Սատիրիկոն/Լուր-մեկնաբանություն
26.02.2021 / 15:00
Սատիրիկոն/Լուր-մեկնաբանություն
26.02.2021 / 14:00
Սատիրիկոն/Լուր-մեկնաբանություն
26.02.2021 / 12:30
Քաղաքական
26.02.2021 / 11:05
Քաղաքական
25.02.2021 / 23:27
Սատիրիկոն/Լուր-մեկնաբանություն
25.02.2021 / 19:40
17.01.2021   20:00
510

Անգլիական նավերն ու հայկական լեռները


ԾՈՎԱՅԻՆ ԽՐԱՄԱՏՆԵՐ

«Անգլիական նավեր» բառակապակցությունն ընդունենք որպես Արևմուտքի խորհրդանիշ և հիշենք, որ նրանք 100 տարի առաջ չբարձրացան Հայաստանի լեռները և մեզ չպարգևեցին ծովից ծով երկիր... 

Քաղաքագետ, Լիհայի համալսարանի դասախոս Արման Գրիգորյանը ս.թ. հունվարի 14-ի հարցազրույցում մտահոգություն հայտնեց, որ արևմտյան ուժերը, Ռուսաստանի ամրապնդված դիրքերից անհանգստացած, կարող են օգտագործել Արցախի կարգավիճակի խնդիրը, մեր կառավարությանը քաջալերել որոշ հակառուսական քայլերի, բայց այդ քաջալերանքը կարող է չունենալ իրական, նյութական աջակցություն: Անկեղծ ասած՝ ունենք նույն մտահոգությունը՝ հաշվի առնելով թե՛ ներկա կառավարիչների անհեռատես արկածախնդրությունը, թե՛ 100 տարի առաջվա պատմական իրականությունը: 

Վերադառնանք 2020թ. ամառ: Կարդանք օգոստոսի 10-ին հրապարակված երկու կարծիքներ նույն փաստի մասին: 

ՀՀ նախագահ Արմեն Սարգսյան. «Սևրի հաշտության պայմանագիրն այսօր էլ մնում է որպես կարևոր փաստաթուղթ՝ Հայկական հարցի արդարացի լուծման հասնելու հայ ժողովրդի իրավունքի մասին»։

ՀՀ վարչապետ Նիկոլ Փաշինյան. «Չնայած Սևրի պայմանագիրն այդպես էլ կյանքի չկոչվեց, այն շարունակում է գոյություն ունենալ որպես պատմական փաստ, որն արտացոլում է անկախ պետականության վերականգնման համար անցած մեր ուղին: Մեր պարտքն է հիշել այն, գիտակցել և պահպանել նրա խորհուրդը»:

Տեսնում ենք, որ ՀՀ նախագահն ու վարչապետը Սևրի պայմանագրի հարցում ասում են նույնը. նրանք համախոհներ են: Բազմիցս ենք անդրադարձել թե՛ սույն պայմանագրին, թե՛ այն վկայակոչելու արկածախնդիր փորձերին: Խոսել ենք նաև այդ իրադարձության հարյուրամյակը պետականորեն նշելու վնասների մասին, բայց կարծես մեր աչքից վրիպել է մի հանգամանք: 

2020-ի ամռանը լարվել էին Թուրքիայի և Արևմուտքի հարաբերությունները: Թուրքերը Միջերկրականում բացահայտորեն հետապնդում էին իրենց շահը՝ առանձնապես բանի տեղ չդնելով եվրոպական երկրների սպառնալիքները: Ուրեմն եթե դիտարկենք Սևրի դաշնագրի 100-ամյակի հայաստանյան տոնակատարությունը նաև այս համատեքստում, կարող ենք ենթադրել, որ մեր իշխանությունները ոչ միայն պոպուլիզմի զոհ են, այլև ինչ-ինչ երկրների դատարկ քաջալերանքի: Ամենայն հավանականությամբ, քաջալերողները մեր միջոցով թուրքերին ինչ-որ բան էին հասկացնում: Թե ինչպես Թուրքիան օգտվեց սրանից, տեսանք արդեն 2020-ի սեպտեմբեր-նոյեմբեր ամիսներին: Ի դեպ, պատերազմի ժամանակ Ֆրանսիայի նախագահը մեկ-երկու հայտարարություն արեց հօգուտ հայերիս, բայց ոչ մի ռեալ գործողություն չկարողացավ ձեռնարկել արյունահեղությունը կանգնեցնելու համար: Իսկ այսօր արդեն առաջարկներ է անում Թուրքիային՝ մոռանալով Էրդողանի վիրավորական հայտարարությունները: Տեսանք նաև Մինսկի խմբի մյուս համանախագահի՝ ԱՄՆ-ի պահվածքը: Պատերազմի ողջ ընթացքում մենք մեզ նաև խաբում էինք, որ Իրանը մեր դաշնակիցն է, բայց... Բայց պարզվեց, որ մենք դաշնակիցներ չունենք: Ավելին, այն ինչ կարող էինք ունենալ, վաղուց կորցրել էինք թե՛ Ն. Փաշինյանի ինքնասիրահարվածության պատճառով, թե՛ սրա-նրա քաջալերանքին ականջալուր լինելով: 

Հիմա՝ այս օրերին, հայաստանյան որոշ շրջանակներ շունչները պահած սպասում են ԱՄՆ նոր նախագահ Բայդենի երդմնակալությանը, որովհետև ենթադրում են, որ կթուլանա ռուսական ազդեցությունը: Սակայն պատմական փորձն ապացուցում է, որ ԱՄՆ որևէ իշխանություն իր երկրի համար գլխացավանք չի դարձնի հայկական հարցը: Շատ-շատ մանր առևտուր անի, այն էլ մեծ երկրների՝ Ռուսաստանի և Թուրքիայի հետ: Իսկ մենք այս անգամ նույնիսկ Սևրի մեռելածին դաշնագիր չենք ստանալու...

Ուստի պետության շահը պահանջում է, որ չափազանց զգույշ լինենք:

Զարուհի Գաբրիելյան

«Չորրորդ իշխանություն», թիվ 2, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», Զարուհի Գաբրիելյան


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 980









Էդ սպառնըմ ե՞ս
Էդ սպառնըմ ե՞ս
10.02.2021 / 843


















Խզարում ենք
Խզարում ենք
02.02.2021 / 634