Չորեքշաբթի 05.08.2020 19:51

Լուր-մեկնաբանություն
05.08.2020 / 19:00
Քաղաքական
05.08.2020 / 17:00
Լուր-մեկնաբանություն
05.08.2020 / 16:00
Տնտեսական
05.08.2020 / 14:30
Լուր-մեկնաբանություն
05.08.2020 / 12:30
Լուր-մեկնաբանություն
04.08.2020 / 22:00
29.07.2020   17:20
615

Արմեն Աշոտյանն անուղղելի է


Ներկայիս ՀՀԿ-ի «ուղեղային կենտրոն» Արմեն Աշոտյանն անդրադարձել է վարչապետ Նիկոլ Փաշինյանի՝ ռուսական РБК հեռուստաընկերության հետ ունեցած հարցազրույցին և մի քանի դիտարկում արել վարչապետի հնչեցրած մտքերի վերաբերյալ: Ընդհանուր առմամբ Աշոտյանի դիտարկումները վերաբերում են 4 թեմայի, մենք այս հրապարակման մեջ անդրադարձ կկատարենք նրա «դիտարկած» չորրորդ կետին, որը վերաբերում է հայ-ռուսական հարաբերություններին։

Ուրեմն, այդ կետում Աշոտյանն ասում է. «Տավուշյան մարտերից հետո Նիկոլը, գուցե գիտակցելով Ռուսաստանի իրական դերը տարածաշրջանում, փորձեց պախկվել վաղուց հայտնի և իրականությանը համապատասխանող բանաձևի հետևում՝ պայմանավորելով հայ-ռուսական հարաբերությունները հենց երկու ժողովուրդներով: Ասեմ, որ Ռուսաստանի իշխանությունները դա լավ հասկանում են, դրա համար են նաև առաջին հայացքից պասիվ արձագանքում Հայաստանի իշխանությունների հակառուսականությանը, որպեսզի հնարավոր պատասխան գործողություններով չվնասեն հայ ժողովրդին և հայ-ռուսական իրական օրակարգին: Բայց հիշելով Փաշինյանի նախկին հայտարարությունները «ինքնիշխանության», Փանիկ գյուղի դեպքերի և այլնի մասին, ուզում եմ հարցնել. Նիկոլ, բա Նիկոլի վախտ խի՞ չէիր տենց խոսում»:

Նիկոլ Փաշինյանի հետ հարցազրույցում РБК-ի թղթակիցն այս հարցը բարձրացրել էր Մարգարիտա Սիմոնյանի աղմկահարույց գրառման համատեքստում՝ հիշեցնելով նաև վերջինիս արտահայտությունները Ռոբերտ Քոչարյանի մեղադրանքի, կալանավորման, ՌԴ-ի անփոխարինելի դաշնակիցը լինելու, նրան ցուցադրաբար կալանավորելով՝ իբր «ռուս ընկերների երեսին թքելու մասին»:

Իր պատասխանում անդրադառնալով հայ-ռուսական դաշնակցային հարաբերություններին, հատկապես Քոչարյանի՝ «ՌԴ-ի անփոխարինելի դաշնակից լինելու մասին դիտարկմանը», Նիկոլ Փաշինյանն ասել էր, որ այդ հարաբերությունները պետք չէ անձնավորել, դրանք անձերից կախված չեն. «Ռուսաստանում պետք է հասկանան՝ Հայաստանում իրենց դաշնակիցը Փաշինյանը չէ, Տեր-Պետրոսյանը չէ, Սարգսյանը չէ, Քոչարյանը չէ, այլ հայ ժողովուրդն է, սա շատ կարևոր նրբություն է: Շատ գործիչներ երկար տարիներ դիրքավորվում էին որպես միանձնյա դաշնակից ՌԴ-ի հետ: Բայց դաշնակիցը Հայաստանն է և հայ ժողովուրդը, ոչ թե կոնկրետ դեմքեր, ընտանիքներ, գործարարներ, ոչ թե կոնկրետ քաղաքական գործիչներ և ոչ նրա համար, որ ինչ-որ մեկը շատ կամ քիչ է սիրում Ռուսաստանը, այլ որովհետև մենք ունենք ընդհանուր ռազմավարական շահեր՝ անկախ Փաշինյանից, Տեր-Պետրոսյանից, Պողոսյանից, Իվանովից և Սիդրովից»:

Նիկոլ Փաշինյանի ու նրան արձագանքող Արմեն Աշոտյանի՝ վերը մեջբերված մտքերը շատ լավ ցուցադրում են նրանց ու իրենց քաղաքական թիմերի պատկերացումները հայ-ռուսական հարաբերությունների մասին։ Նիկոլ Փաշինյանի համար այդ հարաբերություններում հավասարապես կարևոր են ինչպես Հայաստանի ինքնիշխանությունը, այնպես էլ երկու երկրների բարեկամությունը։ Արմեն Աշոտյանի և ընդհանրապես իր քաղաքական հայրերի՝ Ռոբերտ Քոչարյանի ու Սերժ Սարգսյանի համար ինքնիշխանությունը հետին պլանում է։ Դա նրանք տարիներով ու գործով են ապացուցել։

Արմեն Աշոտյանը հերթական մանիպուլյացիային է դիմում՝ խոսելով «Հայաստանի իշխանությունների հակառուսականության» մասին։ Այս թեզը Հայաստանի 5-րդ շարասյան ներկայացուցիչներն ասպարեզ են մղում արդեն երկու տարի՝ փորձելով Ռուսաստանի իշխանությանը տրամադրել Հայաստանի իշխանության դեմ, թշնամացնել նրանց, ինչը ևս խոսում է այս մարդկանց՝ Հայաստանի ինքնիշխանությունը չհարգելու մասին։
Թերևս, Աշոտյանի ու իր թիմակիցների համար «հակառուսականություն» է Հայաստանի սուբյեկտայնության, ինքնիշխանության բարձրացման, դաշնակցային կապերում հնարավորինս հորիզոնական հարաբերություններ հաստատելու՝ գործող իշխանության ձգտումները։

Արմեն Աշոտյանի գրառման վերջին ֆրազի մասին։ Գրում է՝ «հիշելով Փաշինյանի նախկին հայտարարությունները «ինքնիշխանության», Փանիկ գյուղի դեպքերի և այլնի մասին, ուզում եմ հարցնել. Նիկոլ, բա Նիկոլի վախտ խի՞ չէիր տենց խոսում»: Ուզում է ասել, թե նախկինում Նիկոլ Փաշինյանը խոսում էր Հայաստանի ինքնիշխանության մասին, իսկ այս վերջին հարցազրույցում իբր չի խոսում։

Նախ ուշադրություն է գրավում, որ Արմեն Աշոտյանի տեքստում ինքնիշխանություն բառը առնված է չակերտների մեջ, այսինքն՝ անգամ ենթագիտակցորեն այս անձի համար Հայաստանի ինքնիշխանության գաղափարը չակերտավոր է։

Եվ ապա, Աշոտյանը կամ չի նկատել, կամ էլ չի ցանկացել նկատել, կամ հասու չէ նկատել, որ РБК-ի հետ հարցազրույցում ևս Փաշինյանը շոշափել է ինքնիշխանության մասին։ Ահավասիկ Փաշինյանի հարցազրույցի այդ հատվածը. «Ի՞նչ անել, որպեսզի դաշնակցային հարաբերություններում չլինեն նման հարցեր (նկատի ունի հարաբերությունների անձնավորումը - հեղինակ). ուղղակի Հայաստանի դեպքում պետք է հաշվի նստել Ռուսաստանի և ռուս ժողովրդի զգացմունքների և ձգտումների հետ, ռուսներն էլ պետք է հաշվի նստեն հայ ժողովրդի զգացմունքների և ձգտումների հետ»։ Այսինքն՝ խոսում է հորիզոնական, երկուստեք հարգանքի վրա հիմնված հարաբերությունների մասին, որը ոչ այլ ինչ է, քան ակնարկ Արմեն Աշոտյանի այնքան չսիրած ինքնիշխանության մասին։

Համլետ Կիրակոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Նիկոլ Փաշինյան, Համլետ Կիրակոսյան, Արմեն Աշոտյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Երգիր, որ չկռվես


«ՉԻ» ռիթմով
«ՉԻ» ռիթմով
01.08.2020 / 941














Ստոպ-կադր
Ստոպ-կադր
01.08.2020 / 515













В ритме «ЧИ»
В ритме «ЧИ»
01.08.2020 / 262