«Մեկ Հայաստան» կուսակցության համահիմնադիր Արթուր Ղազինյանը ֆեյսբուքյան իր էջում գրել է.
«Մի կողմ թողնելով այն հանգամանքը, որ հասարակության գերակշռող մեծամասնությունը խորը կասկածով է վերաբերվում այս փաստին, ինչպես նաև այն, որ Փաշինյանն իրեն իր իսկ կողմից ստեղծած իրավիճակի զոհ դարձնելու համար հոգեբանորեն կարող էր դիմել նման կեղծիքի, ինձ հետաքրքրում է բոլորովին ուրիշ բան։
Բացարձակապես չեմ պնդում, որ Փաշինյանը կորոնավիրուսը տեղափոխել է Արցախի զինված ուժեր, բայց այն փաստը, որ նա այդ բանկետին եղել է վարակված, ուղղակի անվիճելի է։
Եթե նա, պաշտոնե լինելով Հայաստանի ներքին և արտաքին անվտանգության երաշխավոր, նա չկարողացավ ապահովել իր և իր ընտանիքի առողջապահական անվտանգությունը, ապա ինչպե՞ս մեր քաղաքացիները վստահ լինեն, որ իրենք պաշտպանված են»:
«ՉԻ». Սա, իմիջիայլոց, Նիկոլ Փաշինյանի մեղքն է: Երկու տարի քաղաքական համակարգը բարեփոխելու ուղղությամբ որևէ քայլ չարվեց, դրա համար էլ մինչև հիմա ընդդիմություն չունենք: Սրանք ի՞նչ ընդդիմություն: Առավելագույնը՝ թյուրիմացություն:
Սրանք ամբողջ կյանքը «պապաների զավակի» կարգավիճակով են ապրել, փափլիկ ձեռքերով, փափլիկ հոգեբանությամբ, ու հիմա, երբ «պապայի զավակի» արտոնություններից մի քիչ զրկվել են, տեսնում ես, որ մեջը դատարկ է:
Մեծ Բրիտանիայի, Կանադայի, Ռուսաստանի վարչապետերն էլ են վարակվել կորոնավիրուսով, բայց ձեզ վստահեցնում ենք, որ այդ երկրներում ոչ ոք չի զառանցել, թե այդ մարդիկ ի վիճակի չեն լինել իրենց երկրների ներքին և արտաքին անվտանգության երաշխավոր, կամ էլ հայտարարեին՝ հանրությունը կասկածում է, թե նրանք վարակվել են: Հաստատ, ոչ ոք նման բան չի ասել, բացառությամբ ինչ-որ մարգինալ, բարոյականության հետ խնդիրներ ունեցող անհատների:
Իսկ սրանք ասում են: Կուսակցության ղեկավարներ են ներկայանում, քաղաքական գործիչներ, դիպլոմ ունեն, թեկուզ, գիտենք՝ ոնց են ստացել իրենց դիպլոմները, իբր կրթություն ունեն, բայց ահա համալսարաններում տարրական ամոթի զգացում չեն սովորեցնում: Մինչդեռ սրանց դեպքում դա պետք է պարտադիր առարկա լիներ: