Չորեքշաբթի 30.09.2020 22:53

Քաղաքական
30.09.2020 / 22:05
Սատիրիկոն/Լուր-մեկնաբանություն
30.09.2020 / 21:30
Սատիրիկոն/Լուր-մեկնաբանություն
30.09.2020 / 20:00
Սատիրիկոն/Լուր-մեկնաբանություն
30.09.2020 / 19:00
Սատիրիկոն/Լուր-մեկնաբանություն
30.09.2020 / 16:30
05.09.2020   19:00
540

Ո՞ւմ ձեռնտու չէ 200 միլիոն դոլարի ներդրումը - 4

 Читать на русском

Սկիզբը «ՉԻ» թիվ 22 - 23 - 24 -ում

Բջջային շուկայի հայկական առանձնահատկությունները

2005 թվականի հուլիսի 8-ին ըն­դունվեց Էլեկտրոնային հաղոր­դակցության մասին ՀՀ օրենքը: Ինչպես ընդունված է ասել ՀՀ-ում, այս օրենքն ընդունված էր «Ղ-Տելեկոմի» համար: Թվում էր, թե վերջապես կապի և հեռահաղորդակցության ոլորտում բան է փոխ­վել, պետք է շարժվեինք միջազգա­յին ստանդարտներով: Սակայն պարզվեց, որ արդեն որոշված էր, որ երկրորդ օպերատորը պետք է լինի «Ղ-Տելեկոմը»: Կարծես ի վե­րուստ էր որոշված: «Ղ-Տելեկոմը» Հայաստանի շուկա մտավ առանց միջազգային մրցույթ հայտարարե­լու, կարելի է ասել՝ խախտելով նույն ՀՀ օրենքը: Կարելի է ասել, որ այն ժամանակ «Վիվասելը» կատա­րեց իր վրա դրված առաջադրանքը՝ լրացրեց այն ժամանակ դեֆիցիտ հանդիսացող բջջային կապի սեգմենտը: Բայց ոչ մեկը հարց չտվեց, թե ինչի համար էր ստեղծվել այդ դեֆիցիտը, արհեստական չէ՞ր այն, պետական լծակները չէի՞ն օգտա­գործվել «Ղ-Տելեկոմի» ճանապար­հը հարթելու համար:

Եկավ 2008 թվականը: Վերջա­պես հայտարարվեց միջազգային մրցույթ: Հաղթող ճանաչվեց «Ֆրանս-Տելեկոմին» պատկանող «Օրանժ» ընկերությունը: Շատ կարճ ժամանակում ֆրանսիացի­ները սկսեցին կառուցել եվրոպա­կան ստանդարտներով ցանց և սպասարկման կետեր: Այդ ժամա­նակ Հայաստանից հեռանում է հու­նական կապի OTE ընկերությունը՝ «ԱրմենՏելը» վաճառելով ռուսա­կան «Բիլայն» ընկերությանը:

Մի քանի տարի անց, չդիմանա­լով հայկական մենթալիտետին, Հայաստանից հեռանում է նաև «Օրանժը»՝ վաճառելով այն «Յուքոմ» ընկերությանը: Հիշեցնենք, որ «Օ­րանժը» միայն հայկական շուկա մտնելու համար վճարել էր 50 մի­լիոն եվրո, այն վաճառելով մի քա­նի անգամ էժան գնով: Հայաստանի շուկայից հեռանում է նաև մի քանի հարյուր միլիոն դոլար վճարած «Բիլայնը»: Ըստ տարածված լուրե­րի, աճուրդային եղանակով վա­ճառվում է նաև «Վիվասել ՄՏՍ»-ը:

Սա դեռ նախաբանն է: Շեշտենք կարևոր մի հանգամանք ևս. մի քա­նի տարի առաջ, երբ փոխվեցին ռուսական «Բիլայնի» բաժնետերե­րը և ապրանքանիշը դարձավ «Վեոն», գրասենյակը տեղափոխ­վեց Ամստերդամ: Կապի ոլորտը կարգավորող մարմինները համա­ռորեն լռեցին: Թող պատկան մար­մինները որոշեն, չխախտվե՞ց այդ­տեղ ՀՀ որևէ օրենք:

Հանրային ծառայությունների հանձնաժողովի հակածառայությունները

2008թ. կազմակերպելով չակեր­տավոր մրցույթներ, ՀՀ-ում կապի ոլորտը կարգավորող մարմինը՝ Հանրային ծառայությունները կար­գավորող հանձնաժողովը, կարելի է ասել, շատ լավ կատարել է միայն մեկ բան՝ հավաքագրել է հաճախա­կանությունների գումարները, նպաստել մանր և միջին ինտերնետ պրովայդերների ոչնչացմանը:

Հանրապետության տարածքում դեռևս 2008 թվականից պետք է գործեր 3G ցանցը: Վստահաբար կարելի է ասել, որ մրցույթների մի­ջոցով հաճախականությունները բաշխվեցին գործող եռյակի միջև: Բայց ոչ մեկը չհետևեց՝ արդյոք նրանք կառուցո՞ւմ են 3G ցանցը, ե՞րբ են կառուցելու, ինչպե՞ս են կառուցելու, ի՞նչ որակ է ապահովելու:

Նույն ճակատագրին արժանա­ցավ նաև 4G ցանց կառուցելու ծրագիրը: Նորից ձևական մրցույթներ և նորից հաճախականությունների բաժանում օպերատորների եռյակի միջև: Կարելի է այն բնորոշել որ­պես պաշտոնական անփութութ­յուն, սպառողներին խաբել. 4G ին­տերնետ արագությունը պետք է լինի:

2018 թվականի հեղափոխու­թյունից հետո «Ա-Տելեկոմ» ընկե­րությունը փորձում էր նոր մշա­կույթ ներդնել ՀՀ կապի շուկայում առաջարկելով ֆիքսել ինտերնետի նվազագույն արագությունը 100մբ/վ - 300 մբ/վ (և ոչ թե 0-ից սկսած) և ՀՀ ողջ տարածքում կա­ռուցել 4G ցանց:

Կարող ենք հստակ արձանագ­րել, որ այդ ծրագրին ամենադեմ մարմինը ՀԾԿՀ-ն էր՝ ի դեմս դեռևս 2005 թվականից աշխատող Կապի վարչության պետ Գևորգ Գևորգյանի. պատասխանը հետևյալն էր՝ մեզ պետք չէ նման որակի կապ:

Եվ այդ ի՞նչ պրոֆեսիոնալ կար­գավորման շնորհիվ են բոլոր օպե­րատորները հեռանում Հայաստանից: Այդ ի՞նչ հանճարեղ հիմնավորմամբ դեմ կանգնեցին «Ա- Տելեկոմին», որը խոստանում էր ՀՀ ողջ տարածքն ապահովել 4G, իսկ Երևանը 5G ծածկույթով:

Դեպի հաղորդում հանցագործության մասին

«Ա-Տելեկոմը» ներկա պահին մշակում է նյութերը, պատրաս­տում հաղորդում հանցագործու­թյան մասին: Այդ ինչպե՞ս եղավ, որ չակերտավոր կարգավորման հետ­ևանքով որևէ օպերատոր ժամա­նակին չկառուցեց 3G ցանց ու չպատժվեց: Այդ ինչպե՞ս եղավ, որ ՀՀ-ում չկառուցվեց հստակ 4G (միայն Երևանում, այն էլ կիսատ-պռատ) և ոչ մի օպերատոր չպատժ­վեց և հաճախականությունն էլ հետ չվերցվեց:

Հրապարակումը՝ Արմեն Գևորգյանի

«Չորրորդ իշխանություն», թիվ 25, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «Չորրորդ իշխանություն», Արմեն ֆոն Գևորգյան, Գևորգ Գևորգյան, «Ա-Տելեկոմ», «Ղ-Տելեկոմ»


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



















Մալադե´ց, աներ
Մալադե´ց, աներ
11.09.2020 / 1529






















Վազիր դատարան
Վազիր դատարան
23.09.2020 / 918