Սատիրիկոն/Լուր-մեկնաբանություն
05.03.2021 / 14:00
Սատիրիկոն/Լուր-մեկնաբանություն
05.03.2021 / 12:00
Սատիրիկոն/Լուր-մեկնաբանություն
04.03.2021 / 21:00
Քաղաքական
04.03.2021 / 20:00
Սատիրիկոն/Լուր-մեկնաբանություն
04.03.2021 / 19:00
17.07.2020   20:00
817

Ընդդիմության փայլը և թշվառությունը


Հայաստանյան ընդդիմությունը կամ նրանք, որոնց մենք դեռ ստիպված ենք անվանել քաղաքական տերմինաբանությամբ, արդեն 5 օր է, ինչ գտնվում են խորը և համապարփակ դեպրեսիայի մեջ: Հօդս ցնդեցին բոլոր քարոզչական միֆերը և իսկապես, «Ստի վերջի» այս սեզոնը կարելի է համարել ավարտված, քանի որ չտեսնված ձախողում ունեցավ: Փորձում էին իրական դեպքերի վրա սերիալ նկարահանել, բայց պարզվեց ոչ միայն դերասաններն են ոչ համոզիչ, այլ նաև դեպքերն են ոչ ճիշտ ներկայացված:

5-րդ օրն է, ինչ երկիրը գտնվում է պատերազմի մեջ, բայց երկու նախկին նախագահները, որ նաև հայտարարում են իրենց քաղաքական ծրագրերի մասին, անցել են խորը ընդհատակ: Ոչ միայն չունեն անելիք, այլ նաև ասելիք:

Նրանց վերահսկողության տակ գտնվող քաղաքական ուժերը և մեդիաները բացարձակ անհաղորդ են իրավիճակին:
«Բարգավաճ Հայաստանը», որը Գագիկ Ծառուկյանի նկատմամբ քրեական գործ հարուցելուց հետո տիեզերական աղմուկ էր բարձրացրել և հրապարակում էր արտասահմանյան այս կամ այն կուսակցության արձագանքը, ներկայումս քաշվել է մի կողմ՝ կարծես Առինջը առանձին պետություն է և աշխատում է չխառնվել հայ-ադրբեջանական կոնֆլիկտին: Գոնե մեկ լորդ, գոնե մեկ այրի մնացած շեյխուհի կեսբերան արտահայտվեր, որ իմանայինք՝ Ծառուկյանին ամբողջ աշխարհում գիտեն և անսահման հարգում են: Դրա փոխարեն կուսակցության անխոնջ մարտիկներից մեկը՝ Նաիրա Զոհրաբյանը, ինչ-որ մուլտֆիլմեր է տարածում՝ դրանով անդառնալի հարվածներ հասցնելով Ալիևի իշխանությանը:

Արդարադատությունից խուսափելու համար նույն Քոչարյանը և Սարգսյանը չեն խորշում դիմել ռուսաստանցի և եվրոպացի պաշտոնյաներին, բայց հիմա հարմար չեն գտնում զանգահարել Պուտինի և Տուսկի աշխատակազմ: Այդ կապերը պետք են միայն անձնական խնդիրներ լուծելու համար:

Նույնը վերաբերում է նրանց տրամադրության տակ գտնվող շոու բիզնեսի ատղերին ու աստղիկներին: 2016-ին նրանք հայտարարություններով էին հանդես գալիս, փորձում ոգևորել ժողովրդին, կոչ անում անկախ ամեն ինչից համախմբվել իշխանության շուրջ, հիմա անհաղորդ են, կարծես վաղուց հեռացել են Հայաստանից և առաջին սերնդի սփյուռքահայ են:

Միքայել Մինասյանը առիթ-անառիթ պարծենում է իր կապերով և մասնավորապես Հռոմի Պապի հետ իր մտերմությամբ: Թերևս ժամանակն էր, որ օգտագործվեին կապերը և Վատիկանից մի փոքր հայանպաստ դիրքորոշում հնչեր:

Դրա փոխարեն կենտրոնացել են նոր միֆի ստեղծման և դրա տիրաժավորման վրա: Այն է՝ գլխավոր հրամանատարը կապ չունի բանակի հետ: Խաչատուրով կրտսերից էլ փորձում են կերտել մի նոր սպարապետի, որպեսզի հերթական անգամ մեկի միջոցով հեղաշրջում իրականացնեն: Բայց հասարակությունը 90-ականներին արդեն մի անգամ կուլ է տվել այդ խայծը և չի պատրաստվում դիտել նույն ուժերի հայտնի ֆիլմի ռեմեյքը:

Հ.Գ. Զինվորականները ենթարկվում են քաղաքական գործիչներին. Կարլ ֆոն Կլաուզևից:

Արիս Վաղարշակյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Արիս Վաղարշակյան


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված








Ստոպ-կադր
Ստոպ-կադր
01.03.2021 / 582






















Բա սա կյա՞նք է
Բա սա կյա՞նք է
03.03.2021 / 305