Քաղաքական
11.07.2020 / 19:00
Լուրեր
11.07.2020 / 12:00
Լուր-մեկնաբանություն
11.07.2020 / 10:00
4rd.am на русском
11.07.2020 / 09:30
Լուրեր
11.07.2020 / 09:30
08.06.2020   20:00
2044

Իշխանական բոլոր պատգամավորները պետք է հրապարակավ արտահայտվեն


Ռոբերտ Քոչարյանը և Սերժ Սարգսյանը, ինչպես նաև նրանց ադեպտները փորձում են երկրորդ անգամ մտնել նույն ջուրը: Ավելի շուտ ցանկանում են մեկտեղել այն գործընթացները, որ սկսեցին 1997 թվականի աշնանը և ավարտեցին 1999 թվականի հոկտեմբերի 27-ով:

1997 թվականին չկային սոցիալական ցանցեր, բայց հայտնի դուետը ստեղծեց մի քանի հեռուստաընկերություններ, վերահսկողություն հաստատեց արդեն գործողների վրա և աննախադեպ արշավ սկսեց իշխանությունների դեմ:

Լևոն Տեր-Պետրոսյանի՝ հասարակության հետ անկեղծ երկխոսության փորձը ներկայացվեց իբրև դավաճանության նախապատրաստություն, իսկ իշխող ուժը չկարողացավ հասկանալ և դիմագրավել մարտահրավերին: Նույնը հիմա է՝ հեռուստատեսությունից զատ օգտագործել սոցիալական ցանցերի ընձեռած հնարավորությունները, օգտագործել կորոնավիրուսի հետևանքով ստեղծված իրավիճակը և կրկին տիրանալ իշխանությանը:

Ինչպես և 1997 թվականին, նույն ձեռագիրն է աշխատում: Այն ժամանակ էլ հասարակության մեջ և հատկապես պետական ապարատում տարածում էին լուրեր, որ Տեր-Պետրոսյանը հոգնել է, չի ցանկանում աշխատել, հրաժարական տալու հարմար առիթ է փնտրում: Արդեն բանը բանից անցնելուց հետո պարզվեց, որ դա տեղի ունեցավ հայտնի ուժերի պահանջով և շանտաժի արդյունքում:

1998 թվականին էլ Քոչարյանը ասում էր, որ չի ցանկանում նախագահ դառնալ, բայց արագ փոխեց մտադրությունը: Նույնը հիմա է՝ փորձում են համոզել, թե նախկինները հետ գալու շանս և մտադրություն չունեն: Վանեցյան, Մարուքյան, Ծառուկյան և ուրիշ վարչապետացուներ են փորձում հրամցնել հասարակությանը: Իրականում նրանցից որևիցե մեկը ինքնուրույն խաղացող չէ և դուրս են եկել քաղաքական պայքարի հայտնի դուետի պահանջով ու նրանց շանտաժի արդյունքում: Հասարակությունը վերջին աստիճանի միամտություն կդրսևորի, եթե այդ հանգամանքը հաշվի չառնի:

1998 թվականին էլ հայտնի դուետը հաջողության հասավ իշխանության խորհրդարանական ուժի մեջ կասկածներ սերմանելով և ի վերջո այն մասնատելով:

Իշխանությունը պետք է գործի առաջանցիկ տեմպով: Իշխանությունը ներկայացնող անխտիր բոլոր պատգամավորները պետք է հրապարակավ արտահայտեն իրենց դիրքորոշումը: Իսկ նրանք, որոնք չեն արտահայտվի, կդառնան ապագա հեղաշրջման փորձի մասնակիցներ: Իսկ եթե պարզվի, որ նրանց քանակը բավական տպավորիչ է և կարող է հիմք հանդիսանալ խորհրդարանի խճանկարը փոխելու համար, օր առաջ պետք է գնալ արտահերթ խորհրդարանական ընտրությունների՝ դրանից առաջ հասարակությանը հստակ բացատրելով դրա դրդապատճառները և ներկայացնելով այն պատգամավորներին, որոնք ստվերային հարաբերությունների մեջ են նախկինների հետ:

Չպետք է փորձել ամեն գնով պահպանել ստատուս-քվոն և սպասել, թե երբ հայտնի զույգը կորոշի հերթական հարվածը հասցնել հայոց պետականությանը:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին կոշկակարը















































Ստոպ-կադր
Ստոպ-կադր
04.07.2020 / 670