Լուր-մեկնաբանություն
05.06.2020 / 22:00
Լուր-մեկնաբանություն
05.06.2020 / 21:00
Քաղաքական
05.06.2020 / 20:00
Լուր-մեկնաբանություն
05.06.2020 / 19:00
Լուր-մեկնաբանություն
05.06.2020 / 17:00
Տնտեսական
05.06.2020 / 16:00
28.10.2019   20:00
2075

Օմերտայի կոդեքսով ապրողները չեն հասկանա


Քննադատությունների արսենալում հայտնվել է նոր «զենք»՝ պաշտոնանկություններ և ինքնակամ հրաժարական տվածների գործոնի օգտագործում: Եվ այդ բնական գործընթացը ներկայացվում է այնպիսի երանգներով, որ տպավորություն ստեղծվի, թե դա ճգնաժամի մասին ավետող նախանշան է: Նախկինների մեդիան օրերս ներկայացրեց հրաժարական տվածների և պաշտոնանկ արվածների ցանկը, և որպեսզի այն ավելի երկար ու տպավորիչ լինի՝ դրանում ներառեց նաև Փաշինյանի վարչապետ դառնալուց հետո անմիջապես հեռացվածների ու հեռացածների անունները:

Մի կողմ թողնենք այս փոքրիկ մանիպուլյացիան և դիտարկենք հեղափոխական կառավարության պաշտոնանկությունները: Ընդհանրապես, ոչ միայն պաշտոնանկությունների, այլ նաև մնացած շատ հարցերում նախկինները սխալվում են իրենց հաշվարկներում և կանխատեսումներում, որովհետև հիմք են ընդունում իրենց օրոք շրջանառվող չափորոշիչները: Նախկին համակարգը դա մի մոնոլիտ էր և նրա առանձին դետալների հեռացումն իսկապես ճգնաժամի մասին էր վկայում: Նախկին կոռումպացված համակարգում նախ ընտրված էին այնպիսի մարդիկ, որոնք ընդունել էին խաղի կանոնները և ցանկացել էին դառնալ այդպիսի «թիմի» անդամ պետական միջոցներից թալանի իրենց մասը վերցնելու համար: Այդ համակարգում պաշտոնանկությունը նշանակում էր ոչ թե պարտականությունների թերի կատարում կամ քաղաքական գծի չկիսում, այլ կոնկրետ գործարքից փայի ճիշտ չհանում կամ վերևներին գցելու արդյունք:

Վանեցյանի կամ Օսիպյանի հրաժարականները ներկայացվեցին իբրև թիմի փլուզում կամ ճգնաժամի նախերգանք: Այդպիսի «վերլուծության» հիմքում նախկինի տրամաբանությունն է և սովորույթը: Եթե ԱԱԾ պետը հեռանում է, ուրեմն մի բան չեն կիսել: Նախկինում ԱԱԾ պետերն այնքան էին մնում, որ հատուկ նրանց համար անընդհատ երկարացվում էր թոշակի շեմը: ԱԱԾ պետ պաշտոնանկ անելը լրջագույն մարտահրավեր էր, քանի որ նա իրականացրել և տիրապետում էր իշխանության ամենահանցագործ և օրենքի հետ խնդիրներ ունեցող հանձնարարություններին: Այդպիսի անձնավորությանը թիմից դուրս դնելը լրջագույն մարտահրավեր էր նախ և առաջ իշխանական բուրգի համար: 

Այլ է վիճակը կառավարական բոլոր այն համակարգերում, որտեղ չի գործում հանցավոր խմբի հիմքում դրված տրամաբանությունը: Եթե կառավարությունները կոալիցիոն չեն, ապա մեկ տարվա ընթացքում, միևնույն նախարարության ղեկավարի փոփոխությունը որևէ աժիոտաժ չի առաջացնի եվրոպական և ոչ մի երկրում:

Նախագահ Թրամփը 2.5 տարվա ընթացքում նշանակեց արդեն չորրորդ անվտանգության գծով խորհրդականի: Եվ որ պակաս կարևոր չէ՝ առանց մեկնաբանելու, թե ինչու է հրաժարվում իքս պաշտոնյայի ծառայություններից: «Այլևս չեմ ցանկանում օգտվել նրա խորհուրդներից» և վերջ: 

Հայաստանն առաջին քայլերն է անում հանցագործ ռեժիմից դեպի ժողովրդավարություն: Եվ բնական են նման պաշտոնանկությունները: Բացառված չէ, որ դրանք առաջիկայում ավելի շատ լինեն: Դա բնական գործընթաց է՝ մի մասը չի կարողանում կատարել իր վրա դրված պարտականությունները, մյուս մասը չի կիսում քաղաքական գիծը: Դա բնական գործընթաց է, իհարկե ոչ ընկալելի Օմերտայի կոդեքսով ապրողների համար:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված