ԱԺ նախկին փոխխոսնակ Արփինե Հովհաննիսյանը Ֆեյսբուքի իր էջում գրել է. «Երբ գրքերում կարդաք հայերի արժանապատվության մասին ու ուզեք տեսնել` գնացեք Սյունիք: Իրեն անպատվողներին անվանեց «սրանք», քանզի իր համար մարդ ու «հպարտ է» միայն իրեն սիրողն ու իր հետ համաձայնը: Ինքն ատում է բոլորին, ու քանի որ ինքը մանր փոքրոգի է, գուցե փորձի վաղը տարբեր խուլիգանների միջոցով վրեժ լուծել: Ես պատրաստ եմ անձամբ գնալ Սյունիք, լինել այդ մարդկանց կողքին և իրավական օգնություն ցուցաբերել: Վստահ եմ՝ ոչ միայն ես»:
«ՉԻ». Փաստորեն, ըստ Հովհաննիսյանի տրամաբանության, հայերի արժանապատվությունը հայհոյելն է: Իսկ ամենաարժանապատիվ հայերը ապրում են Սյունիքում, քանի որ կարող են կանանց և երեխաների մոտ ծնող հայհոյել:
Անցած անգամ էլ Փաշինյանին չթողեցին մուտք գործել Սյունիք, փակեցին ճանապարհը, և հանրային արձագանքը հաստատապես սյունեցիների դեմ չէր: Երեկվա խուլիգանությունը, հանրային վայրերում հայհոյանքի փառատոնը չեն կարող մեծ ոգևորություն առաջացնել անգամ այն մարդկանց մոտ, որոնք մերժում են Փաշինյանին: Մի պարզ պատճառով, հայերի արժանապատվությունից ցածր է կանանց և երեխաների մոտ հայհոյել ուրիշի մահացած ծնողներին: Հանրապետականների մոտ գուցե դա ընդունված է, բայց, փառք Աստծո, բոլոր հայերը հանրապետական չեն:
Սյունիք էլ հիմա պետք չի գնալ, այլ պետք էր գնալ պատերազմի ժամանակ: Սերժ Սարգսյանի ասած՝ գնում ես Սյունիք, որ ի՞նչ անես: