Լուրեր
11.07.2020 / 12:00
Լուր-մեկնաբանություն
11.07.2020 / 10:00
4rd.am на русском
11.07.2020 / 09:30
Լուրեր
11.07.2020 / 09:30
16.06.2020   09:00
2393

Հեղափոխությունը մտնում է նոր, ավելի կարևոր փուլ


Հեղափոխությունից երկու տարի անց մտնում ենք ավելի կարևոր փուլ: Այս փուլի օրակարգը ինչ-որ առումով ավելի գերակա է, ավելի նշանակալի ազդեցություն կարող է թողնել Հայաստանի ապագայի վրա, քան առաջինն էր:
Առաջին փուլով լուծվեց բոլոր այն ուժերի իշխանությունից հեռացումը, որոնք լեգետիմ չէին, բռնազավթել էին իշխանությունը, զբաղված էին միայն թալանով և ժողովրդին հարստահարելով: Չափազանց կարևոր էր նաև կառավարությունը օլիգարխիայի ճիրաններից դուրս հանելը:

Բայց քաղաքական դաշտը չի ձերբազատվել օլիգարխիայի ներկայությունից ու նրա օրակարգը սպասարկելու պարտադրանքից և գայթակղությունից: Երկարաժամկետ առումով օլիգարխիայի նկրտումներն ավելի վտանգավոր են դառնում՝ հաշվի առնելով, որ հայաստանյան օլիգարխիան ազգային չէ և հանգամանքների բերումով գտնվում է մեկ այլ, շատ ավելի հզոր օլիգարխիայի հսկողության ներքո: Իհարկե, հասկանալի է, որ խոսքը ռուսական օլիգարխիայի և հատուկ ծառայությունների մասին է:

Իշխանությունը Գագիկ Ծառուկյանի և մնացած սատելիտների նկատմամբ կտանի հաղթանակ միայն մեկ դեպքում: Հանրությանը շատ մատչելի պետք է բացատրել, որ սա պայքար չէ երկու կուսակցությունների, երկու ուժերի, երկու անձանց միջև: Սա պայքար է Հայաստանի ինքնիշխանության կողմնակիցների և ֆորպոստի կարգավիճակով բավարարվողների միջև: Սա պայքար է Ռուսաստանի հետ ռազմավարական, փոխշահավետ հարաբերություններ կառուցելու կողմնակիցների և այն ուժերի միջև, որոնց նման թիթիզությունները առանձնապես հետաքրքրիր չեն և պատրաստ են Հայաստանում իշխել իբրև նահանգապետեր:

Ուկրաինայից հետո ռուսական դիվանագիտությունը լուրջ սրբագրումներ է մտցրել գունավոր հեղափոխությունների նկատմամբ արձագանքի և նոր ձևավորված իշխանությունների հետ փոխհարաբերությունների մեջ: Այլևս հասկացել են, որ անհեռանկարային է առճակատային բախումը: Ներկայումս Ռուսաստանում էլ է վիճակը ծանր, այնտեղ էլ է շրջում հեղափոխության ուրվականը, համավարակը այնտեղ էլ է ծայրահեղ ծանր վիճակի հասցրել ժողովրդի սոցիալ-տնտեսական դրությունը, նավթի գների շարունակական անկումը խնդիրներ է ստեղծում արդեն ձմռանը բյուջետային պարտավորությունները լիարժեք կատարելու առումով: Եվ Ռուսաստանին անհրաժեշտ է հարևան երկրի օրինակով սեփական ժողովրդին մատնացույց անել, թե որքան վատ բան է հեղափոխությունը: Տեսեք, իրենք չխառնվեցին, որևէ որակում չտվեցին հայկական հեղափոխությանը, ամենաբարձր մակարդակներով բազմիցս ընդունեցին Հայաստանի ղեկավարին, այսինքն՝ իրենք որևէ մեղք չունեն հայկական հեղափոխության ձախողման մեջ: Դա բազմիցս և անընդհատ կվերլուծվի ռուսական հեռուստատեսության թոք-շոուների ընթացքում: Եվ ռուսաստանցի հեռուստադիտողը գլխի չի ընկնի, որ այո, Ռուսաստանը ուղղակիորեն չխառնվեց, բայց գործեց իր ազդեցության տակ գտնվող օլիգարխների ու գործակալների միջոցով:

Իշխանությունը պետք է ավելի բաց խոսի հանրության հետ, որպեսզի հասկանալի լինի, թե ինչ խաղադրույք է դրված սեղանին: Հարցը Ծառուկյանին մեղսագրվող ենթադրյալ հանցագործությունները չեն, հարցը քաղաքական դաշտը հնարավորինս օտարերկրյա գործակալներից ախտահանելու մեջ է: Հակառակ պարագայում, այս մի վարակը կորոնավիրուսի հետ ձեռք ձեռքի բռնած կոչնչացնեն հայկական պետականությունը:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին կոշկակարը















































Ստոպ-կադր
Ստոպ-կադր
04.07.2020 / 666