Երեքշաբթի 11.08.2020 04:08

Երազահան
10.08.2020 / 22:00
Լուր-մեկնաբանություն
10.08.2020 / 21:00
Սատիրիկոն
10.08.2020 / 20:30
Քաղաքական
10.08.2020 / 20:00
Լուր-մեկնաբանություն
10.08.2020 / 19:00
Քաղաքական
10.08.2020 / 17:30
27.07.2020   13:00
629

Կարելի է ևս մի շանս էլ Հրայր Թովմասյանին տալ


Զավակները պատասխանատու չեն իրենց ծնողների արարքների համար: Բայց կառավարությունները պատասխանատու են իրենց գործողությունների և կադրային քաղաքականության համար:

Հասարակությունն ըմբռնումով մոտեցավ իշխանության արդեն մեկ տարուց ավել ձգվող անկարողության շքերթին՝ Սահմանադրական դատարանը ռևանշիստների բաստիոնից բարձր և անաչառ դատարան վերածելու փորձերին: Բայց կարծես թե իշխանությունների դուրն եկել է թիթեռ նկարելու գործընթացը և հիմա էլ որոշել են Վահրամ Ավետիսյան անունով մեկին դատավոր կարգել:

Տպավորություն է, որ իշխանության վերնախավը ամենից ականջալուրը ռևանշիստների քննադատության նկատմամբ է: Նրանք ասում էին, որ իշխանությունը ցանկանում է իրեն քիմքին հաճելի ՍԴ կազմավորել, իշխանությունն էլ տարավ բերեց և այնպիսի թեկնածու առաջադրեց, որ ռևանշիստներն էլ են ցայտնոտի մեջ՝ քննադատել, թե ոչ Վահրամ Ավետիսյանի թեկնածությունը:

Այսինքն՝ իշխանությունը ոչ թե ցանկանում է իսկապես անաչառ, սկզբունքային և ստվերային պայմանավորվածություններից զուրկ ՍԴ ունենալ, այլ առաջադրել այնպիսիներին, որոնք ընդունելի կլինեն նաև նախկինների համար և ավելի քիչ քննադատության կարժանանան: Այդ դեպքում պարզապես ավելի շքեղ կլիներ, ասենք, Ալվինա Գյուլումյանի թեկնածությունը կրկին առաջադրելը: Թող հայտնի ուժերը գնային ու գլուխ կոտրեին, թե ինչ ստվերային պայմանավորվածություններ են առաջացել իշխանությունների և տիկին Գյուլումյանի միջև:

Հասարակությունը մինչև հիմա տարակուսանքի մեջ է, թե ինչպես Վանեցյանին նշանակեցին ԱԱԾ պետ: Իմիջիայլոց, ինչպես Ավետիսյանի դեպքում, այնպես էլ Վանեցյանի պարագայում ոչ միայն խնդրահարույց էր նախկինում մերժված ռեժիմին սպասարկելու գործոնը, այլ նաև ծնողների անցած ճանապարհը և նրանց ծառայությունները Քոչարյանին և Սարգսյանին: Հիշեցնենք, որ Վանեցյանի մայրը երկար տարիներ աշխատում էր կառավարությունում և որպես կադրերի վարչության պետ՝ չէր կարող չվայելել վերոհիշյալ երկուսի անվերապահ աջակցությունը և վստահությունը: Տեղյակ մարդիկ արդեն այն ժամանակ էին վստահ պնդում, որ Վանեցյանի մայրը չի կարող կտրել այն բոլոր կապերը, որ ունեցել է վերջին 20 տարիներին:

Ընդամենը մեկ դատավոր է պակասում, որ ռևանշիստները կրկին մեծամասնություն կազմեն Սահմանադրական դատարանում: Մտավախություն կար, որ նախագահը և դատարանների խորհուրդը կցանկանան խնդրահարույց թեկնածուներ առաջադրել, բայց կարծես թե կառավարությունը շտապում է այդ հացն էլ խլել վերոհիշյալ երկու ինստիտուտներից: Այն ինչ կարող են իրենք անել, ինչու թողնեն ուրիշների վրա:

Սովորաբար խելացիները սովորում են ուրիշների սխալների վրա: Գործող իշխանությունները ի վիճակի չեն անգամ հետևություններ անել սեփական սխալներից:

Վահրամ Ավետիսյանին դատավոր առաջադրելը ոչ թե շանս տալ է, այլ հանրությանը զրկել անբիծ հետագիծ ունեցող դատավորներից կազմված ՍԴ ունենալու շանսից:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Վահրամ Ավետիսյան, Արիս Վաղարշակյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված






Երգիր, որ չկռվես



«ՉԻ» ռիթմով
«ՉԻ» ռիթմով
01.08.2020 / 1182

















Սասնա բևեռ
Սասնա բևեռ
08.08.2020 / 763



Ստոպ-կադր
Ստոպ-կադր
01.08.2020 / 742









Մարգոյի ամոթը
Մարգոյի ամոթը
06.08.2020 / 625