ԱԺ նախկին պատգամավոր Սամվել Ֆարմանյանը ֆեյսբուքյան իր էջում գրում է.
«Նամուս ունեցող իշխանությունը ներողություն կխնդրեր Արծվիկ Մինասյանից նման ստոր մանիպուլյացիայի և կեղտոտ ստոպ կադրի համար»:
«ՉԻ». Հիշեցնենք՝ խոսքը հայտնի լուսանկարի մասին է, երբ կառավարության անդամների երդմնակալության ժամանակ ՀՅԴ ներկայացուցիչ Արծվիկ Մինասյանը կռանում է մինչև գոտկատեղ և այդպես շնորհակալություն հայտնում Նիկոլ Փաշինյանին ու Արմեն Սարգսյանին՝ իրեն նախարար նշանակելու համար:
Այսինքն, ըստ Ֆարմանյանի, նախագահը և վարչապետն են մեղավոր, որ Մինասյանն իրեն ստորացնելու գնով փորձել է շողոքորթել նրանց: Իսկապես երկաթյա տրամաբանություն ունի Միշիկի տեղապահներից մեկը նրա մեդիա կայսրությունում:
Բայց Ֆարմանյանը երիտասարդ է և պետք է հիշի, որ մի բան դատապարտելուց առաջ կարելի է նաև աչքի պոչով անցկացնել սեփական ղեկավարի հետագիծը: Արծվիկ Մինասյանն առանձնապես գեր չէ և նրա համար դժվար չէր կռանալը: Այլ էր ԵՊՀ նախկին ռեկտորի պարագան: Արամ Սիմոնյանի համար՝ հաշվի առնելով նրա ֆիզիկական տվյալները, շատ դժվար էր նույն գործողությունը անել Սերժ Սարգսյանի առջև: Ֆարմանյանը այդ ժամանակ զբաղեցնում էր Սարգսյանի խոսնակի պաշտոնը և կարող էր կանխել այդ լուսանկարի պաշտոնական հրապարակումը: Բայց չի արել և այսօր իրեն թույլ է տալիս նման բարոյախրատական գրառումներ անել: Ահա այն ամենը, ինչ պետք է իմանալ փեսու պրոտեժեների այսօրվա մանիպուլյացիաների մասին: