Երեքշաբթի 25.02.2020 22:49

Լուր-մեկնաբանություն
25.02.2020 / 21:00
Քաղաքական
25.02.2020 / 20:00
Լուր-մեկնաբանություն
25.02.2020 / 19:00
Տնտեսական
25.02.2020 / 17:30
Լուր-մեկնաբանություն
25.02.2020 / 16:00
Լուր-մեկնաբանություն
25.02.2020 / 15:30
04.02.2020   09:00
2352

Սկսեք ռազմական ակադեմիայից


Երկու օր առաջ հերթական մահը գրանցվեց բանակում: Հարազատները չցանկացան հաշտվել պաշտոնական վարկածի հետ և փորձեցին զինվորի դին տեղափոխել Երևան: Իշխանությունը, տեսնելով զինվորի հարազատների վճռականությունը, շատ արագ փոխեց ինքնասպանության նախնական վարկածը: Հաղորդագրություն տարածվեց, որ դեպքի առթիվ կան ձերբակալվածներ և նրանցից մեկը ԱԺ նախկին պատգամավոր Առաքել Մովսիսյանի (Շմայս) որդին է: Միայն դրանից հետո հարազատները համաձայնեցին վերադառանալ Արմավիր և հողին հանձնել զինվորի դին:

Մեծ հավանականությամբ հերթական անգամ ունենք քրեական բարքերի արդյունքում զինվորին ինքնասպանության հասցնելու իրողություն: Եվ ժամանակն է, որ այդ բարքերը կրող զինվորների հետ մեկտեղ պատասխանատվության կանչվեն նաև սպաներ, որոնք կամ աչքաթող են արել կամ էլ խրախուսել են այդ բարքերի բարգավաճումը իրենց զորամասերում:

Շատ հաճախ կարելի է լսել, որ բանակը չէ միայն մեղավոր և շատ դժվար է ընտանիքներում ու դպրոցներում վատ դաստիարակություն ստացածներից միանգամից կերտել օրինապահ զինվորների: Ասվածի մեջ, իհարկե, կա ճշմարտություն: Բայց բանակը նույնպես չպետք է իր վրայից հանի պատասխանատվությունը և փորձի սպայական կազմի միջից նույնպես արմատախիլ անել քրեական ենթամշակույթը:

18 տարեկան երիտասարդը բանակ զորակոչվելու փոխարեն ընտրում է սպայի կարիերան և պետք է 5 տարի ուսանի զինվորական համալսարանում: Եվ բացի ռազմական գիտելիքներից պետք է ստանա նաև այնպիսի հմտություններ, որոնք նրան թույլ կտան լինել դրական իմաստով հեղինակություն գրեթե իր հասակակիցների շրջանում: Մինչդեռ դրա փոխարեն զինվորական ակադեմիայում ունենք գրեթե նույն բարքերը, ինչ շարքային զորամասում: Ապացույցը՝ բազում քրեական պատմությունները այդ համալսարանից: 

Բանակում կարգուկանոն հաստատելը առաջնահերթ պետք է սկսվի Վազգեն Սարգսյանի անվան ռազմական ակադեմիայից: Հեղափոխությունից հետո հույս կար, որ հենց այդ ուղղությամբ կշարժվեն իշխանությունները: Մինչդեռ, բոլորի համար անակնկալ ռազմական ակադեմիայի պետ նշանակվեց Խաչատուր Խաչատրյանը: Մեկը, որը լայն հասարակությանը հայտնի դարձավ 2017 թվականի խորհրդարանական ընտրությունների արդյունքում, երբ Նորքի 6-րդ զանգվածում «տասովչիկություն» էր անում հանրապետական կուսակցության թեկնածուի համար:

Ինչպես տասովչիկ դպրոցի տնօրենը, այնպես էլ տասովչիկ ակադեմիայի պետը չեն կարող դաստիարակել օրինապահ և քրեական բարքերից հեռու զինվորի: Երկրի և բանակի ղեկավարությունը պետք է վերանայեն այդ ուսումնական հաստատության նկատմամբ իրենց կադրային քաղաքականությունը:

Արիս Վաղարշակյան



 Պիտակներ

         Արիս Վաղարշակյան




Գովազդ
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


















































Ստոպ-կադր
Ստոպ-կադր
03.02.2020 / 3303