13.09.2019   18:00
4205

Շանտաժ


Երեկվա դատական նիստի թոհուբոհի մեջ մի տեսակ աննկատ անցավ հայտարարությունը, որ արեց գլխավոր մեղադրյալ Քոչարյանը: Առաջին պլան եկան Քոչարյանի աջակիցների լկտի պահվածքը և ոստիկանության անգործությունը: Մինչդեռ, եթե դատավարությունը շարունակի գնալ ոչ Քոչարյանի սրտով, հնչեցված հայտարարությունը զարգանալու է և նոր հորիզոններ է բացելու:

Խոսքը Քոչարյանի հետևյալ հայտարարության մասին է. «10 տարի ես իշխանություն չեմ ունեցել: Թող քննչական մարմինները գործը նորմալ քննեին: Եթե չեն արել, առաջնահերթ նրանց է պետք դատել»: Այս հայտարարությունը միայն առաջին հայացքից է, որ թիրախավորում  է Աղվան Հովսեփյանին և Գևորգ Կոստանդյանին: Այս հայտարարության իրական հասցեատերը Սերժ Սարգսյանն է: Եվ կարելի է միանշանակ պնդել, որ մեսիջը շատ արագ տեղ հասավ: Երիտհանրապետականները սկսեցին ֆեյսբուքում տարածել իրենց նկարները Ռոբերտ Քոչարյանի հետ՝ փորձելով աջակցության ֆոն ստեղծել: Քոչարյանը դեռ սպասում է՝ հույս ունենալով, որ ինչ-որ կերպ կկարողանա խույս տալ դատավարությունից: Բայց նա երեկ հստակորեն հասկացրեց, որ չի պատրաստվում միայնակ խեղդվել և իր հետ չի քաշել փոքր ձկների, այլ բռնելու է ամենամեծ ձկանը:

Սերժ Սարգսյանն, իր հերթին, չի ցանկանում, որ Քոչարյանը դատապարտվի՝ հասկանալով դրա հետևանքները առաջին հերթին իր համար: Բայց կա խնդրի նաև երկրորդ կողմը: Դատապարտել չցանկանալը դեռ չի նշանակում, որ Սերժ Սարգսյանը ցանկանում է Քոչարյանի ուժեղացում և քաղաքական հայտի ներկայացում: Քոչարյանին, թերևս, ամենից լավ ճանաչում է Սարգսյանը: Եվ նա գիտակցում է, թե Քոչարյանի վերադարձն ինչ վտանգներով է հղի իր և իր մտերիմ շրջապատի համար: Նրանք, միգուցե, ավելի տուժեն Քոչարյանի վերադարձից, քան գործող իշխանությունները: Քոչարյանն առաջնահերթ Սարգսյանին ու Միքայել Մինասյանին է մեղադրում ստեղծված իրավիճակի համար: Պատահական չէ, որ Քոչարյանի ազդեցության տակ գտնվող լրատվամիջոցները և քաղաքագետները հեղափոխության նախնական փուլում ողջունում էին հեղափոխությունը և Սարգսյանի հրաժարականը: Այդ հետո էր, որ 180 աստիճան փոխեցին դիրքորոշումը, որովհետև ոչ միայն չկարողացան վերցնել իշխանությունը, այլ նաև հեղափոխությունը սկսեց սպառնալ անձնապես պատրոնին:

Հ.Գ. Երեկ Քոչարյանը չողջունեց Սեյրան Օհանյանին և ևս մեկ անգամ ցուցադրեց իր հիշաչարությունն ու ոխակալությունը: Եվ դա արեց դեռ շատ դժվար վիճակում գտնվելով հանդերձ: Ինչ կլինի, եթե նա հայտնվի ձիու վրա, կարելի է միայն պատկերացնել: Առաջնահերթ չեն ներվելու բոլոր նրանք, ովքեր, իր պատկերացմամբ, պարտական են իրեն՝ հարստանալու և պաշտոնական առաջխաղացման համար:

Արիս Վաղարշակյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Արիս Վաղարշակյան, Ռոբերտ Քոչարյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին, լա՞վ եք
Տիկին, լա՞վ եք
22.04.2021 / 1517































Ցինիկ և տխմար
Ցինիկ և տխմար
13.04.2021 / 586






Ստոպ-կադր
Ստոպ-կադր
11.04.2021 / 557







Совет да любовь