Չորեքշաբթի 16.06.2021 20:50

13.05.2021   20:00
353

Այդպես էլ չհասկացան իշխանություն և ընդդիմություն լինելու տարբերությունները


Իշխանության խմբակցության պատգամավորներից մեկը ԱԺ արձակման վերջին նիստում շատ ուշագրավ միտք արտահայտեց. իշխանությունը պետք է պահես այն մեթոդներով, որով եկել ես իշխանության:

Սա կարելի էր գնահատել իբրև հերթական ուսապարկի մտավարժանք, եթե վերջին երեք տարիներին չհամոզվեինք, որ նրանք իսկապես անկեղծ են իրենց արկածախնդրության մեջ: Իսկապես ներկայիս իշխանությունները արտաքին ու ներքին քաղաքականությունը վարեցին այնպես, կարծես թե հակառակորդը մշտապես պայմանական Օսիպյանն է:

Օրինակ՝ մտածեցին, եթե իշխանության ենք եկել ու ջրել նախկին բոլոր տուգանքները, ապա կարելի է դա անել նաև միջազգային հարաբերությունների հետ` հայտարարելով, որ բանակցային գործընթացը սկսում ենք սեփական կետից: Իրենց թվաց, թե Մինսկի խումբն էլ է ոգևորվելու դրանից ճիշտ այնպես, ինչպես ոգևորվեցին երթևեկության կանոնները օրը մի քանի անգամ խախտող տաքսիստները:

Իրենց թվաց և շարունակում է թվալ, որ եթե իշխանության ես եկել՝ օգտագործելով ֆեյսբուքը, ապա պատերազմն էլ կարող ես հաղթել նույն ֆեյսբուքի օգնությամբ, նշույլ անգամ չանհանգստանալով պատերազմող երկրի տեղեկատվական անվտանգությամբ: Չվերահսկվող, տեղեկատվական վակխանալիայի վերածված սոցիալական կայքերը չափազանց մեծ վնաս պատճառեցին հայոց բանակի մարտունակությանը: Բայց իշխանության ներկայացուցիչներն այդպես էլ գլխի չընկան՝ մտածելով, որ եթե ֆեյսբուքը օգնել է մեզ իշխանության գալու գործում, ապա ինչու չպետք է օգնի պատերազմելիս:

Դատական բարեփոխումների փոխարեն կարծեցին, որ եթե 2018 թվականի ապրիլի 22-ին չափազանց օգտավետ էր Շենգավիթի դատարանի և ոստիկանության շենքերի շրջափակումը, ապա ինչու դա չկրկնել 2019 թվականին՝ ևս մեկ անգամ կիրառելով հաջողված փորձը: Պարզապես դատավորները դուրս էին եկել շոկային իրավիճակից և այլևս չէին վախենում օդում հնչող «Դմփ-դմփ, հու»-ներից:

Իշխանության են եկել վեր պարզած ձեռքերով, տեսնես որքան հնարավոր կլինի պահել այդպես իշխանությունը, երբ դիմացը ոչ թե Օսիպյանն է, այլ Ալիևը, Էրդողանը կամ թեկուզ՝ նույն Քոչարյանը:

Իրենց թվաց, որ եթե իշխանության հասնելու գործում մեծ ոգևորություն առաջացրեց «Մարիոթ» հյուրանոցում մի քանի րոպե ուսապարկը հանելու տեսարանը, ապա կարելի է դա նույնպես կիրառել, օրինակ, Պուտինին նախագահական շենքի դիմաց ընդունելության չարժանացնելու պահով:

Իշխանությունը կարծեց, որ հավասար քարոզչական ազդեցություն է թողնելու թե՛ հեծանիվով մի անգամ աշխատանքի գնալը, թե՛ «Սու-30»-ի խցիկից սելֆի անելը: Առաջին դեպքով կոգևորվեն ՀՀ քաղաքացիները, իսկ երկրորդի պահով դեպրեսիայի մեջ կընկնեն թշնամիները:

Իշխանությունն այդպես էլ չհասկացավ, որ եթե խաղաղ պայմաններում ինչ-որ մեթոդներով եկել ես իշխանության, ապա դա ամենևին չի նշանակում, որ դրանք կիրառելի են նաև պատերազմի ժամանակ: Իշխանությունը չհասկացավ, որ փողոցներ շրջափակելով կարելի է հասնել կոռումպացված ռեժիմի կապիտուլյացիային, բայց Երևանում միտինգ անելով կամ Շուռնուխում մեկի տանը նկարվելով հնարավոր չէ ստիպել Ադրբեջանին հետ կանգնել իր նկրտումներից:

Երեք տարի իշխանություն ունենալով՝ թերևս պետք է հասկանային իշխանություն ու ընդդիմություն լինելու տարբերությունները: Բայց կարծես չեն հասկացել: Ավելին, տպավորությունն այնպիսին է, որ իշխանությունը կորցնելուց հետո էլ չեն կարողանալու գոնե իրենք իրենց պարզաբանել, թե ինչու կորցրին իշխանությունը:

Արիս Վաղարշակյան



 Պիտակներ

         Արիս Վաղարշակյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























Գործակալ 00
Գործակալ 00
01.01.2020 / 22631


Խոսող ձուկը
Խոսող ձուկը
10.11.2019 / 22114


Պեսիմիստական
Պեսիմիստական
08.03.2020 / 20965


Բոլոլա շաբաթ
Բոլոլա շաբաթ
28.09.2019 / 20451





Բա
Բա
20.11.2020 / 19200



Գործակալ 00
Գործակալ 00
01.01.2020 / 18487





Գործակալ 00
Գործակալ 00
01.01.2020 / 17281

The Tashir spider web
The Tashir spider web
09.12.2019 / 17119