Քաղաքական
28.05.2020 / 21:00
Լուր-մեկնաբանություն
28.05.2020 / 19:00
Քաղաքական
28.05.2020 / 17:00
Տնտեսական
28.05.2020 / 16:00
Խոհանոց
28.05.2020 / 15:00
21.05.2020   09:00
1215

Հասարակությունը աղանդ չէ, անհրաժեշտ են պարզաբանումներ


Մուննաթ գալու և ամեն ինչ հերքելու միջև կա մի նուրբ գիծ՝ ասել ճշմարտությունը: Այդ դեպքում հասարակությունը արագ կհասկանա, թե մերժված ուղտերը ինչ նպատակ են հետապնդում, ինչ տեխնոլոգիաներ են կիրառում, ինչ կապեր են օգտագործում՝ վարկաբեկելու գործող իշխանությանը:

Անհեռանկարային է մուննաթ գալ և հասարակությունից պահանջել անվերապահ աջակցություն: Անհեռանկարային է հասարակությունից պահանջել այնպիսի անվերապահ հավատարմություն, կարծես ամբողջ հասարակությունը մի մեծ աղանդի մաս է կազմում, որտեղ առաջնորդը բացատրություններ տալու կարիք չունի և որտեղ նրա սխալ անելու հավանականությունը անգամ քննարկման առարկա չէ, քանի որ սրբերը մեղքեր չեն կարող ունենալ:

Իհարկե, հասկանալի է, որ երկու տարվա մեդիատեռորը կարող է ցանկացածին հունից հանել: Բայց հեղափոխության առաջնորդը հենց դրանով է տարբերվում հասարակ քաղաքացուց կամ անգամ քաղաքական գործչից: Հեղափոխության առաջնորդը պետք է հնարավորինս թափանցիկ գործի, փաստերով և ապացույցներով հերքի գոնե անձնապես իր և իր հարազատների հասցեին հնչող մեղադրանքները:

Հասարակությունը 2018 թվականի գարնանը և ինչու չէ նաև հետո անվերապահ հավատաց Նիկոլ Փաշինյանին, որովհետև նա հրապարակային խոստում տվեց՝ եթե կոռուպցիայի և հովանավորչության մեջ ներգրավված լինեն անգամ իր հարազատները, ինքը ոչ մեկին չի խնայելու: Դա իրոք ԱՆՆԱԽԱԴԵՊ խոստում էր, և հիմա հասարակությունը պահանջում է, որ չմնա միայն իբրև խոստում:

Կա փաստ. Ռուսաստանում արդեն երկրորդ անգամ Հայաստանից ուղարկվող բեռ է ձերբակալվում: Պետք է հրապարակվեն դրանց վերաբերյալ մաքսային ձևակերպման բոլոր փաստաթղթերը, հանրային շահը այստեղ գերակա է բիզնես գործունեություն իրականացնող միավորի շահերից: ՊԵԿ-ը և ԱԳՆ-ը պետք է պարզաբանումներ պահանջեն Ռուսաստանի համապատասխան կառույցներից, և դա նույնպես պետք է լինի հրապարակային:

Հասարակությունը պետք է տեսնի, որ Հայաստանի լիազոր մարմինները պահանջատեր են և պաշտպանում են Հայաստանի տնտեսվարող սուբյեկտի շահերը: Չէ՞ որ, եթե ամեն ինչ արվել է օրենքով, նշանակում է ռուսական կողմն է զբաղված ինքնաիրավչությամբ և վնաս է հասցնում հայկական կողմին:

Կրկնենք. այդ ամենը պետք է արվի արագ և հնարավորինս թափանցիկ: Հակառակ պարագայում, չնայած Միքայել Մինասյանի նկատմամբ բացասական վերաբերմունքին, հասարակությունը կկենտրոնանա «իշխանությունը բարոյալքում է» հայտնի բանաձևի վրա:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















«ՉԻ» ռիթմով
«ՉԻ» ռիթմով
11.05.2020 / 2524










«ՉԻ» ռիթմով
«ՉԻ» ռիթմով
04.05.2020 / 2176














Թիմ չի, մուրազ է





Գործակալ 00
Գործակալ 00
02.05.2020 / 1726