Երեքշաբթի 29.09.2020 15:21

Լուրեր
29.09.2020 / 13:40
Սատիրիկոն/Լուր-մեկնաբանություն
29.09.2020 / 13:15
Քաղաքական
29.09.2020 / 12:30
Քաղաքական
29.09.2020 / 12:00
12.09.2020   19:00
410

Ո՞ւմ ձեռնտու չէ 200 միլիոն դոլարի ներդրումը - 5

 Читать на русском

Սկիզբը «ՉԻ» թիվ 22-25-ում

ՀԾԿՀ արտահերթ նիստում

Հուլիսի 9-ին ՏՄՊՊՀ-ն որոշում էր կայացրել թույլատրել «Թիմ» ՍՊԸ-ին ձեռք բերել «Վեոն Արմենիայի» («ԱրմենՏելի») 100 տոկոս բաժնետոմսերը (ակցիաները): 

Հուլիսի 10-ին ՀԾԿՀ-ն արտահերթ նիստում դրական եզրակացություն է տալիս «Թիմ» ՍՊԸ-ի կողմից «Վեոն Արմենիա» ընկերության ձեռքբերման գործընթացին, և որոշման մեջ նշում, որ Բարձր տեխնոլոգիական արդյունաբերության նախարարությունը առարկություններ չի հայտնել գործարքի վերաբերյալ: Կարելի է արձանագրել, որ Ազգային անվտանգությունը նույնպես որևէ առարկություն չունի գործարքի վերաբերյալ:

Հուլիսի 29-ին ՀԾԿՀ-ն նաև թույլատրում է «Թիմ» ընկերությանը «Վեոն Արմենիայի» 100 տոկոս բաժնեմասերը գրավադնել «Արդշինբանկում»։ Այսինքն, ամեն ինչ հապշտապ կատարվում է, միայն թե «Թիմ» ՍՊԸ-ն ձեռք բերի «ԱրմենՏելը»: Ի դեպ, նախկինում մերժվել էր «Յուքոմ» ընկերության, որի տնօրեններն էին Եսայան եղբայրները, «Վեոն Արմենիայի» գնման գործարքը: Պատճառը երկու օպերատորների միաձուլումն էր:

Հետահայաց

Երբ վերլուծում ենք կապի և ինտերնետի հայաստանյան շուկան, տեսնում ենք, որ բոլոր երեք օպերատորների սահմանած սակագները գրեթե իրարից չեն տարբերվում: Նույն ՏՄՊՊՀ-ն ուշադրություն չի դարձրել այս հանգամանքին: Բոլոր երեք օպերատորների պայմանագրերը իրարից գրեթե չեն տարբերվում, կարծես միևնույն իրավաբանը գրած լինի. բոլորի մոտ էլ ինտերնետի արագությունների մասով գրված է «մինչև» բառով (0-ից մինչև...), որևէ պարտավորություն կամ պատասխանատվություն որակի մասով նշված չէ:

Իսկ հաճախականությունները, որ հանդիսանում են սահմանափակ ռեսուրս, պարզապես բաժանվել են երեք օպերատորների միջև. քանի որ յուրաքանչյուր օպերատորին բաժին հասած հաճախականությունները անհրաժեշտից մի քանի անգամ ավելին է։ Տպավորություն է ստեղծվում, որ դրանք հատկացվել են հենց հաճախականությունները զբաղեցնելու նպատակով, քանի որ հաջորդ՝ 4-րդ օպերատորի մուտքն արգելափակելը հիմնավոր պատճառ է՝ կասեն հաճախականություն չունենք և վերջ: Այնպես, ինչպես եղավ «Ա-Տելեկոմի» հետ: 

Արձանագրենք, որ այս պահին Հայաստանի բոլոր երեք օպերատորներն էլ վաճառվում են: 

Ճանապարհ դեպի նոր մենաշնորհ, բայց ո՞ւմ

Եսայան եղբայրներին է պատկանում «Յուքոմ» ընկերության բաժնետոմսերի 6 տոկոսը: Նրանք, պահպանելով «Յուքոմում» իրենց 6 տոկոս բաժնեմասը, միաժամանակ հիմնում են «Թիմ» ՍՊԸ-ն: Սա, անկասկած, նշանակում է փոխկապակցվածություն «Յուքոմի» հետ: Սակայն, ՏՄՊՊՀ-ն այս մասին խոնարհաբար լռում է։ Նույնիսկ չի առարկում «Վեոն Արմենիան» ձեռք բերելու առումով։ Ավելին, որոշումն ընդունվում է մեկ օրում:

Հուլիսի 10-ին ՀԾԿՀ-ն «Թիմ» ՍՊԸ-ին դրական եզրակացություն է տալիս «Վեոն Արմենիան» ձեռք բերելու գործարքին: Հարց է առաջանում՝ այդ ի՞նչ կախարդանք է կատարվել, որ դրական եզրակացությունը տալիս են առանց տեսնելու և համոզվելու, թե որքան գումարով են այն ձեռք բերելու: Չկա՞ այստեղ հանցավոր համաձայնություն:

Գումարի առկայության մասին տեղեկացվում է միայն հուլիսի 29-ին, երբ «Թիմ» ՍՊԸ-ն դիմում է «Վեոն Արմենիայի» 100 տոկոս բաժնետոմսերը «Արդշինբանկում» գրավադնելու համար: 19 օր անց այս մասին խոսք անգամ չկար:

Բարձր տեխնոլոգիական արդյունաբերության նախարարությունը չի առարկում, որ «Թիմ» ՍՊԸ-ն ձեռք բերի «Վեոն Արմենիան»՝ «ԱրմենՏելը»: Ուրեմն պետք է եզրակացնել, որ նախարարությունն ուսումնասիրել է ընկերության զարգացման ռազմավարական ծրագիրը: Հարց. եթե «Թիմ» ընկերությունը «ԱրմենՏելը» ձեռք բերելու գումար չունի (դրա համար բաժնեմասներն է գրավադրում), ի՞նչ զարգացման ծրագրի ֆինանսավորման մասին կարող է խոսք լինել: Եվս մեկ հարց. այստեղ էլ չկա՞ հանցավոր համաձայնություն կամ գոնե պաշտոնական լիազորությունների թերակատարում կամ ընդհանրապես չկատարում:

Արդյոք «Արդշինբանկը» նման գումարի վարկ տրամադրելու իրավունք ունի՞։ Քանի՞ տոկոսով է տրվելու վարկը: Արդյոք «ԱրմենՏելը» կարճ ժամանակ անց չի՞ դառնա բանկի սեփականությունը: Եվ արժե՞ արդյոք Արտակարգ դրության այս պայմաններում գնալ նման անհեթեթ գործարքի:

Ընդգծենք, որ «ԱրմենՏելը» Հայաստանի Հանրապետության համար ունի ռազմավարական նշանակություն և տիրապետում է սահմանափակ ռեսուրսի:

Եվ վերջին հարցը. ստեղծված իրավիճակը արդյոք ճի՞շտ են ներկայացրել վարչապետին: 

Մտահոգիչ չէ՞ այն, որ այս ճանապարհով բացառել չի կարելի, որ շատ շուտով «ԱրմենՏելը» կդառնա «Արդշինբանկի» սեփականությունը։

Հրապարակումը՝ Արմեն Գևորգյանի

«Չորրորդ իշխանություն», թիվ 26, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արմեն ֆոն Գևորգյան, «Չորրորդ իշխանություն», «Յուքոմ», «Ա-Տելեկոմ», «ԱրմենՏել», «Արդշինբանկ»


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1526




















Վազիր դատարան
Վազիր դատարան
23.09.2020 / 902