Հինգշաբթի 21.01.2021 21:54

Սատիրիկոն/Լուր-մեկնաբանություն
21.01.2021 / 19:00
Սատիրիկոն/Լուր-մեկնաբանություն
21.01.2021 / 16:30
Սատիրիկոն/Լուր-մեկնաբանություն
21.01.2021 / 14:30
Սատիրիկոն/Լուր-մեկնաբանություն
20.01.2021 / 22:00
Քաղաքական
20.01.2021 / 21:00
Քաղաքական
20.01.2021 / 20:00
10.01.2021   20:00
432

Իշխանություն ենք որոնում


ՀԱՆՈՒՆ ԵՐԿՐԻ ԱՌՈՂՋՈՒԹՅԱՆ

Իշխանություն ենք որոնում ու չենք գտնում: Հանրության մի մասն այն կարծիքին է, որ մեզ նոր, մաքուր ուժ է պետք: Մյուսները խոսում են ժողովրդավարության վնասի մասին՝ պնդելով, որ ժողովուրդն է ընտրել ազգակործան պատուհասին և վարկաբեկել օրինակարգ ընտրությունները: Խոսում են էլիտայի մասին, հատուկենտ մարդիկ առաջ են մղում շնորհապետության (մերիտոկրատիայի) թեզը: 

Իրոք, Հայաստանը հիմա այնպիսի խնդիրներ ունի, որոնք արագ, կոնկրետ լուծումներ են պահանջում: Եվ այդ խնդիրներից առաջինը իշխանությունն է:

1. Իշխանությունը միայն վարչապետը չէ: Անշուշտ, երկրի գլխավոր պաշտոնյայի գործունեությունը չափազանց կարևոր է և, ինչպես տեսանք, կարող է բախտորոշ լինել: Սակայն իշխանությունը նաև Ազգային ժողովը, նախարարները, մարզպետները, քաղաքապետները և այլք են, իշխանությունը նաև ուժային կառույցներն են, բանակն է: 

Ի՞նչ ունենք այսօր և  ի՞նչ չունենք: 

ա) Սերժ Սարգսյանի հագով կարված սահմանադրության շնորհիվ ունենք գրեթե անվերահսկելի պաշտոնյա՝ վարչապետ, որի գործունեությունը, մեղմ ասած, վտանգավոր է երկրի առողջության համար:

բ) Խորհրդարանական հանրապետությունում ունենք Ազգային ժողով, որի անդամների մեծամասնությունը դակում է վարչապետի ընդունած ցանկացած որոշում: Այսինքն՝ այս մարմնի գործունեությունը գրեթե իմաստազուրկ է: Այն ոչ միայն չի կարող համարժեք արձագանքել երկրի առջև ծառացած իրական խնդիրներին, այլև ազդել ընդունվող որոշումների վրա:

գ) Նախարարներն առաջվա պես հլու-հնազանդ կատարում են շեֆի քմահաճույքները, զուրկ են նախաձեռնողականությունից: Պրոֆեսիոնալիզմի մասին խոսակցությունը այս անգամ չենք սկսի, թեպետ կարևոր թեմա է:

դ) Ցավոք, տպավորությունն այնպիսին է, որ բանակի ղեկավարությունը նույնպես կաթվածահար է:
Ահա այս պայմաններում ենք ապրում: Անիշխանությունը, երկրում կոնկրետ հարցերին լուծում չտալը օրեցօր ավելի ցցուն, ակնհայտ է դառնում:

Իշխանության մեջ գտնվող մարդիկ, սակայն, ցայսօր տառապում են աննախադեպության բարդույթով և խորշում են երկրում եղած, պահպանված քիչ թե շատ պրոֆեսիոնալների հետ համագործակցությունից:

2. Մաքուր, նոր ուժի մասին տեսակետ առաջադրողները դարձյալ ընկնում են 2018-ի ծուղակը: Մաքուր կարող է լինել նաև այն տախտակը, որ բնավ չի գործածվել: Երկրի կառավարումը փորձադաշտ չէ, որ ամեն անգամ վստահենք անհայտ, քաղաքական և կառավարման փորձ չունեցող նորելուկների, որոնք, բացի այս կամ այն եվրոսեմինարում անգիր արած դրույթներն արագ-արագ արտասանելուց, ուրիշ բանի ընդունակ չեն:

Պարզ է՝ մեր ընտրությունը մեծ չէ: Ունենք մի քանի քաղաքական ուժեր, որոնց գործունեությունը տեսել ենք: Մի մասին 2018-ին մերժել ենք: Սակայն իշխանության ենք բերել պատերազմի կուսակցության մի նոր մոդիֆիկացիա, որի արկածախնդրության հետևանքը «վայելում ենք»:

Ուստի ստիպված ենք կրկնել՝ մաքուր ուժ որոնելու փոխարեն՝ ականջալո՛ւր եղեք այն մարդկանց, քաղաքական այն ուժերին, որոնք երկիրը և ձեզ չեն տանի վերջնական կործանման: 

3. Շնորհապետության մասին խոսելիս մտածե՛ք շնորհալիներին ընտրելու չափանիշների մասին: Որո՞նք են դրանք. գիտական կամ զինվորական կոչումնե՞րն են: Շատ լավ գիտենք սրանց արժեքը: Տարոն Մարգարյանը, Հովիկ Աբրահամյանը նույնպես գիտությունների թեկնածուներ են...

Վերջում մի երկու առաջարկ անենք իշխանության հայտ ներկայացնող ուժերին: 

1. Ֆինանսական, տնտեսական հնարավորություններ ունեցողները հիմա, հենց այսօր կարող են իրական օգուտ տալ մեր բանակին: Զբաղվե՛ք պաշտպանական կառույցներով, զինվորների առօրեական կարիքները հոգալով: Գրեթե զրոյական ՕԳԳ ունեցող  զանազան վերլուծագանգերի, հայհոյախոս լրատվամիջոցների վրա ծախսվող միջոցներն  ուղղե՛ք մեր երկրի և մեր երեխաների կարիքներն ապահովելուն:

2. Այն ուժերը, որոնք ներկայացնում են խաղաղության բևեռը, պետք է դուրս գան թաքստոցներից և աշխատեն ժողովրդի հետ, անմիջաբար աշխատեն: Գեղեցիկ, իմաստալից հարցազրույցներ տալը շատ քիչ է, մարդկանց հետ իրական շփում է պետք:

Առայժմ այսքանը...

Զարուհի Գաբրիելյան

«Չորրորդ իշխանություն», թիվ 1, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Զարուհի Գաբրիելյան, «Չորրորդ իշխանություն»


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
























37-ի երկրպագուն
37-ի երկրպագուն
07.01.2021 / 4812