Չորեքշաբթի 08.07.2020 03:28

Լուր-մեկնաբանություն
07.07.2020 / 22:00
Քաղաքական
07.07.2020 / 21:00
Լուր-մեկնաբանություն
07.07.2020 / 20:30
Քաղաքական
07.07.2020 / 20:00
Հարցազրույց
07.07.2020 / 19:00
Լուր-մեկնաբանություն
07.07.2020 / 17:30
01.07.2020   09:00
623

Օրենք, թե ինչպես կարելի է վնասել հեղափոխությանը


Երբեմն տպավորություն է ստեղծվում, որ Նիկոլ Փաշինյանի կառավարությունը ունի մեկ գերխնդիր. հերթով հերքել հեղափոխության վերաբերյալ քաղաքագիտական բոլոր աքսիոմատիկ ճշմարտությունները:

Օրինակ՝ ի՞նչ պետք է անի հեղափոխության միջոցով իշխանության եկած ուժը: Իհարկե, ընդունի այնպիսի օրենքներ և ստեղծի այնպիսի մթնոլորտ, որն անհնար կդարձնի ռևանշիստների վերադարձը: Արվում է ուղիղ հակառակը: Սահմանադրությունը, Ընտրական օրենսգիրքը և կուսակցությունների մասին օրենքը փոխելու փոխարեն որոշեցին և արագի մեջ անցկացրեցին գույքահարկի մասին օրենքի փոփոխությունը:

Այն, որ գույքահարկը չնչին է, իսկ բնակֆոնդը գտնվում է անմխիթար վիճակում, ոչ ոք չի վիճարկում:
Սակայն առնվազն անհեռատեսություն է սկսել գույքահարկի մասսայական և առանց մի շարք հանգամանքներ հաշվի առնելու այն թանկացնելու գործընթաց:

Հայաստանում վերջին տասնամյակներում առաջնահերթ խաթարվել է սոցիալական արդարությունը: Մարդիկ նաև դրա համար դուրս եկան փողոց և գրեթե 100 տոկոսանոց վստահությամբ կարելի է ասել՝ նրանցից ոչ ոք դժգոհ չէր գույքահարկի տոկոսադրույքից:

Իսկ սոցիալական արդարության վերականգնման առաջին քայլը կարող էր լինել շքեղության հարկի մտցնելը: Բոլոր նրանք, ովքեր 1991 թվականից հետո կառուցել են դղյակներ, պետք է վճարեն շքեղության հարկ՝ տարեկան գույքի արժեքի 1 տոկոսի չափով: Եվ դա պետք է վերաբերեր ոչ միայն անշարժ, այլ նաև շարժական գույքին: Երկու-երեք տարի հետո այդ գումարով էապես պետք է բարելավվեր համայնքների ինֆրաստրուկտուրան և բնակֆոնդը: Դրանից հետո միայն, երբ մարդիկ տեսնեին արված գործը, հասկանային, որ գումարները պարզապես բյուջե լցնելու համար չեն, կարելի էր քայլ առ քայլ բարձրացնել գույքահարկը: Այստեղ նույնպես ճկունություն էր անհրաժեշտ: Մինչև 1990 թվականը պետությունից ստացված գույքը ուրիշ դրույքաչափով պետք է հարկվեր, իսկ այդ թվականից հետո ձեռք բերվածը՝ ուրիշ դրույքաչափով:

Եթե անգամ վաղը ավարտվի կորոնավիրուսի վարակը, և աշխարհը վերադառնա բնականոն կյանքի, տարիներ են անհրաժեշտ, որ տնտեսությունը վերադառնա մինչկորոնավիրուսային ցուցանիշներին: Հաշվի առնելով Հայաստանի տնտեսության կառուցվածքը՝ Հայաստանին բավական ժամանակ է պահանջվելու, որ քաղաքացիները վերադառնան եկամուտների ստացման նույն մակարդակին, ինչ կար մինչև 2020 թվականի մարտ ամիսը:

Իշխանության բախտը միայն մեկ հարցում բերեց: Հակառակ կողմը օգտագործեց քաղքենի՝ բնիկ երևանցի հեշթեգը, և իշխանությունը հմտորեն բանավեճը տեղափոխեց լրիվ ուրիշ դաշտ, որը որևէ կապ չուներ գույքահարկի շեշտակի բարձրացման և սոցիալական լարվածություն ստեղծելու հետ:

Երբեմն տպավորություն է ստեղծվում, որ կառավարության տնտեսական բլոկի ներկայացուցիչները մտահոգ են ռևանշիստների մարդկային սուղ ռեսուրսներով: Եվ ստիպված անում են քայլեր, որ նախկինները կարողանան հեշտորեն հավաքագրել նոր ռեկրուտներ:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան, գույքահարկ


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Տիկին կոշկակարը




































Ստոպ-կադր
Ստոպ-կադր
04.07.2020 / 474