«Մեկ Հայաստան» կուսակցության ղեկավար Արթուր Ղազինյանը գրել է. «Տրամադրեք ճիշտ տեղեկատվություն, պարզ խոսեք մարդկանց հետ, մի ստեք մարդկանց ու մի հարձակվեք ճիշտն ասող մարդկանց վրա: Սա մեզ հաղթանակ չի բերելու, հասարակությանը թմբիրի մեջ պահելով մեծ պատերազմ չեն վարում»:
«ՉԻ». Ինչ ուզում եք ասեք, բայց Արթուր Ղազինյանը մեր օրերի լավագույն դիվանագետներից մեկն է: Փայլուն դիվան է քշում: Մեկ Զարուհի Փոստանջյանն է ՀՀ ՊՆ նախարարից պահանջում, որ իրեն ասեն, թե մերոնք երբ են հարձակվելու, ինչ են անելու, մեկ՝ սա: Այսինքն, նույն «կլասի» դիվանագետներ են, ինչպես տեսնում եք: Հարմար նստած, գրոհներ են ձեռնարկում, հարձակվում, նահանջում, հակահարձակվում, վերջում էլ ասում, թե սա մեզ հաղթանակ չի բերելու: Դե հա, որ ձեր հույսին մնանք, հաղթանակի մասին միայն երազել կարելի է: