Հինգշաբթի 02.07.2020 09:21

Քաղաքական
01.07.2020 / 22:00
Քաղաքական
01.07.2020 / 21:00
Սատիրիկոն
01.07.2020 / 20:00
Տնտեսական
01.07.2020 / 19:30
06.06.2020   09:30
2631

Վիճակը նետված է. քայլը իշխանություններինն է


ԲՀԿ քաղաքական խորհուրդը հրատապ նիստ է հրավիրել, որտեղ կուսակցության նախագահ Գագիկ Ծառուկյանը, հայտարարել է. «Այսօր տեսնելով այս ձախողումները, լիարժեք կարող եմ ասել, որ կառավարության ոչ թե 97, այլ 100 տոկոսը պետք է փոխվի, որովհետև բոլոր ոլորտները ձախողված են»:

Ըստ էության, շղթան փակվեց: Քաղաքական այն ուժերը, որոնք 20 տարի իշխել են Հայաստանում. լինեն դրանք իշխանության կուսակցություններ, լինեն՝ դրանց սպասարկող «ընդդիմադիր» ուժեր, իշխանափոխություն կամ հեղաշրջում իրականացնելու գործընթացում, միավորվեցին:  

Եկեք տեսնենք, թե ովքեր են այսօր պահանջում իշխանությունների հրաժարականը. Սերժ Սարգսյանի կողմից ղեկավարվող ՀՀԿ-ն, Գագիկ Ծառուկյանի կողմից ղեկավարվող ԲՀԿ-ն, «չգիտենք ում կողմից» ղեկավարվող «Լուսավոր Հայաստանը», «էլ ավելի չգիտենք ում կողմից» ղեկավարվող «Հայրենիք» կոչվող կուսակցությունը, այսինքն՝ Արթուր Վանեցյանը, բազմաթիվ կողմերով ղեկավարվող ՀՅԴ-ն, քոչարյանական աղբյուրներից սնվող կառույցները՝ «Վերնատուն», հաճախորդներ, իշխանական կերակրատաշտից դուրս մնացած գործիչներ:

Ի՞նչ ունեն այս ուժերը, որ այսպես բաց խաղաքարտերով են արդեն հայտարարել իշխանափոխության գործընթացի մասին: 

Կապիտալ. տասնյակ տարիներ այս ուժերը իրենց ձեռքում են կենտրոնացրել երկրի կապիտալի 70-80 տոկոսը: Այսինքն, ունեն հսկայական ռեսուրսներ: Դա իր մեջ ներառում է հարյուրավոր ձեռնարկություններ, օբյեկտներ, բանկեր, անշարժ գույք: Հեղափոխությունից հետո այդ կապիտալը նրանց գործնականում հաջողվել է պահպանել: 

Մեդիադաշտ. այստեղ էլ, այս ուժերը վերահսկում են ոլորտի նույնպես մի 80 տոկոսը: Եթե ոչ ավելին: Բոլոր հեռուստաընկերությունները, երկրի խոշորագույն ինտերնետային ռեսուրսները, այդ ամենը՝ հագեցած տեխնիկայի ամենավերջին խոսքով, նրանց ձեռքում է: Սրա շնորհիվ արդեն երկու տարի կատաղի հակաքարոզչություն է իրականացվում իշխանությունների դեմ, կիրառվում են մանիպուլյացիայի և ապաքարոզչության բազմապիսի գործիքներ, և դա արվում է ոչ թե հախուռն կերպով, այլ՝ շատ լավ մշակված, հստակ ուղեցույցներով, հետևողական և նույնատիպ մեխանիզմներով: Նույն այս ուժերը նաև իրենց վերահսկողության տակ ունեն քաղաքական տեխնոլոգների, PR-շիկների, բլոգերների, սոցցանցերում տեղեկատվություն տարածող և դրանք մեկնաբանող ֆեյքերի մեծ բանակ: 

Մարդկային ռեսուրս. սա այս ուժերի ամենաթույլ տեղն է: Չնայած այդ կատաղի հակաքարոզչությանը, իշխանություններին մեթոդաբար սևացնելու քաղաքականությանը, այնուամենայնիվ, հանրության աջակցություն այս ուժերը չեն վայելում: Շատ պարզ պատճառով. մարդիկ 20 տարի տեսել են, թե սրանք ինչով են զբաղված եղել և ինչի են ընդունակ: 

Արտաքին ռեսուրս. սա այս ուժերի ամենաուժեղ կողմն է: Հաշվի առնելով, որ այս ուժերը անհրաժեշտ ներքին աջակցություն երբեք չեն ունեցել, ներքաղաքական հարցերում միշտ էլ ապավինել են արտաքին ուժերին և միշտ սպասարկել են նրանց՝ իշխանության համար պայքարում: Եվ դա արել են մեր պետականության և ազգային անվտանգության հաշվին: Սկսած երկրի ստրատեգիական նշանակության բոլոր ոլորտները իրենց աջակցող դրսի ուժերի տրամադրության տակ դնելով, վերջացրած՝ Հայաստանը արտաքին հարաբերություններում մանրադրամ դարձնելով: Վստահաբար, բոլոր այս ուժերը արտաքին ազդակներ են ստացել, որ այսպես բաց տեքստով են արդեն հայտարարում իշխանության դեմ լայնածավալ հարձակում սկսելու մասին: 

Իսկ ի՞նչ ունի իշխանությունը. միայն մարդկային ռեսուրս: Բայց դա չափազանց քիչ է: Երկու տարվա ընթացքում իշխանություններին այդպես էլ չհաջողվեց մարդկային այդ ռեսուրսը, որը անվերապահորեն աջակցում էր իրեն, ճիշտ օգտագործել: Իշխանությունների վարանոտ, երերուն, պաթոսով և հախուռն գործողություններով լի քաղաքականությունը թույլ տվեց նախկին ռեժիմին ուշքի գալ, սթափվել, ուժ հավաքել և այսօր արդեն նաև միավորվել: Բազմաթիվ բացթողումներ եղան, որոնք աններելի էին: Այն բարեփոխումներն ու քայլերը, որոնք պետք է արվեին երկու տարի առաջ, այդպես էլ մնացին օդում: Դատական և քաղաքական համակարգի բարեփոխումներն իրականացնելու դեպքում երկիրը կթևակոխեր նոր փուլ, որտեղ ռևանշիստական ուժերի համար այլևս տեղ չէր լինի: 

Իսկ հիմա Հայաստանը մտնում է շատ վտանգավոր մի փուլ. ակնհայտ է, որ ռևանշիստական, հակահեղափոխական ուժերի, դրսից սպասարկվող մարգինալների ախորժակը բացվել է և նրանք միայն իշխանափոխության կոչերով չեն բավարարվի: Հետաքրքիր է, էլ ի՞նչ պետք է լինի, որ իշխանությունները վերջապես դադարեն երբեմն մանկամտության հասնող գործերով զբաղվել, թարգեն այս աղջկա լուսանկարը հրապարակել, այն տղամարդու քիթը ցույց տալով: Իրենց շատ լուրջ ուժեր շատ լուրջ մարտահրավեր են նետել: Եթե չսթափվեն, եթե չգիտակցեն, թե ինչ է սպառնում իրենց և մեր երկրին, ապա նրանց տխուր և դաժան վերջաբան է սպասվում: 

Հ.Գ. Ու այս ամենը՝ կորոնավիրուսի մոլեգնող պանդեմիայի ընթացքում: Այսինքն, իշխանությունները մի պատերազմից բացի, կարող են երկրորդը ստանալ:  



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Գագիկ ծառուկյան, Արթուր Վանեցյան, «Վերնատուն», ՀՀԿ, ՀՅԴ, «Լուսավոր Հայաստան», Սերժ Սարգսյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված