Հարցազրույց
04.06.2020 / 19:00
Լուրեր
04.06.2020 / 17:00
Լուր-մեկնաբանություն
04.06.2020 / 16:00
01.04.2020   09:30
1536

Իշխանությունը փորձում է օգտվել առիթից


Արտակարգ իրավիճակը պահանջում է նաև արտակարգ լուծումներ: Գործող իշխանությունը, ընդունելով բանաձևի հիմնական ուղերձը, այն մի փոքր ձևափոխել է և հարմարացրել իր շահերին: Արտակարգ իրավիճակում կարելի է նաև ստանալ արտակարգ արտոնություններ: Արտոնություններ, որոնք կտան դիրքային առավելություններ քաղաքական հակառակորդների հանդեպ:

Այն, ինչ հիմա անում է իշխանությունը, չի տարբերվում «ռայոն» գնացած հայտնի գործարարի վարքից: Նա էլ, օգտվելով առիթից, բարձրացնում է գները՝ պատճառաբանելով, որ դժվարացել է արտադրելը և ներմուծելը: Նույնը անում է իշխանությունը. օգտվելով ժողովրդի անհանգստությունից և առողջության վերաբերյալ մտահոգություններից՝ փոխում է Հայաստանի ժողովրդավարության կառուցվածքը: Բարձրացնում է այն գինը, որ պետք է վճարի ընդդիմությունը հաջորդ իշխանություն դառնալու համար:

Պայմանավորված այսօրվա ընդդիմության որակով, իմանալով նրա գործունեության շարժառիթները, ճանաչելով իրական տիկնիկավարներին, ինչպես նաև կորոնավիրուսի վարակի տարածմամբ, շատերը ձայն չեն հանում: Բայց իշխանությունն անում է այն, ինչ դասական իմաստով կոչվում է «закручивание гаек»:

Այս պահին վարակվածների պաշտոնական քանակն անցել է 500-ը, թե որքան է նրանց իրական թիվը, դժվար է ասել և առաջիկայում խիստ դժվար է լինելու մեկուսացնել բոլոր նրանց, ովքեր կոնտակտ են ունեցել արդեն վարակվածների հետ: Ինչպես Եվրոպայում, այնպես էլ այստեղ չեն կարողանալու նրանց մեկուսացնել և պարտադրելու են ինքնամեկուսացնել: Իսկ հեռախոսով հետևել՝ դա արվում է, թե ոչ, ձևական բնույթ է կրելու: Քանի որ եթե ինքնամեկուսացածը որոշի մի տեղ գնալ, կգնա պարզապես առանց հեռախոսի:

Երկու տարի է, իշխանությունը գցում-բռնում է՝ վեթթինգի ենթարկի դատավորներին, թե՞ ոչ: Երկար մտորումներից հետո որոշեց հրաժարվել այդ տերմինից, թե իբր այնքան էլ բարեհունչ չէ: Հիմա, մի գիշերվա ընթացքում որոշեցին, որ պետք է լսեն բոլոր քաղաքացիների հեռախոսազանգերը, իբր դա կօգնի կորոնավիրուսի դեմ պայքարում:

Ժամանակ առաջ որոշեցին, որ նաև ոստիկանությունը իրավունք ունի գաղտնալսելու: Լուրջ վերանայումներ են ցանկանում անել հասարակական կազմակերպությունների նկատմամբ վերահսկողության առումով: Այս քայլերը լուրջ կասկածանք են առաջացնում իշխանության ժողովրդավարական նվիրվածության նկատմամբ:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված