Լուր-մեկնաբանություն
29.05.2020 / 22:00
Լուր-մեկնաբանություն
29.05.2020 / 20:30
Սատիրիկոն
29.05.2020 / 20:00
Լուր-մեկնաբանություն
29.05.2020 / 19:00
09.10.2019   13:40
1677

Ստատուս-քվոյի պահպանումը վտանգավոր է


Հեղափոխության իրականացման ժամանակահատվածում կարելի էր տպավորություն ստանալ, որ արցախյան էլիտան հետևություններ է արել նախկին սխալներից և ցանկություն չունի այլևս իրեն կապել Քոչարյանի ու Սարգսյանի սայլին: Բակո Սահակյանը և մյուսները ամբողջ այդ ժամանակահատվածի ընթացքում բավական զուսպ ու հեզ էին իրենց պահում: Բայց կոռուպցիայի դեմ սկսված պայքարը և հատկապես Ռոբերտ Քոչարյանի կալանավորումը ստիպեց հասկանալ, որ արցախյան էլիտա  ասվածն ընդամենը շշկռված էր և ցանկություն կամ հնարավորություն չունի ձերբազատվելու վերոհիշյալ երկու գործիչների խնամակալությունից:

Հրապարակային առաջին դեմարշը տեղի ունեցավ անցյալ տարվա օգոստոսին, երբ Արցախի ԱԺ-ի կեսից ավելին հայտարարություն տարածեց, որտեղ դատապարտեց Քոչարյանի կալանավորումը: Այնուհետև սոցիալական ցանցերում բուռն գործունեություն սկսեցին ծավալել Արցախի գեներալիտետը և չինովնիկական դասը: Նրանք ոչ միայն քննադատում էին Հայաստանի իշխանություններին, այլև գրեթե բաց տեքստով վիրավորում ու սպառնում էին նրանց: Նրանցից առավել արմատականները չէին խորշում վիրավորանքներ հասցնել նաև հայաստանցիներին:

Զորօրինակ, տխրահռչակ Բելլա Լալայանը, որը, լինելով չինովնիկ, բացահայտ ծաղրում էր Հայաստանում ապրողներին: Այդ կարգավիճակում նա պաշտոնավարեց շուրջ մեկ տարի, և միայն այս տարվա մայիսին Բակո Սահակյանը նրան պաշտոնանկ արեց: Բայց նա շարունակում է նույն ձեռագրով գործունեությունը և գաղտնիք չէ, թե ինչ սերտ կապերի մեջ է Արցախի նախագահի հետ:

Այդ ամբողջ ընթացքում Հայաստանի իշխանությունները միայն մեկ անգամ արձագանքեցին: Խորհրդարանական ընտրությունների քարոզարշավի ժամանակ Փաշինյանը հայտարարեց, որ Արցախի ղեկավարությունը պետք է կարգի հրավիրի չափն անցած գործիչներին: Եվ բավարարվեց միայն այդքանով:

Ինչպես հայտնի է՝ լկտիության ժամանակին չսանձազերծումը բերում է էլ ավելի վատ հետևանքների: Եվ ամենևին զարմանալու չէր, որ Բակո Սահակյանը և Արկադի Ղուկասյանը հանդգնեցին գալ Երևան և միջնորդել Քոչարյանի ազատության համար: Ակնկալվում էր, որ դրանով նրանք կլցնեն Հայաստանի իշխանության համբերության բաժակը: Բայց՝ ոչ: Փաշինյանը միայն հայտարարեց, որ բարոյական հարթությունում խնդիրներ չի տեսնում, այլ միայն իրավական մասով կան խնդիրներ: Մինչդեռ Արցախի երկու նախագահները արհամարհել էին հայ ժողովրդի մեծամասնության տեսակետները: Եվ հիմա Վիտալի Բալասանյանը բացահայտ սպառնում է բոլոր նրանց, ովքեր դեմ են իրենց խմբակին:

Պետք չէ զարմանալ այդ մարգինալ խմբի լկտիությունից: Պետք է հասկանալ՝ ո՞վ է մեղավոր ստեղծված իրավիճակում և ովքե՞ր պետք է կանխեին այս զարգացումները:

Մեղավորը միանշանակ Հայաստանի իշխանությունն է և մասնավորապես վարչապետ Փաշինյանը:

Չէր կարելի թույլ տալ, որ հեղափոխական Հայաստանի կողքին ձևավորվի հակահեղափոխական Վանդեյա: Հայաստանը պարզապես չունի այդ ռեսուրսը: Չէր կարելի թույլ տալ, որ բազում հանցագործություններ կատարած Արցախի իշխանությունները շարունակեն նույն կերպ պաշտոնավարել, իբր, ոչինչ էլ չի պատահել:

Ստեփանակերտի հանրահավաքը ցուցադրեց, որ Արցախի ղեկավարությունը, մեղմ ասած, չի վայելում արցախցիների համակրանքը: 

Հայաստանի իշխանությունը պետք է սկսի գիտակցել, որ ներկայիս ստատուս-քվոն սպառնալիք է ոչ միայն իրենց իշխանությանը, այլ նաև Արցախին և Հայաստանին:

Արագ, համարժեք և խիստ քայլերի բացակայությունը կարող է վատ հետևանքներ ունենալ բոլորիս համար:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















«ՉԻ» ռիթմով
«ՉԻ» ռիթմով
11.05.2020 / 2564










«ՉԻ» ռիթմով
«ՉԻ» ռիթմով
04.05.2020 / 2209












Թիմ չի, մուրազ է








Գործակալ 00
Գործակալ 00
02.05.2020 / 1756