Չորեքշաբթի 01.12.2021 06:43

05.11.2021   20:00
4005

«Ո՞վ է ուզում դառնալ միլիոնատեր»՝ Արթուր Ղազինյանի հետ


- Բարի երեկո, եթերում «Ո՞վ է ուզում դառնալ միլիոնատեր» հեռուստախաղն է: Այսօր մեր խաղին մասնակցում է «Հայաստան» դաշինքի պատգամավոր Արթուր Ղազինյանը, բարև ձեզ:

-    Բարև:

-    Եթե պատրաստ եք, սկսենք խաղը: Հիշեցնեմ, որ 5 հարցի ճիշտ պատասխանելու դեպքում կշահեք առնվազն 5000 դրամ, 10 հարցի դեպքում՝ 100000, իսկ գլխավոր մրցանակը 1 միլիոն դրամն է: Պատրա՞ստ եք:

- Այո:

- Եվ այսպես, սկսում ենք «Ո՞վ է ուզում դառնալ միլիոնատեր» հեռուստախաղը Արթուր Ղազինյանի հետ: Հարց 1-ին. ինչպե՞ս էր կոչվում միջին դարերում եկեղեցուն վճարվող հարկատեսակը. ա) փայ, բ) ԱԱՀ, գ) տասանորդ, դ) պարտք:

-    Դատապարտելի է իշխող խմբակցության վարքագիծը, որն արդեն տասը անգամ մերժել է ինձ նշանակել ՀՀ Ազգային Ժողովի պաշտպանության և անվտանգության հարցերի մշտական հանձնաժողովի նախագահի տեղակալ: Մարդ է՞լ էդքան պնդաճակատ լինի...

- Ձեր կյանքի երազանքն այս խաղի հետ կապ չունի, դուք հարցին պատասխանեք:

- Դե, ոնց գցում, բռնում եմ, տասանորդն է: 

- Ինչո՞ւ:

- Երևի ինը անգամ եկեղեցուն փորձել են հարկ վճարել, չի ընդունել, տասներորդի վրա բարիշել են:

-    Հըմ, ճիշտ է, 100 դրամը ձերն է, հաջորդ հարցը: Նշված մեքենաներից ո՞րն է ամենաթանկը. ա) «Գազել», բ) «Զապորոժեց», գ) «Յագուար», դ) ՎԱԶ-21010:

-  Հաստատ «Զապորոժեցը» չի, շեֆը դրանից ունեցել է, մի օր հարցրեցի, ասաց՝ կոմբինատում մի ամսվա կուսվճարների փողով է առել: «Գազելը» չգիտեմ՝ ինչ է: Տենց ավտո լսած չկամ: ՎԱԶ-21010-ը.... արա´, գետինը մտնեք, 10 անգամ մերժել եք, հեչ նամուս չունե՞ք: 

- Դուք չասացիք պատասխանը:

- Դե, իմ ասածն էլ դա է... ՎԱԶ-21010-ը:

- Գուցե՞ որևէ օգնություն վերցնեք: 

- Եկեք օգտվենք 50+1 տարբերակից:

- Նման տարբերակ չունենք, միգուցե նկատի ունեք 50/50 տարբերա՞կը: 

- Հա, էլի:

- Համակարգիչը հանեց երկու տարբերակը. մնացին «Զապորոժեցն» ու «Յագուարը»: 

- Յա, յա, «Յագուարն» ա՞: Դրա ի՞նչն է թանկ, եղածը մի 90 հազար դոլար է: Չէի պատկերացնում նման բան: Ուրեմն՝ պատասխան գ. «Յագուար»

-    Ճիշտ է, 200 դրամը ձերն է, հաջորդ հարցը: Խորհրդային ո՞ր լրատվամիջոցն է առ այսօր գործում նույն անվանումով. ա) ՏԱՍՍ, բ) «5-րդ ալիք», գ) «8-րդ հրաշալիք», դ) «ՍՊԻԴ-ինֆո»:

-    Էս մեկը բարդ հարց է: Շատ ավելի բարդ, քան ՀՀ Ազգային Ժողովի պաշտպանության և անվտանգության հարցերի մշտական հանձնաժողովի նախագահի տեղակալ դառնալու հարցը: Ասում եք, էլի, երկիրն էս վիճակում, երկու ոտը դրել են մի կոշիկի մեջ, չեն ընտրում: Ո՜վ մարդկային արդար...

-    Լսեք, դուք հեռուստավիկտորինայի եք մասնակցում, ոչ թե՝ թատերական բեմադրության: Խնդրում եմ, պատասխանել հարցին: 

- Իհարկե՝ «5-րդ ալիք»: 

-    Այդ ինչպե՞ս:

-  Դե, մեջների խորհրդայինը դա է: Երբ նայում եմ, միշտ սովետական ոճի ինֆոներ են սլիվ անում: Պարզ չի՞, որ դա է: 

-    Դա ձեր վերջնակա՞ն պատասխանն է:

- Ուզո՞ւմ ես տասը անգամ հարցրու, նույնն եմ պատասխանելու... հի-հի:

-  Ցավոք, դա սխալ պատասխան էր: Ճիշտ տարբերակը ՏԱՍՍ-ն էր: Դուք պարտվեցիք:

- Քեզ ա թվում: Էնքան եմ անելու, մինչև հանձնաժողովի նախագահի տեղակալ դառնամ: Դու հլը իմ կապերը չգիտես, ինչքան հզոր են, էդ պաշտոնը...

-    Լավ, լավ, հանգստացեք, մեր հաղորդումն ավարտվել է, բարին ընդ ձեզ, կտեսնվենք, երբ հանձնաժողովի նախագահի տեղակալ դառնաք, այսինքն՝ 2050 թվականին, հո-հո-հո... 



 Պիտակներ

         Արթուր Ղազինյան, «Ո՞վ է ուզում դառնալ միլիոնատեր»

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները