Այսօր Կառավարությունը Սահմանադրական դատարանի դատավորի թեկնածու առաջադրեց իրավաբանական գիտությունների դոկտոր, պրոֆեսոր Վահրամ Ավետիսյանին։
Դե, առաջադրել, առաջադրել է: Վահրամ Ավետիսյանի անունը շատերին է անծանոթ, մարդիկ փորձում էին ճշտել, թե ով է, ինչացու է: Ճանաչողներն ասում էին՝ ոնց որ վատ մարդ չէ: Բայց ոչ ոք չի ասել, որ Վահրամ Ավետիսյանը տխրահռչակ Դավիթ Ավետիսյանին որդին է:
Ոնց որ ձեռ առնեն, գիտե՞ք: Բռնել, 2008-2016 թթ. ՀՀ վճռաբեկ դատարանի քրեական պալատի նախագահ Դավիթ Ավետիսյանի որդու թեկնածությունն են առաջադրել: Այն Դավիթ Ավետիսյանի, որի խղճին տասնյակ քաղբանտարկյալներ կան: Որը 2008 թվականին իշխանությունների բոլոր պատվերները դակել է Վճռաբեկ դատարանում: Քաղբանտարկյալների մի մասի գործով հենց ինքն է եղել դատավոր, մնացածների մասով էլ՝ դատարանի ներկայացուցիչը, որը քաղբանտարկյալների գործով բոլոր մեղադրանքները և դրանց հետևած վճիռները հաստատել է:
Իհարկե, կարող են ասել, թե ինչ կապ ունի այս ամենի հետ Վահրամ Ավետիսյանը, մի՞թե նա պատասխանատու է հոր արարքների համար: Մեծ հաշվով, ճիշտ հարցադրում է: Բայց, ընդունենք, Վահրամ Ավետիսյանը դարձավ ՍԴ դատավոր: Մի օր էլ Մարտի 1-ի գործով ինչ-որ բողոք ներկայացվի ՍԴ, որտեղ հոլովվում է Դավիթ Ավետիսյանի անունը: Իսկ դա բացառված չէ: Ո՞նց ենք անելու: Դա շահերի բախում չի առաջացնելու: Դա նորմալ կլինի՞, եթե որդին իր հոր հետ կապված գործ քննարկի ՍԴ-ում:
Ապրեն մեր իշխանությունները: Մարտի 1-ի ոճրագործության գլխավոր պատասխանատուներից մեկի՝ Անդրանիկ Միրզոյանի որդուն պաշտոն տվեցին, հիմա Մարտի 1-ի ոճրագործության ակտիվ դերակատարներից մեկի որդու թեկնածությունն են բրդում դեպի ՍԴ, տակը ո՞վ մնաց. Աղվան Գառնիկիչի որդի՞ն: Ի՞նչ ասենք, իրեն էլ ՀՀ գլխավոր դատախազ նշանակեք, պրծեք:
Ներկայացնում ենք Դավիթ Ավետիսյանի «հերոսական» գործունեության վառ էջերը: Տեսեք, թե քանի գործով և ում է դատապարտել:
- Ալեքսանդր Արզումանյան - 5 տարի
- Անուշ Ղավալյան - 2,4 տարի
- Աշոտ Զաքարյան - 2,6 տարի
- Աշոտ Մանուկյան - 5 տարի
- Արամ Բարեղամյան - 6 տարի
- Արմեն Աբրահամյան - 3,6 տարի
- Գաբրիել Գաբրիելյան - 7 տարի
- Գագիկ Ջհանգրյան - 3 տարի
- Գևորգ Ղազարյան - 5 տարի
- Գևորգ Մանուկյան - 4 տարի
- Գևորգ Սաֆարյան - 2,4 տարի
- Գրիգոր Ոսկերչյան - 2 տարի
- Դավիթ Մաթևոսյան - 3 տարի
- Ժորա Հովհաննեսի Սափեյան - 2,6 տարի
- Լավրենտ Գասպարյան - 3,11 տարի
- Լևիկ Խաչատրյան 1,6 տարի
- Կարեն Թարխանյան - 4 տարի
- Հակոբ Վարդանեսի Հակոբյան - 5 տարի
- Հայկ Գևորգյան - 1,6 տարի
- Հարություն Ուռուտյան - 7 տարի
- Հովհաննես Ղազարյան - 1 տարի
- Մասիս Այվազյան - 1,6 տարի
- Մկրտիչ Սափեյան - 2 տարի
- Մյասնիկ Ժորայի Մալխասյան - 5 տարի
- Նիկոլ Վովայի Փաշինյան - 7 տարի
- Նվեր Ստեփանյան - 3 տարի
- Շոթա Սաղաթելյան - 2 տարի
- Պետրոս Մակեյան - 3 տարի
- Ռոման Մնացականյան - 3,6 տարի
- Սամվել Սարգսի Կարապետյան - 3 տարի
- Սասուն Մեխակի Միքայելյան - 8 տարի
- Սիմոն Ամիրխանյան - 3տարի
- Սուրեն Սիրունյան - 5 տարի
- Վահե Ղազարյան - 4,6 տարի
- Վարդան Ղավալբաբունց - 4 տարի
- Վարդան Ջհանգիրյան - 3 տարի
- Տիգրան Մկրտչյան - 3 տարի։