Քաղաքական
28.05.2020 / 21:00
Լուր-մեկնաբանություն
28.05.2020 / 19:00
Քաղաքական
28.05.2020 / 17:00
Տնտեսական
28.05.2020 / 16:00
Խոհանոց
28.05.2020 / 15:00
11.10.2019   14:00
1729

Իշխանությունը կպարտվի, եթե չվերանայի մոտեցումները


Իշխանությունը շարունակում է տանուլ տալ նախկին ռեժիմի սանձազերծած քարոզչական պատերազմը: Իհարկե, ողջունելի է, որ կառավարությունը որևէ կերպ չի ցանկանում իջեցնել մամուլի ազատության մակարդակը: Եվ եթե հաջողի նախկինների դեմ պայքարում ու վերջնականապես նրանց նետի պատմության աղբամանը, այդ հանգամանքը լրացուցիչ դրվատանքի միավորներ կբերի նրան:

Սակայն, մինչ այդ նախկիններն անցել են լայնածավալ գրոհի՝ օգտագործելով իրենց արսենալում գտնվող ամբողջ զինանոցը. հեռուստատեսություն, թերթեր, համացանց: Այդ պայմանական զորամիավորման մեջ կան հարյուրավոր զինվորներ՝ լրագրողներ, խմբագիրներ, քաղաքագետներ, շոու-բիզնեսի հայկական աստղեր, կուսակցություններ, մտավորականներ, արցախյան պատերազմի մասնակիցներ: Ունեն նաև արտասահմանյան լեգիոն՝ ի դեմս ռուս քաղաքագետների, որոնց հարցազրույցները կարդալիս միայն մեկ տպավորություն ես ստանում՝ մարդիկ օնլայն խոպանի են, որովհետև ասում են մտքեր, որ որևէ դեպքում չէին ասի իրենց հայրենիքում: Իրենց երկրներում այդպիսի վերլուծություններից հետո պարզապես կդառնային ձվերի ու լոլիկների թիրախ:

Մեկ առանձին ուսումնասիրության թեմա են նախարարությունների ու գերատեսչությունների նախկինից մնացած խոսնակները: Նրանց ֆեյսբուքյան գործունեությունը մոնիթորինգ անելուց ակնհայտ է դառնում, որ շատերը պարզապես հաճախում են աշխատանքի և երազում նախկինների վերադարձը: Շատ քիչ են նոր խոսնակները, որոնք իսկապես պայքարում են ամեն րոպե սպրդվող ապատեղեկատվության դեմ՝ արագ և հիմնավոր արձագանքելով դրանց:

Ինչ է հակադրում իշխանությունն այդ մեծաքանակ ուժերին: Վարչապետի ֆեյսբուքյան էջը, մի քանի իսկապես անկախ կայքեր և Հ1, որը չափազանց թերի է կատարում իր գործառույթները: Հաշվի առնելով այդ հեռուստաընկերության ահռելի ռեսուրսները՝ հասարակությունը կարող էր նրանից ակնկալել ավելի գործոն պայքար ապատեղեկատվության, մանիպուլյացիայի և քաոսի իմիտացիա ստեղծելու նախկինների ջանքերի դեմ:
Իշխող «Իմ քայլը» խմբակցությունից մատների վրա կարելի է հաշվել այն պատգամավորներին, որ ընդունել են մարտահրավերը և փորձում են իրենց ուժերի ներածին չափով պայքարել վերոհիշյալ չարիքների դեմ: Մնացածը բավարարվում են ժամանակ առ ժամանակ Փաշինյանի ստատուսներով կիսվելով, իսկ մյուս հատվածն անգամ դա էլ է համարում ավելորդ գլխացավանք և բավարարվում սելֆիներով:

21-րդ դարում պատերազմները սկզբում պարտվում են տեղեկատվական դաշտում և միայն հետո ռազմի կամ քաղաքական դաշտում: Իշխանությունը պետք է վերանայի մարտավարությունը, այլապես հույսը դնել միայն նառոդնի դրուժինայի (ֆեյսբուքյան հասարակ օգտատերերի) աջակցության վրա, այնքան էլ խելամիտ չէ: Դրուժինան այդպիսի հատկություն ունի, կարող է մի քիչ կռվել, հետո հոգնել ու գնալ տուն:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















«ՉԻ» ռիթմով
«ՉԻ» ռիթմով
11.05.2020 / 2524










«ՉԻ» ռիթմով
«ՉԻ» ռիթմով
04.05.2020 / 2176














Թիմ չի, մուրազ է





Գործակալ 00
Գործակալ 00
02.05.2020 / 1726