Չորեքշաբթի 03.03.2021 09:30

Սատիրիկոն/Լուր-մեկնաբանություն
02.03.2021 / 21:00
Քաղաքական
02.03.2021 / 20:00
Սատիրիկոն/Լուր-մեկնաբանություն
02.03.2021 / 19:00
Սատիրիկոն/Լուր-մեկնաբանություն
02.03.2021 / 17:00
Սատիրիկոն/Լուր-մեկնաբանություն
02.03.2021 / 15:15
Սատիրիկոն/Լուր-մեկնաբանություն
02.03.2021 / 13:30
14.11.2020   09:30
616

«ՉԻ» ռիթմով


Մղձավանջների փուլը

Այսպիսի մղձավանջային տարի նույնիսկ ամենամղձավանջային երազում հնարավոր չէր պատկերացնել: Մարդու ձեռքը չի գնում ինչ-որ բան գրի: Կատարյալ դատարկություն է: «Կարգին» հաղորդման մեջ Մկոն երբ ասում է. «դաժե մեռնելու հավես չունեմ», հիմա այդ վիճակն է:

Մենք ոչ միայն Արցախի համար պատերազմում ենք պարտվել: Մենք պարտվել ենք նաև Հայաստանի ինքնիշխանության, անկախության և հետագա զարգացման համար պայքարում: Պայքար, որի համար 30 տարի այդքան միս ու արյուն էինք տվել, ահռելի զոհողությունների և կորուստների, քաղաքական և դիվանագիտական տաժանակիր աշխատանքի շնորհիվ դրվել էին պատերազմը դադարեցնելու և խաղաղություն հաստատելու հիմքերը:

Մի ամսում այդ հիմքերը փլուզվեցին: Այսինքն, մի ամսում չէ: Այս պարտության հիմքերը դրվեցին 1998 թվականին, երբ մերժվեց արժանապատիվ խաղաղության առաջարկն ու այդ պատրվակով հեղաշրջում իրականացվեց, իշխանության եկան ոչմիթիզականները: Ու այդպես, տարին տարվա վրա, ոչ մի թիզ գոռալով, մաշեցրին մեր պետականության ամրապնդման համար անհրաժեշտ գիտական, քաղաքական, տնտեսական, բարոյական ռեսուրսները: Ռացիոնալիզմը, սառը դատողությունը օրենքից դուրս համարվեց, դավաճանությունն ու նյութապաշտությունը, առավելապաշտությունը, ծավալապաշտությունը կամաց-կամաց սողոսկեցին մեր հանրության գիտակցության ամենահեռավոր ծալքերը: 

Ու հիմա եկել է քարերը հավաքելու ժամանակը: Արցախը կորցրել ենք, հիմա կռիվը գնալու է Հայաստանի համար: Ներքաղաքական «ռազբորկաները» գնալով թափ են հավաքում, փոխադարձ մեղադրանքների, դավաճանությունների մասին խոսակցությունների ալիք է բարձրացել, որը հղի է աղետալի հետևանքներով, ընդհուպ՝ քաղաքացիական պատերազմ: Ու սա այն դեպքն է, երբ սթափության ցանկացած կոչ գնում, կորչում է խելագարված ամբոխների հորձանուտում: Մեզ մնում է կրել մեր բաժին պատիժը, տեսնենք, քանի տարով են պատժելու, ինչքան կտևի հաշիվներ պարզելու փուլը, հաշվեհարդարների, վրեժներ լուծելու ծարավը երբ կբավարարվի: 

Վատի ու վատթարի միջև

Ու բացառված չէ, որ ավելի վատը դեռ առջևում է: Առաջիկայում պետք է դատարկվի Քարվաճառը՝ իր գյուղերով: Բայց երեկ Թուրքիայի նախագահ Ռեջեփ Թայիփ Էրդողանը հայտարարել է, որ Անկարան ու Մոսկվան արձանագրություն են ստորագրել ռուս-թուրքական համատեղ կենտրոնի ստեղծման վերաբերյալ, որը պետք է հետևի Լեռնային Ղարաբաղում հրադադարի ռեժիմի պահպանմանը։

«Այսօր առավոտյան Լեռնային Ղարաբաղում հրադադարի պահպանման վերահսկման ու մշտադիտարկման թուրք-ռուսական համատեղ կենտրոնի մասին փոխըմբռնման հուշագիր է ստորագրվել»,- հայտարարել է Էրդողանը՝ հույս հայտնելով, որ Սիրիայում, ինչպեսև Լեռնային Ղարաբաղում, «կապահովվի արդար խաղաղություն»։

Հասկանո՞ւմ եք, չէ՞, թե սա ինչ է նշանակում: Սա նշանակում է, որ Հայաստանը այլևս ինքնիշխան չէ, մեր տեղը մեր հարցերը ռուսներն ու թուրքերն են որոշում: Այսպես ասած, հանձնվել ենք նրանց ողորմածությանը: Ինչպես՝ 1920-21 թվականներին: Այսինքն, մեր իսկ պատմությունը, նրա դառը և ողբերգական էջերը մեզ այդպես էլ դաս չեղան: Դասեր չքաղելու հետևանքները հիմա լիուլի քաղելու ենք: 

Հետաքրքիր է, որ ավելի վաղ ՌԴ նախագահի խոսնակ Դմիտրի Պեսկովը հայտարարել էր, որ Ղարաբաղում դիտորդական կենտրոն տեղակայելու մասին Թուրքիայի հայտարարությունը հակասում է Կրեմլի տեսակետին: Հակասում է, իհարկե, բայց դե, Թուրքիան ու Ադրբեջանը հիմա առավելագույնս են փորձելու կորզել ռուսներից: Բնականաբար, մեր հաշվին: Էս անտերը ոնց որ 1920 թվի պատմությունը արտատպենք: 

Վրաստանից ու Ադրբեջանից տեղ հասանք

Երբ այս տողերը գրվում էին, ընդդիմությունը փորձում էր հասնել Նիկոլ Փաշինյանի հրաժարականին: Կամ գուցե առանց հրաժարականի էլ փորձի իշխանությունը վերցնել: Սա տեսել ենք ժամանակին Վրաստանում, Ադրբեջանում: Որտեղ պատերազմական անհաջողությունները հեղաշրջումների և քաոսային իրավիճակի հանգեցնելու պատճառ դարձան: Տարիներ պահանջվեցին, որպեսզի մեր հարևան երկրները ուշքի գան ու ոտքի կանգնեն: Հիմա՝ 25 տարի անց, հերթը մեզ եկավ: Քանի տարի կամ տասնամյակ կպահանջվի, որպեսզի մենք էլ ուշքի գանք, սթափվենք, չգիտենք: Մնում է ապավինել Աստծո կամքին, բայց դա էլ քիչ է:

Լավ մնանք, դառը իրականությունը բախել է մեր դռները: 

«Չորրորդ իշխանություն», թիվ 35, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Դմիտրի Պեսկով, «Չորրորդ իշխանություն», «ՉԻ» ՌԻԹՄՈՎ, ոչմիթիզական, Ռեջեփ Թայիփ Էրդողան


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Ստոպ-կադր
Ստոպ-կադր
01.03.2021 / 503