ՀՅԴ անդամ, բնապահպանության նախկին նախարար Արծվիկ Մինասյանը «Ազատության» հետ զրույցում ասել է. «Այս մեկուկես տարվա ընթացքում Հայաստանը չկարողացավ դառնալ տարանցիկ երկիր»:
«ՉԻ». Հասկանում եք, չէ՞: 20 տարի այս 130-ամյա հնամաշության կուսակցությունը իշխանություն է եղել, Քոչարյանի և Սերժ Սարգսյանի ոտքի տակի փալաս է աշխատել, ու այդ 20 տարում Հայաստանը չեն կարողացել տարանցիկ երկիր դարձնել, հիմա մի տարում նույնը պահանջում են նոր իշխանություններից:
Ավելին, Արծվիկ Մինասյանը մոռացել է, թե 1998 թվականի հեղաշրջումից հետո բանտերից ազատ արձակված դաշնակցական պարագլուխներն ինչ էին հայտարարում: Վահան Հովհաննիսյանն էր, որ 2000 թվականին կանգնեց ու ասաց, թե Հայաստանն իր չորս հարևաններից մեկի հետ ունի սահման, մյուս երեքի հետ՝ ճակատ: Համ ուզում էին հարևանների հետ ճակատ ունենալ, համ էլ՝ տարանցիկ երկիր լինել: Այդպես չի լինում, ու դաշնակների այս քյալլագյոզ թեզը այդ տարիներին Հայաստանը լիակատար մեկուսացման տարավ:
Արծվիկ Մինասյանը Դաշնակցության առավել պատրաստված ու կրթված մարդկանցից մեկն է համարվում. բա մնացածների մակարդակը պատկերացնո՞ւմ եք: