«Մեկ Հայաստան» կուսակցության նախագահ Արթուր Ղազինյանը ֆեյսբուքյան իր էջում գրել է. «Հատուկ ցանկանում եմ նշել, որ այս փուլում ՀՀ իշխանությունները ստիպված են լինելու գնալ կոնկրետ և առարկայական ներիշխանական զոհողությունների՝ դաշնակիցների համար առավել վստահելի ու կանխատեսելի դառնալու նպատակով»:
«ՉԻ». Ինչ զոհողության մասին է խոսում Ղազինյանը: Պարզ է՝ գործող իշխանությունները հեռանան, որպեսզի նրանց տեղը զբաղեցնեն նախկինները և դրանով ավելի կանխատեսելի դառնան դաշնակիցների համար: Դաշնակից ասելով էլ պետք է հասկանանք կոնկրետ մեկ երկրի, որովհետև դժվար է պատկերացնել, որ մեկ այլ դաշնակից նույնպես կցանկանա, որ այսօր Հայաստանի քաղաքական ղեկավարությունը փոխվի:
Առաջարկում ենք, որ սկզբի համար կոնկրետ զոհողություններ պահանջող Ղազինյանը գնա զոհողության: Կերած-խմած անձնավորություն է, թող զենք վերցնի, գնա սահման և մի քանի օր պաշտպանի հայրենիքը:
Թե՞ իր համար զոհողությունը ուրիշ երկրների օրակարգը ֆեյսբուքում սպասարկելն է:
Տեսան, որ ժողովուրդը այս օրերին մերժում է հակաքարոզչությունը, անցել են ավելի նուրբ գործունեության. հրաժարական տվեք, մենք գանք իշխանության, որպեսզի դաշնակցի համար ամեն ինչ կոմֆորտ զոնայում լինի:
Այս տեսակը այդպես էլ չհասկացավ, որ հայ ժողովրդի պայքարը անկախության համար է: