Արցախի նախկին ՄԻՊ Ռուբեն Մելիքյանը Ֆեյսբուքի իր էջում գրել է. «Ես էլ էի առաջին անգամ լսում, որ շարքերից հեռացնելու համար Դաշնակցության կանոնագիրն օգտագործում է «արտաքսում» բառը։ Բայց ի տարբերություն «սրամիտների»՝ ինձ այն շատ դուր եկավ։ Այդ բառը հետաքրքիր համատեքստ է ստեղծում՝ ունկնդրին ենթագիտակցորեն հիշեցնելով Ադամի և Եվայի՝ դրախտից «արտաքսման» պատմությունը»։
«ՉԻ». Դաշնակցությունը իր 130 տարվա պատմության մեջ շատ բան էր տեսել և լսել իր մասին, բայց այս մեկը թերևս իրենց էլ է մի լավ զվարճացրել: Նեմեսիսից մինչև երիտթուրքերի ու խորհրդային ՊԱԿ-ի հետ համագործակցություն, բայց ոչ երբեք փոքրիկ դրախտի կառուցում կուսակցության ներսում: Չէ՞ որ հռչակված մեծ նպատակների համար նրանք երբևէ չեն խորշել կատարել նույնքան մեծ հանցագործություններ: Նախկին ՄԻՊ-ը թերևս չգիտի, որ Եվան միայն մեկ անգամ շեղվեց ճիշտ ճանապարհից, ինչը չի կարելի ասել ՀՅԴ-ի մասին: Նրանք ամեն օր են շեղվում, միայն իրենց համար հասկանալի արդյունքների համար:
Ռուբեն Մելիքյանը սիրում է մեջբերումներ անել Սուրբ գրքից: Արցախի նախկին ՄԻՊ-ը, որն այժմ իրեն կոչում է «իրավապաշտպան» և ստանձնել է նախկին ռեժիմի փաստաբանի գործառույթները, ճիշտ կանի սկզբի համար ապաշխարհի: Խոստովանի, որ Արցախում զբաղվել է իրավապաշտպան գործունեության իմիտացիայով: Իրավական աջակցություն չի ցուցաբերել Շուշվա բերդում գտնվող կալանավորներին, չի բարձրաձայնել նրանց նկատմամբ անմարդկային խոշտանգումների մասին: Մինչդեռ, այսօր արդեն տասնյակ վկայություններ կան համացանցում, թե ինչ կտտանքների են ենթարկվել բանտարկյալները Մելիքյանի ՄԻՊ պաշտոնավարման տարիներին:
Սուրբ գրքում կան նաև շատ պատմություններ գողերի մասին: Միայն հիշեցնենք, որ Մելիքյանի քեռին՝ Նարեկ-Նապոլեոն Սարգսյանը զբաղեցրել է Երևանի գլխավոր ճարտարապետի պաշտոնը Ռոբերտ Քոչարյանի նախագահության տարիներին: Ինչպես թալանվեց Երևանի կենտրոնը, ունեզրկվեցին հազարավոր քաղաքացիներ, այժմ բոլորին է հայտնի: Քանի որ արտաքսել բառը շատ է դուր եկել Մելիքյանին, միգուցե իր սրտից արտաքսի քեռո՞ւն: