Չորեքշաբթի 03.03.2021 21:30

Սատիրիկոն/Լուր-մեկնաբանություն
03.03.2021 / 20:45
Սատիրիկոն/Լուր-մեկնաբանություն
03.03.2021 / 20:00
Սատիրիկոն
03.03.2021 / 19:00
Սատիրիկոն/Լուր-մեկնաբանություն
03.03.2021 / 17:30
Քաղաքական
03.03.2021 / 16:30
Սատիրիկոն/Լուր-մեկնաբանություն
03.03.2021 / 15:30
16.01.2021   09:30
291

«ՉԻ» ռիթմով


Բանի տեղ դնող չեղավ

Այս շաբաթ մի ամբողջ օր բոլորիս ուշադրությունը սևեռվեց Մոսկվայի վրա, որտեղ կայացավ Պուտին-Փաշինյան-Ալիև եռակողմ հանդիպումը: Որևէ սպասելիք այս հանդիպումից չկար. նկատի ունենք ինչ-որ տարածքների վերադարձ, կարգավիճակի ճշգրտում, վերջնական զինադադար և այլն: Հայաստանն այսօր այն վիճակում չէ, որ նման հարցեր քննարկի: Միակ ակնկալիքը Ադրբեջանում գտնվող գերիների հարցն էր, որն էլ չլուծվեց: Այսինքն, Ալիևը մերժեց նրանց վերադարձնել: Նույնիսկ այստեղ կատարյալ անզորություն էր: 

Շարունակում ենք խայտառակ լինել

Մի խոսքով, ով հասնում է, մեզ չռփում է: Բանը հասավ նրան, որ Մոսկվան արդեն պաշտոնապես մեզ խայտառակ արեց: Նոյեմբերի 10-ի համաձայնագրից հետո Նիկոլ Փաշինյանը մի քանի հոդված գրեց, որտեղ աղետալի պատերազմի հետևանքների համար պատասխանատվությունը բարդում էր նախկին բոլոր իշխանությունների վրա: Անիմաստ է հիմա այդ մանիպուլյացիաներին, կամ, մեր լեզվով ասած՝ «կռուտիտներին» նորից անդրադառնալ: Այդ հոդվածներին Քոչարյանն էլ արձագանքեց, Սերժ Սարգսյանն էլ, իսկ Լևոն Տեր-Պետրոսյանն ընդհանրապես ձեռքը թափ տվեց, ասաց, անիմաստ է, ինչ ուզում է, թող խոսի:

Հիմա Նիկոլ Փաշինյանի այդ բազմաթիվ կեղծ պնդումներից մեկին ստիպված եղավ արձագանքել Ռուսաստանը: Իր վերջին հոդվածում Փաշինյանը գրել էր, թե Լեռնային Ղարաբաղի հակամարտության կարգավորման վերաբերյալ ռուսական առաջարկները չեն շոշափել Լեռնային Ղարաբաղի կարգավիճակը և հանգել են միայն Ադրբեջանին յոթ շրջանների վերադարձի թեմային։

Ռուսաստանի արտգործնախարարությունն արդեն չդիմանալով, իր պաշտոնական կայքում տեղադրել է ԵԱՀԿ Մինսկի խմբի ռուսաստանցի համանախագահ Իգոր Պոպովի մեկնաբանությունը:

Պոպովն ասում է, որ ԵԱՀԿ Մինսկի խմբի համանախագահների կողմից փուլային կարգավորման վերջին ծրագիրը կողմերին է փոխանցվել 2019թ. հունիսին:

Այդ ծրագրով նախատեսվում էր առաջին փուլում Ադրբեջանին հինգ շրջանների վերադարձը, իսկ երկրորդում՝ երկուսի վերադարձը, որն անմիջականորեն պետք է կապվեր Լեռնային Ղարաբաղի կարգավիճակի որոշման հետ:

«Ուստի պնդել, որ Ռուսաստանն առաջարկել է վերադարձնել յոթ շրջանները «հենց այնպես», մոռանալ կարգավիճակի մասին և հանգստանալ, չի համապատասխանում իրականությանը»,- ասել էր Պոպովը:

Չգիտենք, ով ոնց, բայց սա խայտառակություն է: Խայտառակություն է, որ աշխարհի գերտերություններից մեկը օրը ցերեկով քո երկրի ղեկավարին «ստախոս» է համարում: Սա դեռ՝ մեղմ ասած: Մարդու սիրտ է ճմլվում, երբ Պոպովը ներկայացնում է, թե ինչ պայմաններով պետք է հարցը լուծվեր: Այն ընդունելու դեպքում ո՛չ Հադրութի շրջանը կկորցնեինք, ո՛չ Շուշին, ո՛չ հազարավոր զոհեր կունենայինք, ո՛չ բանակը կվերանար, ոչ էլ այդքան փախստականներ կունենայինք: Ու բնականաբար, Սյունիք, միջանցք դեպի Նախիջևան, ու նմանատիպ այլ մշուշոտ հեռանկարներ չէինք ստանա: 

Իսկ Գագիկ Հարությունյանը 70 տարեկան էր

Ներքաղաքական կյանքում վերջապես հետաքրքիր բաներ տեղի ունեցան: Իհարկե, խոսքը ընդդիմության մասին չէ, որն իշխանության հետ անճարակության մրցավազքում առայժմ պարտվողի դերում է: 

Նախ, Արգիշտի Քյարամյանը հերթական պաշտոնին նշանակվեց: Չենք նշում, թե ինչ պաշտոնի, որովհետև մինչև այս նյութը հրապարակվի, կարող է ավելի նոր պաշտոն ստանա: Մանրից վերջանում են այն պաշտոնները, որոնք դեռ չի ստանձնել սույն երիտասարդ և առեղծվածային անձնավորությունը:

Մյուս հետաքրքիր պահը Գագիկ Ջհանգիրյանին ԲԴԽ անդամ առաջադրելու՝ «Իմ քայլը» խմբակցության քայլն էր: Մի քիչ անսպասելի առաջարկ էր, մի քիչ էլ անսպասելի էր, որ պրն Ջհանգիրյանը համաձայնեց, քանի որ, բնականաբար, շանթ ու որոտի տակ պիտի ընկներ: Նախկին իշխանությունների լրատվամիջոցները, նրանց սպասարկող վերլուծաբան-բլոգերներն անմիջապես վրա տվին Գագիկ Ջհանգիրյանին: Վերջինիս առաջադրումը հատկապես ծանր է տանում ԲԴԽ նախագահ Ռուբեն Վարդազարյանը:

Վերջինս հայտարարեց, որ Գ. Ջհանգիրյանը չի կարող ԲԴԽ անդամ լինել, քանի որ դատավորի թեկնածուների հավակնորդների ցուցակում ընդգրկվելու համար որակավորման ստուգմանը կարող են մասնակցել 25-60 տարեկան, ընտրական իրավունք ունեցող անձինք, իսկ Գագիկ Ջհանգիրյանը 66 տարեկան է: Այսինքն, տարիքային սահմանափակում կա: 60-ից բարձր մարդիկ չեն կարող ԲԴԽ անդամ դառնալ: 

Մենք իրավական այս նրբությունների մեջ չենք ցանկանում խորանալ, ամեն մեկը յուրովի է մեկնաբանում Ջհանգիրյանի առաջադրման իրավական հիմքերը: Սակայն մի բան մեր ուշադրությունից չվրիպեց: Եթե 60-ն անց անձը չի կարող ԲԴԽ անդամ առաջադրվել, այդ դեպքում ինչպե՞ս է Գագիկ Հարությունյանը 2018 թվականի փետրվարին խորհրդարանի կողմից ընտրվել ԲԴԽ անդամ, իսկ մի շաբաթ հետո էլ ընտրվել ԲԴԽ նախագահ, եթե այդ ժամանակ 70 տարեկան էր: Որևէ բացատրություն կա՞ սրան: Այն ժամանակ որևէ մեկին Գագիկ Հարությունյանի տարիքը չէր հետաքրքրել: Կցանկանայինք այս հարցի պատասխանը ստանալ: 

«Չորրորդ իշխանություն», թիվ 2, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Ռուբեն Վարդազարյան, «ՉԻ» ՌԻԹՄՈՎ, Նիկոլ Փաշինյան, Գագիկ Հարությունյան, Գագիկ Ջհանգիրյան, «Չորրորդ իշխանություն», Արգիշտի Քյարամյան, Իգոր Պոպով


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Ստոպ-կադր
Ստոպ-կադր
01.03.2021 / 540























Բա սա կյա՞նք է
Բա սա կյա՞նք է
03.03.2021 / 10