Սատիրիկոն/Լուր-մեկնաբանություն
26.02.2021 / 22:00
Սատիրիկոն/Լուր-մեկնաբանություն
26.02.2021 / 21:00
Քաղաքական
26.02.2021 / 20:00
Սատիրիկոն/Լուր-մեկնաբանություն
26.02.2021 / 19:00
Սատիրիկոն/Լուր-մեկնաբանություն
26.02.2021 / 17:25
Սատիրիկոն/Լուր-մեկնաբանություն
26.02.2021 / 16:15
05.07.2020   19:00
1017

Գույքահարկի մասին օրենքի փոփոխությունները պետք է հետ բերվեն


«ՉԻ»-ի զրուցակիցն է Ազգային ժողովի «Իմ քայլը» խմբակցության պատգամավոր Արթուր Մանուկյանը:

- Պարոն Մանուկյան, դեմ քվեարկեցիք «Գույքահարկի մասին օրենքի» փոփոխություններին: Ըստ ձեզ՝ ինչո՞ւ այն շուտափույթ օրակարգ բերվեց և ընդունվեց՝ հանրային լայն քննարկումների չդրվելով:

- Կարծում եմ, որ այս օրենքը բազմաշերտ խնդիրներ ունի և ավելի քան համոզված եմ, որ նախքան ընդունվելը պետք է քննարկման դրվեր, պարզաբանումներ արվեր և հանրության հետ համաձայնության գային: Այդ ժամանակ, երբ օրենքն ընդունվեր, որևէ հարց չէր կարող ծագել հանրության մոտ: Ես բացթողում եմ համարում, որ օրենքը հանրային լայն քննարկման չդրվեց, պարզաբանումներ չտրվեցին: Մարդիկ գուցե քաղաքի պահպանման, զարգացման համար պատրաստ են նման և ավելի շատ վճարներ կատարելու, բայց քննարկում չի եղել: Դեմ եմ, որ այս տեսակ բազմաշերտ, նուրբ հարցերն առանց հանրային քննարկման, առանց հանրային կարծիքը հաշվի առնելու են ընդունվում: Ճիշտ եմ համարում, որ այսպիսի հարցերը, անկախ սոցիալական խնդիրներից, հանրային լայն քննարկման դրվեն: Գտնում եմ, որ հարկ վճարողների շրջանում պետք է իրազեկման աշխատանքներ կատարվեին, թե ինչու է անհրաժեշտ նման օրենքը: Հասկանում եմ, որ նման օրենքի անհրաժեշտություն կա, մարդիկ պետք է պատշաճ գույքահարկ վճարեն, բայց դրանց չափերը, ազդեցությունը պետք է ընդունելի լինեն հասարակության համար: Մարդ կա, ի վերջո, չի կարողանում այդքան գույքահարկ վճարել, չի գտնում, որ դա պետք է վճարել: Սա մեծ բացթողում է, ես դրա համար եմ դեմ քվեարկել:

- Մի կողմից կառավարությունը կորոնավիրուսի տնտեսական հետևանքները մեղմացնելու նպատակով 24 ծրագիր է կյանքի կոչում, մյուս կողմից էլ այս օրենքով հարկային բեռն է ավելացնում: Չե՞ք կարծում, որ այս քայլով պետությունը հակասում է իր որդեգրած սկզբունքներին:

- Օրինակ՝ Պետական եկամուտների կոմիտեն իր համար գործիքակազմ է ստեղծում, որպեսզի կարողանա հարկեր հավաքագրել, այդ մարդկանց գործն ամեն տեղից հարկ գտնելն է: Դա իրենց գործի բնույթն է, իսկ մեր գործի բնույթը այդ մարդկանց զսպելն է: Իրենք իրենց գործը լավ են արել, բայց զսպողները թերացել են: Օրենքը երկար ժամանակ բաց դրված է եղել քննարկման, դա գաղտնի չի արվել, բայց հանրությունը սովոր չէ, որ ինքը մտնի և ինչ-որ կայքից օրենքի մասին տեղեկություններ ստանա: Հանրությունն այդ օրենքից ոչինչ չի հասկանում: Իրենց կարող է թվալ, թե դա վատ է, բայց կարող է լինել լավ և հակառակը:

- Գույքահարկի նոր սանդղակում որպես հաշվարկի հիմք վերցվելու է գույքի շուկայական գնի մոտ 80 տոկոսը։ Գույքահարկի ամենաբարձր արժեքը Երևանում է: Եթե բնակարանի շուկայական գինը 50 միլիոն դրամ է, պետք է վճարեք 40 միլիոն արժողությամբ գույքի համար սահմանված գույքահարկ: Իրենց բնիկ երևանցի համարող մի շարք հասարակական գործիչներ ֆլեշմոբ սկսեցին գույքահարկի բարձրացման դեմ: Ճիշտ ե՞ք համարում, որ ճգնաժամի պահին մարդկանց գրպանին մեծ հարված են հասցնում:

- Ես արվեստագետ եմ, և իմ ընկերներից շատերն ապրում են քաղաքի կենտրոնում: Գիտեմ, թե այդ մարդիկ 30 տարի ինչպես են ապրում: Այդ մարդկանց վրա անընդունելի ծանր բեռ է նստելու: Մենք պետք է մարդկանց մատից փուշ հանենք, դրանով պետք է զբաղվենք: Էկոնոմիկայի, ֆինանսների նախարությունները կարող են փշեր դնել, դա իրենց պարտականությունն է, բայց մենք այդ փշերը պետք է հանենք: Գույքահարկը, երբ բարձրանում է, լցվում է համայնքային բյուջեն, և համայնքը պետք է այդ գումարները ծախսի՝ խնդիրները լուծելու նպատակով: Երբ Երևանում գույքահարկի գումար է հավաքվում, այն ծախսվելու է կենտրոնի վրա: Իրականում, եթե ճիշտ ընկալեինք օրենքը, գուցե այսքան չընդդիմանայինք, որովհետև երբեք պետության հետ գործընկերային հարաբերության մեջ չենք եղել և այդ զգացմունքը չունենք, որ պետությունը մեր ընկերն է: Երբ հարկ ես վճարում, ինչ-որ բանի համար ես վճարում, իսկ երբ արդյունքը տեսանելի չի լինում, այդ ժամանակ մարդիկ բողոքում են: Հիմա մենք գնում ենք դեպի այդ տեսակ պետության ուղղությամբ: Պետք է այնպես անեն, որ մարդիկ չմտածեն, թե իրենց վճարած գումարներն ուր են գնում: Մենք դեռ այս վստահության շերտը չենք ստեղծել:

- Ըստ փոփոխությունների՝ չհարկվող անշարժ գույք այլևս չի լինելու։ Հարկվելու է մինչև 3 մլն դրամ կադաստրային արժեք ունեցող գույքը: Արտոնություններ չի լինելու նաև սահմանամերձ բնակավայրերի համար: Ի՞նչ եք կարծում, սոցիալական լարվածության ֆոնին այս փոփոխությունները դժգոհության ալիք կբարձրացնե՞ն:

- Այստեղ բալանսավորելու լուրջ խնդիր կա: Պետք է նրբորեն այդ խնդիրը լուծենք՝ համընդհանուր համաձայնեցմամբ: Այս օրենքի ընդունման ժամանակ ես նման բան չեմ տեսել: Գտնում եմ, որ դժգոհությունների ալիքն արդեն բարձրացել է: Մարդիկ շատ-շատ մտահոգված են: Շատերը դեռ բարձրաձայն չեն բողոքել: Մարդիկ չեն հասկանում, թե ինչի համար պետք է այդքան շատ գույքահարկ վճարեն:

- Կարծում եք, որ պետք է չեղարկե՞լ գույքահարկի վերջին փոփոխությունները:

- Ես շատ կուրախանայի, որ այս օրենքը հետ բերվեր քննարկման փուլ: Գույքահարկի վերջին փոփոխությունները պետք է հանրային լայն քննարկման դրվի և ընդունվի հանրային համաձայնությամբ: Մարդիկ շատ հարցերի պատասխան չունեն: Օրենքը քննարկման չի դրվել, դրա համար էլ դեմ եմ քվեարկել:

Մանյա Պողոսյան

«Չորրորդ իշխանություն», թիվ 16, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», գույքահարկ, Մանյա Պողոսյան, Արթուր Մանուկյան


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 980









Էդ սպառնըմ ե՞ս
Էդ սպառնըմ ե՞ս
10.02.2021 / 847


















Խզարում ենք
Խզարում ենք
02.02.2021 / 637