12.08.2021   21:00
402

Կրկին ֆալս-ստարտ


Խորհրդարանական ընդդիմությունը գնալով նմանվում է հարուստի զավակի, որի ուսման և կարիերայի առաջխաղացման համար միլիոնավոր դոլարներ են ներդրվում, բայց, միևնույն է, որևէ արդյունք չկա: Արդեն երեք տարի խորհրդարանական ընդդիմության այս կազմի վրա հայտնի դուետը ահռելի միջոցներ է ծախսում, սակայն բացի մեդիայի գլխագրերից որևէ շոշափելի փոխհատուցում չի ստանում:

Իսկ պատճառը շատ պարզունակ է՝ բնածին շտապողականությունը: Ինչպես ժամանակին իրենց բիզնեսն էին կազմակերպում, այդպես էլ փորձում են քաղաքական գործընթացներից արագ և մեծ արդյունք ստանալ: Նախկին ռեժիմի ներկայացուցիչները երբեք բիզնեսում փող չէին ներդնում, եթե դրա տարեկան եկամտաբերությունը չէր անցնում ներդրված գումարի 50 տոկոսը: Նույն տրամաբանությամբ էլ փորձում են քաղաքական գործընթացներից քաղաքական դիվիդենտներ ստանալ: Բայց բիզնեսը և քաղաքականությունը շատ շոշափելի առանձնահատկություններ ունեն, և հատկապես պետք է հաշվի առնել, որ նրանք բիզնես անելու մեկ յուրահատկություն ունեին՝ պետք է մրցակից չունենային:

Այսպես են մտածում. նախընտրական գործընթացների վրա ծախսել ենք մի քանի հարյուր միլիոն դոլար, ուրեմն ներդրված գումարները պետք է շատ արագ արդարացնեն իրենց: Ճիշտ է, պարտվել ենք, բայց խորհրդարան ենք անցկացրել մի քանի տասնյակ պատգամավորի, ուրեմն թող ջանք չխնայեն և արդարացնեն մեր սպասելիքները:
Այդտեղից էլ գալիս է շտապողականությունը: Իսկ ինչպես հայտնի է՝ շտապելիս սխալվելու հավանականությունը չափազանց մեծանում է:

Կարող է տպավորություն ստեղծվել, թե իշխանությունը նեղվում է, որ ընդդիմության ամեն երկրորդ բառը կապիտուլյանտը կամ հողատուն է: Մինչդեռ իշխանությանը շատ էլ ձեռնտու է, որ իրական խորքային քննադատության, սխալները վերհանելու, այլընտրանքային լուծումներ առաջարկելու, իշխանական պատգամավորների ինտելեկտուալ ֆոնին առանձնանալու փոխարեն, ընդդիմությունը գալիս ու միայն հողատու, դավաճան, կապիտուլյանտ և այս կարգի այլ մակդիրներ է վանկարկում: Այս կարգի հռետորաբանությանը շատ հեշտ է հակադարձել՝ ժողովուրդը ձեզ բանի տեղ չդրեց, համաձայն չէ այդ բնորոշումների հետ, ուստի ձայնը տվեց մեզ:

Եթե ընդդիմությունը մի փոքր ավելի խելացի լիներ, ապա կսպասեր: Իշխանությունը պնդում է, որ ժողովուրդը իրեն մանդատ է տվել երկիրը կարգի բերելու և շենացնելու համար: Քարոզարշավի ժամանակ Փաշինյանը բազում խոստումներ է տվել՝ սկսած խաղաղության դարաշրջան բացելուց մինչև նախկինների ունեցվածքը պետականացնելը: Դրանցից ոչ մեկը հեշտ խնդիր չէ և մոտ ապագայում անիրականանալի է: Ադրբեջանը չի ցանկանում հանդարտվել, իսկ ապօրինի գույքի բռնագանձման մասին օրենքը կենդանության նշաններ ցույց չի տալիս:

2018 թվականի հոկտեմբերին դեռևս հանրա-բարգավաճա-դաշնակցական խորհրդարանը շտապեց, տրվեց քաղաքական ֆալս-ստարտի և ի վերջո ջախջախվեց: Մինչդեռ այդ կազմով կարելի էր մի փոքր էլ ժամանակ շահել և մեկ տարի հետո ընտրությունների արդյունքները էական ուրիշ քաղաքական խճանկար կստեղծեին: Հիմա կրկին տրվում են ֆալս-ստարտի, և իշխանությունների ձախողումների փոխարեն շատ արագ առաջնային օրակարգ է գալու այն մտայնությունը, թե այս ընդդիմությունն է խանգարում իշխանությանը երկիրը շենացնելու: Իշխանական պրոպագանդիստները արդեն սկսել են այդ ուղղությամբ աշխատանքներ իրականացնել:

Բայց դե իհարկե այս ընդդիմությունը չի կարող փոխվել, դառնալ ավելի ճկուն: Ինչպես հայտնի է՝ հարուստի որդին մեծացել է բութ ու շատակեր:

Արիս Վաղարշակյան



 Պիտակներ

         Արիս Վաղարշակյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1279