Քաղաքական
03.07.2020 / 22:40
Քաղաքական
03.07.2020 / 22:00
Լուր-մեկնաբանություն
03.07.2020 / 21:00
Քաղաքական
03.07.2020 / 20:30
Քաղաքական
03.07.2020 / 20:00
Լուր-մեկնաբանություն
03.07.2020 / 19:00
18.11.2019   09:00
1532

Նազարը մոբիլիզացնում է «ժանգոտ թրերից» մինչև «քոսոտ ավանակներ»


Սերժ Սարգսյանն այն գործիչների դասին է պատկանում, ում հաջողվել է իր կառավարման շրջանում շահադիտական նպատակներով օգտագործել այլոց` ընդհուպ այդ մարդկանց փչացնելու և նրանց վաստակը փոշիացնելու գնով:  

Օգտագործումը, որպես այդպիսին, դրսևորման տարբեր ձևեր է ունեցել և շարունակում է ունենալ` յուրաքանչյուր դեպքում համարժեք լինելով օգտագործվողի ներուժին`տաղանդին ու ձեռնահասությանը: Մի դեպքում այդ ներուժը բավականացրել է օգտագործվողին նախագահի կարգավիճակում Հանրային խորհուրդ, մյուս դեպքում` քարտուղարի կարգավիճակում ԱԱԽ գործուղելու, երրորդ դեպքում՝ պատգամավորի մանդատ բաշխելու համար, չորրորդ դեպքում` կոալիցիոն գործընկեր դարձնելու, հինգերորդ դեպքում՝ շքանշան տալու համար: 

Ս. Սարգսյանը մի ամբողջ 10 տարի օգտագործելով իր և ոչ միայն իր քաղաքական թիմի ներուժը` կարողացավ արմատավորել իր իսկ`անփոխարինելի լինելու առասպելը, և որ ամենասարսափելին է` ինքն էլ թիմի մոլեռանդ երկրպագության շնորհիվ սկսեց հավատալ այդ առասպելին` տրվելով իշխանությունը ուզուրպացնելու և վարչապետի պաշտոնում հավերժանալու արկածախնդրությանը: Թե ինչ տեղի ունեցավ դրանից հետո` հիշում են բոլորը: Ս. Սարգսյանն այս ողջ ընթացքում և այժմ էլ շարունակում է օգտագործել յուրայիններին և նրանցից առնել իր անփառունակ կործանման վրեժը` վերջիններիս մեյդանում պահելով, ստատուս-հոդվածներ գրել տալով, այսպիսով նրանց նկատմամբ անընդհատ հանրային ատելություն ու նզովք սադրելով և իր խայտառակության բեռը կրելուն նրանց ևս մասնակից դարձնելով: Ցավալի է արձանագրելը, թե ինչպես է մերժված ուզուրպատորը անձնական օգտագործման նպատակով  վարկաբեկում ու փչացնում առանց այն էլ արագ փչանալու հակումներ ունեցող այնպիսի ինստիտուտ, ինչպիսին է պատերազմով անցած հերոսների ինստիտուտը: 

Իսկ ահա վերջին օրերի նրա առերևույթ ակտիվացումն ու կոնսպիրատիվ միջոցառումներին մասնակցելը  մեսիջ են հանրությանն ու իշխանությանը, որ ռևանշի հասնելու նախկինների ծրագիրը տարերային վիճակից կամաց-կամաց տեղափոխվում է առարկայական դաշտ: Նշենք, որ Ծաղկաձորում նախորդ շաբաթ տեղի է ունեցել ուշագրավ անվանումով աշխատաժողով` «Պոպուլիզմը և ավանդական քաղաքականությունը. մարտահրավերներ և լուծումներ»: Հավանաբար պոպուլիզմ ասվածը քննարկման մասնակիցները պրոյեկցել են գործող իշխանության վրա, իսկ «ավանդական քաղաքականություն» ասվածի տակ նկատի են ունեցել տապալված ռեժիմի բանեցրած քաղաքականությունը, որի ողջ տրամաբանությունը մեկ խնդրի էր ուղղված` ինչպես տարիներ շարունակ ապուշացնել հասարակությանը, մենաշնորհել իշխանությունը, ապաև` սահմանադրական բարեփոխում ֆոկուսի միջոցով Սերժ Սարգսյանին դարձնել «անհաղթ հերոս Քաջ Նազար»: 

Հեղափոխությունը թեև ցրեց նազարականությամբ տառապող նախկին նախագահի անհաղթելիության առասպելը, այժմ, վարչապետի պաշտոնավարման մեկ տարվան ընդառաջ, երբ Սահմանադրությունը նախատեսում է վերջինիս անվստահություն հայտնելու հնարավորություն, «Նազարը» սկսել է հաճախակի դուրս գալ դուրս «փարդի հետևից», մոբիլիզացնել իր ռեսուրսները`«ժանգոտ թրերից» մինչև «քոսոտ ավանակներ», սաստկացնել հարայ-հրոցը, որպեսզի հող նախապատրաստի «քարվան կտրելու»`Բաղրամյան 26 վերադառնալու իր մտադրության համար: Ռևանշի այս ծրագիրը սպասարկելու համար ակնհայտ է, որ առկա է համախոհություն Սարգսյանի ու Քոչարյանի թիմերի և նրանց հարող ուժերի միջև: Օրերս այս մասին հավաստող հայտարարություն արեց ՀՀԿ-ի «լուսապսակ ճակատը»` Ա. Աշոտյանը, մասնավորապես նշելով, թե «հասարակության ներսում խորացող հիասթափությունն ու ապատիան» «սասանում են Նիկոլ Փաշինյանի պատվանդանը և խորացնում իր վախերը»: «Նա, ավելի, քան երբևէ, սարսափած է իր ապազգային և ապաշնորհ կառավարության դեմ հասունացող միասնական ճակատի գաղափարից, որի կարևորագույն դերակատարները կարող են լինել հենց Սերժ Սարգսյանը, ՀՀԿ-ն և Ռոբերտ Քոչարյանը»: 

Հարց է առաջանում, թե Աշոտյանի ասած` այդ «հասունացող ճակատը» ի՞նչ է անելու և ամենակարևորը` ինչպե՞ս: «Ավանդական քաղաքականությունը» ենթադրում է, որ այդ ճակատը դրսևորվելու երկու ճանապարհ ունի` սահմանադրական, այսինքն` ընտրությունների միջոցով կրկին իշխանությունը վերցնելը` «մին զարկել, հազար ջարդելը», և ոչ սահմանադրական` տվյալ դեպքում`հակահեղափոխական, որը կարող է գործի դրվել տարբեր եղանակներով: Դրանցից մեկն էլ, օրինակ, ազգային ու ռազմահայրենասիրական օրակարգերով տարատեսակ «պարտիզանական ջոկատներ» ստեղծելն է, որոնք իբրև թե մտադիր են հասնել հանրային հաշտեցման և ստանձնել հեղափոխական իշխանությունից հիասթափվածների հույսերն արդարացնողի էստաֆետը: Սակայն հերիք է տնտղել արդեն իսկ ստեղծվածներից մի երկուսի ղեկավարների անցած ուղին ու պարզ կդառնա, թե ում «պսպորն» ենք նրանք և ինչ հանձնարարություն են կատարում: 

Բայցևայնպես, եթե Աշոտյանն ու մյուս «լուսապսակները» հույս ունեն, թե այս ընթացքում տարբեր հարցերի շուրջ ստորգետնյա կամ վերգետնյա «ցնցումներ» կազմակերպելով, միջազգային հանրությանը SOS ազդանշան ուղարկելով  կկարողանան ինչ-որ պահի վայր գցել պատվանդանի վրա հենվածին, ապա դա դեռ երաշխիք չէ, որ այդ պատվանդանը կարող է որպես այդպիսին վերստին ծառայել մեկ անգամ արդեն խայտառակված նազարներին: Այդ պատվանդանն ունի հիշողություն. դրա անունն է ժողովուրդ:   

Հեղինե Մանուկյան

«Չորրորդ իշխանություն», թիվ 9, 2019



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «Չորրորդ իշխանություն», Սերժ Սարգսյան, Հեղինե Մանուկյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

Տիկին կոշկակարը