Չորեքշաբթի 08.07.2020 03:42

Լուր-մեկնաբանություն
07.07.2020 / 22:00
Քաղաքական
07.07.2020 / 21:00
Լուր-մեկնաբանություն
07.07.2020 / 20:30
Քաղաքական
07.07.2020 / 20:00
Հարցազրույց
07.07.2020 / 19:00
Լուր-մեկնաբանություն
07.07.2020 / 17:30
22.06.2020   20:00
498

Քաղաքական իշխանությունից դժգոհելու հերթը իրավապահ մարմիններինն է


Առնվազն 1.5 տարի է, ինչ մենք լսում ենք, որ երկրի քաղաքական ղեկավարությունը և Նիկոլ Փաշինյանը մասնավորապես դժգոհ են իրավապահ համակարգի աշխատանքից: Հատկապես դժգոհ են կոռուպցիոն հանցագործությունների բացահայտման քանակից, տեմպից ու որակից:

Բայց, թերևս ժամանակն է, որ իրավապահ մարմինները և քննչական ծառայությունները մասնավորապես դժգոհեն քաղաքական իշխանությունից: Դժգոհեն, որ իրենք հանցագործություններ են բացահայտում, քաղաքական և տնտեսական կոռուպցիայի մեծածավալ դրվագներ են ի հայտ բերում, բայց քաղաքական իշխանությունը չի ապահովել այնպիսի մթնոլորտ, որպեսզի դատարանները չվիժեցնեն այդ հանցագործությունների հետագա բացահայտումը և դատապարտումը:

Պատկերացնենք՝ վաղը ընտրություններ են: Գործող իշխանությունը հիշեցնելու է, որ նախկինները հանցագործ էին, թալանչի, կոռուպցիոներ և այդպես շարունակ: Նախկինները կարող են շատ հանգիստ հակադարձել՝ ո՞ւր են դատավճիռները: Երկու տարուց ավել է, իշխանություն եք, ինչո՞ւ դատարանով չի ամրագրվել մեր հանցագործ լինելը:

Նախկին իշխանությունները իրենց ակտիվում ունեին մի քանի հանցագործություն, որոնց վերաբերյալ հասարակությունը կասկածներ չուներ: Միակ խնդիրն այն էր, որ քանի նրանք իշխանություն են, այդ հանցագործությունների համար պատիժ չեն կրի:

Մինչև 2018 թվականը հասարակության գերակշիռ մասը չէր կասկածում, թե ով է իրականացրել Հոկտեմբերի 27-ը և Մարտի 1-ը: Հասարակությունը չէր երկմտում՝ կեղծում են ընտրությունները, թե ոչ: Հասարակությունը համոզված էր, որ ապրիլյան պատերազմից առաջ այնքան են թալանել բանակը, որ նաև դա է 120 երիտասարդի զոհվելու պատճառ հանդիսացել:

Բայց երկու տարի անց ոչինչ չի արվել Հոկտեմբերի 27-ի գործը անգամ մի փոքր տեղից շարժելու համար:
Մարտի 1-ի մասով կան մեղադրյալներ, բայց բուն դատավարությունը չի էլ սկսվել: Իսկ բացահայտումների մասով կան ընդամենը չնչին ձեռքբերումներ: Օրինակ 0038 հրամանի մասին մինչև հեղափոխությունն էլ հայտնի էր և միակ բացահայտումը թերևս մատյանի ձեռքբերումն է, որն ապացուցում է՝ ում ինչքան փող է բաժանվել:

Ապրիլյան պատերազմի մասով քննիչ հանձնաժողովը ավելի շատ սպիտակեցնում և արդարացնում է Սերժ Սարգսյանին, քան բացահայտում հանցագործների գործողությունները և անգործությունը:

Իսկ ընտրությունների մասով՝ Ծառուկյանի դեպքից հետո, իմաստ էլ չունի անդրադառնալ ամենամեծ ընտրակեղծարար ուժին՝ ՀՀԿ-ին և այդ ոլորտում նրա բազմափորձ ղեկավար Սերժ Սարգսյանին:

Նախկին իշխանությունները անգամ ամենալավ երազում չէին կարող պատկերացնել, որ կարող են մաքրվել այդ հանցագործություններից: Չենք պնդում, որ մաքրվել են, բայց լուրջ կռվաններ են ձեռք բերել վիճարկելու իրենց մեղսագրվող հանցագործությունները:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Տիկին կոշկակարը




































Ստոպ-կադր
Ստոպ-կադր
04.07.2020 / 474