Արցախի Մարդու իրավունքների նախկին պաշտպան, արդարադատության նախկին փոխնախարար, իրավապաշտպան Ռուբեն Մելիքյանն իր ֆեյսբուքյան էջում գրել է. «Անձամբ ես Նեմեսիսի կողմնակից եմ։ Եթե «Նեմեսիս» դաշինք լիներ, հաճույքով կանդամակցեի։ Բայց քանի որ Նեմեսիսը սկզբունքորեն անհամատեղելի է համամասնական ընտրակարգի հետ, ուստի այս ընտրություններում իմ անունը չեք տեսնի թեկնածուների ցուցակներում»:
«ՉԻ». Հատուկ ենք նշել Ռուբեն Մելիքյանի զբաղեցրած պաշտոններն ու գործունեության ոլորտը, որ տեսնեք, թե ով է խոսում Նեմեսիսից:
Ու սրանք իրավական ոլորտի պատասխանատուներ են եղել: Դրա համար էլ այդ ոլորտը մինչև հիմա խայտառակ վիճակում է:
Ու չեն էլ հասկանում, որ նման հայտարարություններով արդարացնում են, օրինակ՝ «Սասնա Ծռերի» գործողությունները ՊՊԾ գնդում, որովհետև ծռիստներն էլ են իրենց պատկերացումներով Նեմեսիս արել: Նույնը կարելի է ասել Նաիրի Հունանյանի և նրա խմբավորման մասին. հիմա մարդ է, ռոմանտիկ տղա էր, Նեմեսիսի ազդեցության տակ է եղել:
Այսինքն՝ ստացվում է, որ Ռուբեն Մելիքյանն իրեն դնում է «Սասնա Ծռերի» և Նաիրի Հունանյանի հետ նույն հարթությունում: Իր գործն է, միայն թե թող իրեն իրավապաշտպան չհամարի. որովհետև իրավունքը մերժում է ահաբեկչությունը, ինչպիսի սուրբ նպատակով էլ այն լինի: