06.10.2019   21:00
7613

Ինչպես և ով ստեղծեց «Դրո» ահաբեկչական կառույցը


Սկիզբը` այստեղ

Սակայն ԿԳԲ-ում լավ հասկանում են, որ նման արդարացման փորձերը արժանահավատ չեն, քանի որ իրենք էլ գիտեն, որ այսօր արդեն գաղտնիք չէ, թե ում ջանքերի շնորհիվ ՀՅԴ-ում հայտնվեց, վստահություն ձեռք բերեց ու ամրապնդվեց ԿԳԲ-ի կադրային աշխատակից Յուրա Սարգսյանը։

Կարծում եմ, ժամանակն է, որ ընթերցողն էլ իմանա այդ անձնավորության անուն-ազգանունը։ Ընթերցողներից շատերը, հատկապես ազգային ազատագրական շարժման առաջին տարիների ակտիվներս պետք է, որ լավ հիշենք ԿԳԲ-ին մեր միջից տեղեկություններ հաղորդող «Գոշ» և «Զուլում» մականունով գործակալներին, որոնց իրականում ով լինելը այդպես էլ չէինք կարողանում իմանալ։ Հիշում եմ, թե այդ գործակալներին բացահայտելու ուղղությամբ որքան էր աշխատում և արդյունքներ չունենալու կապակցությամբ անհանգստանում լուսահոգի Մովսես Գորգիսյանը։

«Զուլում»-ը, պարզվում է, հայտնի Գառնիկ Իսագուլյանն է, որ այժմ ամաչելու փոխարեն հպարտանում է իր ԿԳԲ-շնիկ լինելով, նույնիսկ համանուն կուսակցություն է ստեղծում: Այո, նույն Գառնիկ Իսագուլյանը, որ Վահան Հովհաննիսյանի հետ ղեկավարել է 95-ին բացահայտված ահաբեկչական կառույցը («31»-ի գործ)։

Եվ ահա ի հայտ է գալիս ԿԳԲ-ի 6071 համարով գրանցված հույժ գաղտնի մի տեղեկանք, որից պարզվում է, որ «Գոշ» մականունով գործակալը 1987թ. հոկտեմբերի 29-ին ԿԳԲ-ի կողմից, ազգայնական տրամադրվածություններ ունեցողներին հայտնաբերելու և ուսումնասիրելու նպատակով հավաքագրված, թիվ 16140 համարանիշով անձնական գործը կրող,1963թ. ծնված, Երևանի Հարավ-Արևմտյան Ա3 թաղամասի բնակիչ, 1990 թ. ՀՅԴ շարքերում անդամագրված, ՀՅԴ-ում Յուրա Սարգսյանի գլխավոր երաշխավոր, ներկայումս Արագածոտնի մարզպետ Հրայր Կառլենի Կարապետյանն է։

Այս փաստաթղթից միանշանակ հասկանալի է դառնում, որ ՊԱԿ-ը սեփական գործակալ Հրայր Կարապետյանի միջոցով է իր կադրային պրոֆեսիոնալ Յուրա Սարգսյանին խցկել ՀՅԴ։ Հակված եմ կարծելու, որ Յու. Սարգսյանի գործողությունները լիովին վերահսկվել են ՊԱԿ-ի կողմից։ Այդպես եմ կարծում, քանի որ «Դրո»-ն ստեղծվել ու գործել էր, ուրեմն Յու. Սարգսյանը ՊԱԿ-ի կողմից կամ հավանություն էր ունեցել, կամ էլ ուղղակի հանձնարարություն։

Ընթերցողը ուշադրություն դարձրեց Հրայր Կարապետյանի ծննդյան ու ՀՅԴ-ին անդամագրվելու թվականներին, բնակության վայրին։ Առաջարկում եմ ուշադրություն դարձնել նույն՝ Հ/Ա թաղամասի մեկ այլ բնակչի, որը ընդամենը 2 տարով փոքր է Հ. Կարապետյանից, նրա պես 1990թ. անդամագրվել էր ՀՅԴ-ին, բնավորությամբ ու խառնվածքով ճիշտ այնպիսին է (ազգայնական տրամադրվածություն ունեցող), ինչպիսիներին հայտնաբերել ու հավաքագրել է Հ. Կարապետյանը։ Սույն անձը այսօր չի թաքցնում, որ ուսանող ժամանակ հավաքագրվել է ՊԱԿ-ի կողմից, այո, դա Նաիրի Հունանյանն է։ Իսկ որ հատուկ ծառայությունների կողմից Ն. Հունանյանը ուսումնասիրվել է, դա հաստատում է ԱԱՆ-ի 2-րդ գլխավոր վարչության օպերլիազոր Կարեն Պարունակյանը իր ցուցմունքում. «...Փաստորեն մեր նպատակը նրան լիարժեք ուսումնասիրելն ու հետագայում հնարավոր օգտագործելն էր ՀՀ շահերը ապահովելու առումով» («Հոկտեմբերի 27»-ի քր. գործ, հատոր 7 գ.թ. 95)։

Իսկ թե ինչպես են հատուկ ծառայության պատրաստած «կադրերը» ապահովում սեփական երկրի անվտանգությունը, տեսնում ենք բոլորս՝ Ռուսաստանում` Բասաևին, ԱՄՆ-ում` Բեն Լադենին, Հայաստանում` էլ դաշնակցական Ն. Հունանյանին։

Վահագն Ղուկասյան

Հ.Գ. Ի դեպ` «Դրո» գործով մահապատժի դատապարտվածից Արմեն Մնջոյանը 20.08.1997-ին մի նամակ-հոդված (քսիֆ) ուղարկեց բանտախցից, այն տպագրվեց «Առավոտում»։ Ահա այդ հոդվածում Ա. Մնջոյանը լուրջ մեղադրանքներ է հասցեագրում ՀՅԴ անդամ, «Դրո» գործով նախկին կալանավոր, թիվ 112 կոդը կրող, «Դրո»-ի արխիվների պատասխանատու Գեղամ Մանուկյանին` համարելով նրան ԱԱՊՎ-ի (ԿԳԲ) գործակալ։ Այդ հոդվածում ուշագրավ է Արմեն Մնջոյանի մի չար կանխատեսում. «Եվ ահա իր ծառայության փորձնական շրջանն ավարտած Գեղամ Մանուկյանը ազգային հերոսի թիկնոցով դուրս ելավ ԱԱՆ-ի մեկուսարանից դեպի ազատություն։ Ի՞նչ է սպասվում ՀՅԴ-ին այսօր։ Նոր «Դրո՞», նոր «Նժդե՞հ», թե՞ մի արևմտյան «ԶԵԹ» կառույց, ցույց կտա մոտ ապագան»։

Ինչպես տեսնում ենք, Ա. Մնջոյանի կանխատեսումը 2 տարի հետո իրականացավ։ Մնում է միայն ենթադրել, միգուցե այդ «նոր Նժդեհ»-ը կամ «նոր ԶԵԹ»-ը Ն. Հունանյանի գլխավորած բանդայի ԱԱՆ-ում գրանցված ծածկանո՞ւնն է, որին մենք «Հոկտեմբերի 27» ենք անվանում։

«Չորրորդ իշխանություն», թիվ 3, 4-ը հոկտեմբերի



 Պիտակներ

         Գառնիկ Իսագուլյան, «Դրո» կառույց, «31»-ի գործ, «Չորրորդ իշխանություն», «Հոկտեմբերի 27», Վահագն Ղուկասյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1279