Քաղաքական
31.05.2020 / 16:00
Ձեռագրերը չեն այրվում
31.05.2020 / 12:00
Լուր-մեկնաբանություն
31.05.2020 / 11:00
Երազահան
31.05.2020 / 10:00
Աստղագուշակ
30.05.2020 / 22:00
01.10.2019   21:00
2643

Պուտինը չեկավ, չէ՞


Ահա և եկավ հոկտեմբերի 1-ը: Աշնանային գեղեցիկ մի օր, երբ Ռուսաստանի նախագահ Պուտինը ոչ մի դեպքում չպետք է լիներ Երևանում: Չէ՞ որ հայաստանյան լրատվամիջոցների Կրեմլյան աղբյուրները 6 ամիս շարունակ հավաստիացնում էին՝ Պուտինը ասել է. «եթե իմ ընկեր Ռոբերտը չլինի ազատության մեջ, ես ոչ մի դեպքում ոտք չեմ դնի Հայաստան»: Վերջին 10 օրը «աղբյուրները» մի փոքր փոխեցին հռետորաբանությունը՝ «չի բացառվում, որ կգա, բայց հաստատ չունի առանձին հանդիպելու մեկի հետ, որն անազատության մեջ է պահում իր ընկեր Ռոբերտին»:

Հոդվածի թեման Պուտինի այցը չէ: Այն ոչ պատմական է և ոչ էլ էական ազդեցություն է ունենալու հայ-ռուսական հարաբերությունների վրա: Ֆորմալ աշխատանքային կոլեկտիվ այց է, որի նպատակը մեկն է՝ ցուցադրել աշխարհին՝ Ռուսաստանը  դեռ չի պատրաստվում անջատել ԵԱՏՄ-ի արհեստական շնչառությունը: Այն դեռևս իրեն անհրաժեշտ է իբրև կռվան գեոպոլիտիկի համատեքստում:

Հարցը հայկական լրատվամիջոցներն են: 10 տարի Միքայել Մինասյանը հնարավոր բոլոր միջոցներով ապականեց լրատվական դաշտը: Նրա բարձր քավորությամբ դաշտ ներմուծվեցին տասնյակ լրատվականներ, որոնց միակ նպատակը մանիպուլյացիան էր և Սարգսյանի քաղաքական հակառակորդների վրա ցեխ շպրտելը: Հեղափոխությունից հետո հույս կար, որ դաշտը կառողջանա, գովազդային շուկան կազատականանա և լրատվամիջոցները կթոթափեն առաջին փեսայի և օլիգարխների լուծը: Բայց տեղի ունեցավ հակառակը: Ելնելով իր մեղադրյալի, իսկ այնուհետև ամբաստանյալի կարգավիճակից՝ մեդիա դաշտ ներխուժեց Ռոբերտ Քոչարյանը: Ներխուժեց իրեն բնորոշ հատկանիշներով: Սկսեց աջուձախ գնել լրատվամիջոցներ և ստիպել զբաղվել լրատվամիջոցին հարգանք չբերող գործունեությամբ: Եթե Միքայել Մինասյանի ժամանակներում, նրա ազդեցության տակ գտնվող  լրատվամիջոցները կատարելով հանդերձ պատվերներ, խորշում էին այնպիսի լրատվության տիրաժավորմամբ, որ փաստերով արագ հերքվելու էր, ապա Քոչարյանին դա բացարձակապես չի հետաքրքրում: Նրան չի հետաքրքրում գնված լրատվամիջոցների հեղինակությունը և այնտեղ աշխատող լրագրողների մասնագիտական պատիվը: Ինչպես ընթերցողը հավատա լրատվամիջոցին, որը 6 ամիս «երդվում էր», թե Պուտինը չի գալու Հայաստան, քանի Քոչարյանը ազատության մեջ չէ: Ինչպես ընթերցողը հավատա լրագրողին, որ ինքնասպանությանը ներկա ականատեսը չի ունեցել որևէ այլ մտահոգություն կամ գործ, քան արագ զանգահարելը լրագրողին: Քոչարյանին չի հետաքրքրում լրատվամիջոցի հեղինակությունը, քանի որ ընդամենը 1-2 ժամ հետո վկան ցուցմունք է տալու այն մասին, որ ոչ մեկին էլ չի զանգահարել: Պատվիրատուին, ի դեմս՝ Քոչարյանի, անհրաժեշտ է այսրոպեական արդյունքը: Ինքը տիրապետում է այնքան ֆինանսական ռեսուրսների, որ ցանկացած նմանատիպ լրատվական դիվերսիայի համար կարող է վճարել հերթական լրատվամիջոցի անխուսափելի հեղինակազրկմամբ: Վաղը կգնի հաջորդ լրատվամիջոցը՝ հաջորդ դիվերսիայի համար: Եթե մի փոքր այլաբանորեն ասենք, ապա Քոչարյանը լրատվական ջիհադ է հայտարարել հայ ժողովրդին, իսկ նրա հանձնարարությունները կատարողները ջիհադի զինվորներն են:

Քանի որ իշխանությունը չի պատրաստվում պայքարել լրատվական տեռորի դեմ, միակ հույսը մնում է ընթերցողի մեդիագրագիտության բարձրացումը: Ինքնուրույն պետք է տարբերակեն դիվերսանտին լրագրողից:

Արիս Վաղարշակյան
 



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















«ՉԻ» ռիթմով
«ՉԻ» ռիթմով
11.05.2020 / 2649










«ՉԻ» ռիթմով
«ՉԻ» ռիթմով
04.05.2020 / 2280













Թիմ չի, մուրազ է








Գործակալ 00
Գործակալ 00
02.05.2020 / 1825