Երևանի ավագանու «Լույս» խմբակցության ղեկավար Դավիթ Խաժակյանը գրել է․
«Ժողովուրդն իմաստուն է․․․
Նախկին իշխանությունների օրոք երբ քաղաքացիները փողոցում ճանաչում և զրույցի էին բռնվում, վերջում մեզ ասում էին «դե պինդ եղեք, դուխով․․․»։
Նոր իշխանությունների օրոք երբ ձևավորվեց Երևանի ավագանին և ԱԺ-ն, փողոցում ճանաչող մարդիկ նույն պարբերականությամբ ասում են «ո՞նց էլ ներվերդ դիմանում ա, համբերություն․․․»։ Հետաքրքի՞ր է, չէ՞։
«ՉԻ». Չի կարելի չհամաձայնել Խաժակյանի հետ: Եթե ժողովուրդը իմաստուն չլիներ՝ «Լույսը» երկու տոկոսից մի քիչ ավել ձայն կստանար:
Հետաքրքիր է՝ երբ են Խաժակյանին ասել դուխով եղեք: Սերժ Սարգսյանից մեդալ ստանալու օրերի՞ն, Տարոն Մարգարյանի հետ երբևէ առճակատման չմտնելի՞ս, թե՞ հեղափոխության ժամանակ երրորդ ճանապարհ փնտրելիս:
Ինչ վերաբերում է նյարդերին ու համբերությանը: Խաժակյանը պարզապես չի պատկերացնում, թե հանրությունը որքան նյարդեր է փչացնում իրեն լսելիս և համբերությամբ սպասում, որ մի օր կավարտվեն «Լույս» անունով այդ թատերական խմբի ներկայացումները: