Երեքշաբթի 29.09.2020 13:38

Սատիրիկոն/Լուր-մեկնաբանություն
29.09.2020 / 13:15
Քաղաքական
29.09.2020 / 12:30
Քաղաքական
29.09.2020 / 12:00
Քաղաքական
29.09.2020 / 11:25
08.08.2020   09:30
516

«ՉԻ» ռիթմով

 Читать на русском

Հայ-հայկական հակամարտությունը

Անցնող շաբաթ հիմնական իրադարձությունները Տավուշի մարզի հայ-ադրբեջանական բախումներից տեղափոխվեցին Վայոց ձորի հայ-հայկական բախումներ: Ամուլսարի շուրջ հակամարտող կողմերը կատաղի մարտեր են մղում: Հակառակորդները փոխնիփոխ հաջողությամբ հարձակվում են, պաշտպանվում, դիրքեր գրավում, կորցնում: Ընդամենը երկու օրում մի քանի ճակատամարտ է եղել, որտեղ փառապանծ ոստիկանները գրեթե ձեռնամարտի էին բռնվել փառապանծ բնապահպանների հետ: Այս հակամարտության ելքն առայժմ պարզ չէ:

Բայց մի բան պարզ է. քոչարյանա-միշիկական բոլոր լրատվամիջոցները՝ իրենց վարձկաններով, սազանդարներով, զառանցողներով, աջարակիցներով, այդքան չէին կարող վնաս հասցնել իշխանությանը, որքան՝ իշխանություններն իրենք իրենց: Իշխանության դիրքորոշումն այս հարցում այդպես էլ չգիտենք: Կամ իրենք գիտեն, չեն ասում, կամ էլ չգիտեն՝ ինչ անեն: 

Մենակ թե չենք հասկանում, թե Ամուլսարի շուրջ ընթացող բախումների համար նախկինները ինչու են քննադատում Նիկոլ Փաշինյանին: Ի՞նչ կապ ունի այս ամենի հետ վարչապետը: Դե որ ասում եք, թե Տավուշում նոր դիրքեր գրավելու հետ վարչապետը որևէ կապ չի ունեցել, ուրեմն՝ ձեր տրամաբանությամբ, այս դեպքում էլ կապ չունի: Ի՞նչ տարբերություն՝ պատերազմը Տավուշում է, թե Ամուլսարում: Բա չէ. դրական բան է լինում, ասում եք՝ ինքն իրեն եղավ, վատ բան է լինում, մենակ վարչապետն է մեղավոր: 

Ստրկատիրական մեդիադաշտ

Քոչարյանա-միշիկական մեդիան (ՔՄՄ) վերջն է: Մենք չէինք պատկերացնում, որ այս աստիճանի ստրկամտություն է տիրում այնտեղ: ՀՀ Առաջին նախագահն ասում է. ժողովուրդ, ԿԳՄՍ-ի կողմից Հայոց պատմության դասագրքերի չափորոշիչների վերաբերյալ ծագած բանավեճը շատ ցածր մակարդակի է, ամոթ է, խայտառակություն է: 

Իսկ նախկիններին պատկանող տասնյակ լրատվամիջոցներ գրել են. Տեր-Պետրոսյանն ասել է, թե ԿԳՄՍ կողմից Հայոց պատմության դասագրքերի չափորոշիչները շատ ցածր մակարդակի են, ամոթ է, խայտառակություն է: Գիտենք, էլի, սրանց զանգել են, այդ միշիկ-գրիշիկները, հրամայել, որ այդպես ներկայացնեն, լրիվ նենգափոխված, շուռ տված: Ու այս լրատվամիջոց կոչվող լափակերների մեջ չի գտնվել գոնե մեկը, որն ասեր՝ չէ, ամոթ է, մարդը ուրիշ բան է ասել, մենք ուրիշ բան գրենք, սիրուն չէ, ամոթ է, անբարո է: Բոլորը ստրուկի հնազանդությամբ հրամանը կատարել են: Բոլորը:

Հայտնի պատմություն կա, որ մուկը հրաշագործին խնդրում է, որ իրեն կատու դարձնի, որ կատուներն այլևս իրեն չնեղեն: Հրաշագործը մկանը կատու է դարձնում, բայց հենց առաջին իսկ կատվին տեսնելով՝ սա փախչում է: Հետո շուն է դարձնում, հետո՝ գայլ, վերջում ընդհանրապես վագր, բայց մեկ է, հենց կատու է տեսնում, նորից փախչում է: Հրաշագործը մկանն ասում է. կներես, ես կարող եմ քեզ արտաքնապես փոխել, բայց սիրտդ չեմ կարող:

Հիմա էս մեր նախկինների լրատվամիջոցներն են: Ուզում եք, CNN-ից հզոր տեխնիկա ունենաք, ուզում եք, ամեն մեկդ տասը ստուդիա պահեք, 24-ժամյա եթեր ունենաք, ընտանեկան լրատվամիջոց լինեք, կուսակցական, ամեն մեկիդ տակ մի-մի ավտո դնեն, բոլորիդ այֆոն նվիրեն, մեկ է՝ ստրուկի հոգեբանությունը ձեր միջից դուրս չի գալու: Բժշկությունն ու հրաշագործությունը դրա դեմ անզոր են: 

Պնդաճակատության շքերթը

Բժշկությունն անզոր է նաև ՍԴ դատավորների ընտրության գործընթացում: Թվում է, թե բանականության սահմաններում ամեն ինչ ասված էր, անհրաժեշտ խորհուրդները տրված էին, նորմալ մարդիկ նորմալ առաջարկներն արել էին, հիշեցրել էին, թե ինչ չափորոշիչներ պետք է կիրառվեն ՍԴ դատավորի թեկնածուների դեպքում:

Բայց այստեղ էլ են այդ անիծյալ չափորոշիչները շուռ տված կիրառել: Արմեն Սարգսյանը ներկայացնում է մեկի թեկնածությունը, որին մի անգամ արդեն առաջադրել էր, խորհրդարանն էլ մերժել: ԲԴԽ է, ինչ է, սրանք էլ մի հատ հին կոճղ են առաջադրում, դե, իսկ իշխանություններն էլ Վահրամ Ավետիսյանի դեպքում պնդաճակատ դուրս եկան: Իբր Սահմանադրական դատարան են բարեփոխում: ՍԴ դատավորների ընտրության հարցում ամենակարևոր չափորոշիչը անտեսվեց. թեկնածուի քաղաքացիական վարքագիծը: Այսինքն, մարդ, որը ՀՀ քաղաքացուն պատշաճ համոզմունքներ ունի, գիտակցում է, թե ուր է գնում, ինչի համար, մարդ, որն իր անցած ճանապարհով ապացուցել է, որ իր գործունեության համար հաշվետու է հասարակությանը, որ նրա համար առաջին պլանում մարդն է, քաղաքացին: Բռնել, 3 պայմանական Ալվինա Գյուլումյանի փոխարեն 3 նոր Ալվինա Գյուլումյան են առաջադրել: 

Որ հանկարծ ներքաղաքական ճգնաժամ առաջանա, բանը հասնի ՍԴ-ին, այդ ձեր առաջադրած թեկնածուները ոչ թե օրենքին են նայելու, այլ թե ում կողմն է թեքվում նժարը: Գագիկ Հարությունյանի և Հրայր Թովմասյանի օրինակով դա գիտենք: Տաք եք, դեռ չեք զգում:

«Չորրորդ իշխանություն», թիվ 21, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         կրթություն, Ամուլսար, ՍԴ ճգնաժամ, Վահրամ Ավետիսյան, Լևոն Տեր-Պետրոսյան, «ՉԻ» ՌԻԹՄՈՎ, «Չորրորդ իշխանություն»


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1526




















Վազիր դատարան
Վազիր դատարան
23.09.2020 / 900