Խորհրդարանում Նիկոլ Փաշինյանը հայտարարեց, թե իրականությանը չեն համապատասխանում լուրերը, թե Գլխավոր շտաբի նախկին պետ Օնիկ Գասպարյանը պատերազմի չորրորդ օրը հայտարարել է, որ պետք է կանգնեցնել պատերազմը, քանի որ այն շարունակելու համար ռեսուրսներ չկան:
«ՉԻ». 5 ամսից ավել է, ինչ բոլորը լսել և կարդացել են Օնիկ Գասպարյանի այդ հայտարարությունը: Հարց՝ ինչո՞ւ 5 ամիս չեք հերքել այդ լուրը:
Հաջորդ հարցը հետևյալն է՝ եթե Օնիկ Գասպարյանը չպահանջեր ձեր հրաժարականը, երբևէ կհերքեի՞ք այդ լուրը:
Ինչպե՞ս կարելի էր պահել մի գլխավոր շտաբի պետի, որը ապատեղեկատվություն էր տարածում: Իհարկե, եթե հավատանք Նիկոլ Փաշինյանին:
Մի կողմ դնենք, թե ով է ճիշտ խոսում՝ Փաշինյա՞նը, թե՞ Գասպարյանը: Նոր երևան եկած հանգամանքների կոնտեքստում կարևոր է արձանագրել՝ Փաշինյանը 4 ամիս պաշտոնանկ չի արել գլխավոր շտաբի պետին, որը, իր խոսքերով, ապատեղեկատվություն է տարածել: Ձախողված կառավարումը այլ տեսք չի ունենում: