյուջեի կատարման պահով: Սոցիալ-տնտեսական վիճակը վատթարանում է ավելի արագ, քան հարևան երկրներում: Եվ Ադրբեջանի ղեկավարը փորձում է միլիտարիստական հռետորաբանության միջոցով փոքր-ինչ շեղել հասարակության ուշադրությունը:

Բայց կա նաև երկրորդ պատճառ: Եթե ոչ ուղիղ, ապա միջնորդավորված Հայաստանի ռևանշիստները Ադրբեջանի ղեկավարությանը համոզել էին, որ Հայաստանի գործող կառավարությունը չունի երկար կյանք, իրենք հեղաշրջման միջոցով վերադարձնելու են իշխանությունը, պարզապես պետք է լռություն պահպանելով պաշտպանել այն տեղեկատվական փուչիկի գոյությունը, թե կան բանակցություններ և կոնկրետ փաստաթղթեր:

Հայաստանի իշխանությունը չէր կարող շատ ուղիղ և բաց տեքստով հայտարարել, որ բանակցություններ չկան: Եվ նախկինները շատ լավ գիտակցելով՝ դա օգտագործում էին արհեստական լարվածություն ստեղծելու և հասարակական վախեր առաջացնելու համար:

Առաջիկայում նախկինները գոնե որոշ ժամանակով ստիպված կլինեն դադարեցնել հնչեցնել «Արցախի ողբը» և կկենտրոնան միայն «Հայ-ռուսական հարաբերությունների ողբի» վրա: Ռեպերտուարում այն այնքան ժամանակ կլինի, մինչև մի նմանատիպ հարված էլ Ռուսաստանից չեն ստանա: Եվ արդյունքում, «մենյույում» կմնան Հայու գենը և ԼԳՏԲ վերաբերյալ մտահոգությունները: Հուսանք, որ գոնե վերջիններս չեն քաշի նախկիններին և չեն պայթեցնի նրանց արսենալի վերջին «ռումբը»:

Արիս Վաղարշակյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Արիս Վաղարշակյան


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 979









Էդ սպառնըմ ե՞ս
Էդ սպառնըմ ե՞ս
10.02.2021 / 842


















Խզարում ենք
Խզարում ենք
02.02.2021 / 634