Չորեքշաբթի 01.12.2021 07:33

16.10.2021   11:00
2784

Ռոբերտ Քոչարյանի երազը


Տրամադրությունը բարձր է. վերջապես ԺԵԿ-ից տեղեկանք է հանել առ այն, որ ինքը վերջին 10 տարում Հայաստանում մշտապես ընդդիմություն է եղել: Հիմա գնում է Նիկոլ Փաշինյանի հետ բանակցությունների՝ Հայաստանի քաղաքական դաշտի սահմանազատման գործընթացն ավարտելու համար:

Ճանապարհին զանգում է քարտուղարին. «Հը, Արմենչիկ, ի՞նչ արիր»: «Շեֆ ջան,- պատասխանում է քարտուղարը,- սաղ նորմալ է: «Տոյոտա Ինշուրանսի» 25 տոկոսը նվիրաբերեցինք կառավարությանը»:

«Բա Առուշի մասո՞վ»,- հարցնում է ինքը: «Սաղ գծի մեջ է: Իրեն բաց կթողնեն: Ահագին գործ են արել տղերքը Գորիսում. 8 հոգու ծեծել են, երկու շտաբ են գմփցրել»:

Այդ պահին Վիկտորն է զանգում. «Շեֆ, մի քիչ առաջ Սերժը ելույթ է ունեցել»: «Յա, ի՞նչ ա ասել»: «Ասել ա, կարևորը Նիկոլին տապալելն ա, մնացածը կարևոր չի»:

«Ո՞նց թե կարևոր չի, հենց հիմա մի հատ ասուլիս հրավիրի «Կոնգրես» հյուրանոցում, ես դրա պատասխանը տամ»:

«Եղավ, շեֆ ջան: Մենակ մերոնց ասե՞մ, որ գան լուսաբանեն»:

«Հա, բա ի՞նչ»:

Էլի են զանգում, այս անգամ Արթուր Ղազինյանն է. «Շեֆ ջան,- նեղված ասում է Արթուրը,- էլի մերժեցին թեկնածությունս, արդեն 147-րդ անգամ»:

«Ոչինչ,- անվրդով պատասխանում է ինքը,- աստված սուրբ հարյուրքառասունութերորդություն է սիրում»:

«Բայց շեֆ ջան, էլի չեն ընտրելու, դրա պատճառով արդեն 5 ամիս է, պարգևավճար չեմ ստանում, 3 ամիս էլ՝ հավելավճար»:

«Արա, էդ ո՞ւմ ես տենց քաշել, մենակ փողից ես խոսում»,- զայրանում է ինքն ու անջատում հեռախոսը:

Հասնում է Աբովյան փողոց, մի կին մոտենում է իրեն, ասում. «Ես բախտագուշակ եմ, կուզե՞ս, ձեռքիդ նայեմ, բախտդ բացեմ»: 

«Թեկուզ, ի՞նչ ա եղել որ, հլը ասա, տենամ»:

Կինը բացում է իր ձեռքի ափը, վերնաշապիկի թևքը մինչև ուսը բարձրացնում, ուշադիր նայում է ու հարցնում.

«Պատվաստված ե՞ս»:

«Հա, ինչի՞»:

«Իսկ դու գիտե՞ս, որ ով պատվաստվում է, համասեռամոլ է դառնում»,- բացատրում է բախտագուշակը:

«Էդ ո՞նց որ»,- զարմանում է ինքը: 

«Բա, չեք նայո՞ւմ իմ ասուլիսները ձեր կայքերում»,- պատասխանում է բախտագուշակը: 

Ինքը ուշադիր նայում է բախտագուշակին ու հազիվ տեղն է բերում Մարինա Խաչատրյանին:

«Թո՜ւ, բա շուտ ասեիր,- թևաթափ եղած, ասում է ինքը,- լավ, ոչինչ, հեսա գնամ տեղեկանք հանեմ, որ վերջին 10 տարում պատվաստված չեմ եղել»: 

Արթնանում է պոլիկլինիկայի հերթերում:



 Պիտակներ

         Նիկոլ Փաշինյան, Արմեն Գևորգյան, Մարինա Խաչատրյան, Վիկտոր Սողոմոնյան, Ռոբերտ Քոչարյան, Արթուր Ղազինյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները