08.08.2021   19:00
1355

Իշխան Սաղաթելյանի երազը


Իր հոգևոր հայրը՝ Ռոբերտ Քոչարյանը, 8 տարի է խոստանում էր, որ իրեն կտանի խորհրդարան, տեսարժան վայրերը ցույց կտա, թե ոնց են աշխատում պատգամավորները: Վերջապես խոստումը կատարում է և իր ձեռքից բռնած, մտնում են խորհրդարանի տարածք: Անցակետում ՊՇԿ-ով ու ԴՇԿ-ով զինված երկու սևազգեստ զինվորական կանգնեցնում են իրենց. «Փաստաթղթերը»,- կարգադրում է նրանցից մեկը: Քոչարյանը գրպանից հանում է ԺԵԿ-ի տեղեկանքը, ներկայացնում. «Տրվում է առ այն, որ Ռ. Քոչարյանը վերջին 10 տարին Հայաստանում մշտապես ապրել է խորհրդարան մտնելու երազանքով»,- գրված է տեղեկանքում:

«Բա էս երեխան ո՞վ է»,- հարցնում է մյուս զինվորականը: «Իմ կոալիցիոն զավակն է»,- պատասխանում է Քոչարյանը,- «ես եմ իրեն մեծացրել, իմ թևի տակ պահել, սնել, փող տվել, հետը շատ եմ կապվել»:

«Անցեք»,- ձեռքով է անում անցագրայինի պետը: 

Իրենք մտնում են խորհրդարան: Ոչ մի պատգամավոր չկա: Մենակ լրագրողներն են ախրաննիկներով շրջում միջանցքում: Այդ պահին միջանցքում է հայտնվում ՀՀ ՊՆ նախարարն ու ախրաննիկներին ասում. «Եթե որևէ լրագրող փորձի խախտել սահմանը և ներխուժել դահլիճ, հրամայում եմ տեղում ոչնչացնել»:

«Է՜, բալա ջան»,- ասում է Քոչարյանը,- բա իմ ժամանակ սենց բաներ կայի՞ն: Ցանկացած լրագրող հանգիստ կարար ներխուժեր խորհրդարանի դահլիճ»: 

Բայց իրենք Աղվան Վարդանյանի տված անցագրով մտնում են դահլիճ: Աջ կողմում «Հայաստան» դաշինքի պատգամավորներն են. սպիտակ մայկաներով, վրեն ծովից-ծով Սևանա լճի նկարը: Աջ կողմում ՔՊ դաշինքի պատգամավորներն են, որոնք դեղին մայկաներով են, որպես առաջատար կուսակցություն: 

ՔՊ դաշինքի պատգամավորներն ինչ-որ քարտեզ բացած, ակտիվ քննարկում են: Բացի Գուրգեն Մելքոնյանից, որը մի կողմ քաշված, հեռախոսով շատ աշխույժ ինչ-որ կնոպկաներ է սեղմում: Մոտենում են, Հայաստանի քարտեզն է: «Ոսկեպարի այ էս առուն մերն է»,- լսվում է ՔՊ-ականների շարքերից: «Վերին Շորժայի վերևը ցուրտ ա, իմաստ չունի կռիվ անել», «Ախպեր, քելեք Երասխ գնանք, դակազատ անենք...»...

Իրենք ՔՊ-ականների քննարկումները թողնում, մոտենում են «Հայաստան» դաշինքի պատգամավորներին: Սրանք էլ են ինչ-որ քարտեզ բացել ու բուռն քննարկումներ են գնում: Իրենք նայում են. խորհրդարանի տարածքի քարտեզն են քննարկում. «Իսկ եթե փորձենք ձմերուկի գրուզավիկով զենքերը մտցնե՞նք»,- լսվում է Արմեն Ռուստամյանի ձայնը: «Իսկ ճաշարանում ծանոթ մարդ չունե՞նք»,- հարցնում է Գեղամ Մանուկյանը: «Թունելը ջանջալ գործ է»,- հոգոց է հանում Աղվան Վարդանյանը:

Իրենք հեռանում են այդտեղից, մոտենում նախագահության ամբիոնին: «Բալա ջան, էս ամբիոնի հետ կապված շատ հաճելի հուշեր ունեմ»,- ասում է Քոչարյանն իրեն,- «իմ հերոսական էջերից մեկն այստեղ է գրվել»:

«Ռոբերտ ձյաձյա, ուզում եմ բարձրանալ էդ աթոռին նստել»,- խնդրում է ինքը:

Քոչարյանը նիստը նախագահող Ալեն Սիմոնյանին է դիմում. «Կթողնե՞ք, էրեխեն մի հատ ձեր կողքի աթոռին նստի, շատ է ուզում»: «Այո, իհարկե, արի, տղա ջան»,- ասում է Ալեն Սիմոնյանն ու իրեն բարձրացնում, որ աթոռին նստեցնի: Բայց երբ 1 սանտիմետր է մնում, որ նստի, Ալենը իրեն բաց է թողնում, ինքը թրմփալով ընկնում է: «Վայ, բալա ջան»,- ասում է Քոչարյանը,- «նորից փորձի»: Նորից Ալենը իրեն բարձրացնում է, հենց ուզում է նստի աթոռին, էլի ԱԺ նախագահը բաց է թողնում, ինքն ընկնում է: Սկսում է լացել. «Ուզո՜ւմ եմ նստել, վը՜, ուզո՜ւմ եմ»:  

Արթնանում է երրորդ փորձի ժամանակ՝ Ալեն Սիմոնյանի պինդ ձեռքերում:



 Պիտակներ

         Գեղամ Մանուկյան, Աղվան Վարդանյան, Ալեն Սիմոնյան, Իշխան Սաղաթելյան, Գուրգեն Մելքոնյան, Արմեն Ռուստամյան, Ռոբերտ Քոչարյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1285