Լուր-մեկնաբանություն
02.04.2020 / 22:35
Լուր-մեկնաբանություն
02.04.2020 / 21:00
Քաղաքական
02.04.2020 / 20:00
Քաղաքական
02.04.2020 / 19:00
Հարցազրույց
02.04.2020 / 18:00
Բլից-վիրտուալ
02.04.2020 / 17:00
18.10.2019   10:00
1446

«Ագարակի պղնձամոլիբդենային կոմբինատը» նախատեսում է ավելացնել արդյունահանման ծավալը


«Ագարակի պղնձամոլիբդենային կոմբինատ» ՓԲԸ-ն նախատեսում է ավելացնել Ագարակի պղնձամոլիբդենային հանքավայրից հանքաքարի արդյունահանման ծավալը՝ արտադրողականությունը հասցնելով 3,5-ից մինչև 4,5 միլիոն տոննայի: 

Ագարակի պղնձամոլիբդենային հանքավայրը և կոմբինատը շահագործում է  «Գեոպրոմայնինգ Գոլդ» ՍՊԸ-ն՝ ի դեմս «Ագարակի պղնձամոլիբդենային կոմբինատ» ՓԲԸ-ի:

Հանքավայրի տեղամասի ընդլայնման շրջակա միջավայրի վրա ազդեցության նախնական գնահատման հայտի վերաբերյալ արդեն 2  հանրային լսումներ  են  տեղի ունեցել: 2-րդ քննարկումն օրեր առաջ Մեղրի խոշորացված համայնքի  Ագարակ բնակավայրում է եղել:

Ագարակի հարստացուցիչ ֆաբրիկան Ագարակ քաղաքից գտնվում է 3 կմ հեռավորության վրա, բաց հանքը՝ 7: Կարճևան գյուղը հանքի ենթակառուցվածքներից գտնվում է 1,5 կմ հեռավորության վրա:

Հանրային լսումների ժամանակ կոմբինատի ներկայացուցիչները ներկայացրել են, թե ինչ են նախատեսում կատարել, միաժամանակ պնդելով, որ բնապահպանական ռիսկերը կառավարվելու են:

Քննարկման ժամանակ ազդակիր համայնքի բնակիչների բողոքը վերաբերել է արտանետվող փոշու ծավալներին:
«Փոշու մասին էր Ագարակ համայնքի  բնակիչների մտավախությունը: Մարդկանց փոշին է շատ անհանգստացնում: Կոմբինատը պետք է ջրի կուտակման հարցը լուծի, որ կարողանան ճիշտ ժամի և ճիշտ չափով ջրցան օգտագործել փոշին նստեցնելու համար»,- «ՉԻ»-ի հետ զրույցում ասաց Ագարակի բնակիչ Հարություն Ադամյանը:

Իսկ գործարանը պարտավորվել է կատարել բնակչության պահանջը:

«Կոմբինատը ծրագրեր ունի փոշու դեմն առնելու համար՝ տեխնոլոգիաներ կկիրառվեն՝ վերազինվելու է նոր ջրցան մեքենայով, ջրի հավաքման կայան կստեղծվի»,- մանրամասնեց մեր զրուցակիցը:

Կարճևանի բնակիչները  տարիներ շարունակ ահազանգում են, որ կոմբինատի պոչերը լցվում են իրենց այգիները:
Գարնանը գյուղացիները  նամակներով դիմել են Շրջակա միջավայրի նախարարություն, «Ագարակի պղնձամոլիբդենային գործարան» ՓԲԸ-ի գլխավոր տնօրենին և Մեղրիի քաղաքապետին՝ պահանջելով լուծում տալ կոմբինատի կողմից իրենց հողատարածքների պարբերաբար աղտոտման խնդրին:

Նրանք դժգհում են, որ «Ագարակի պղնձամոլիբդենային գործարան» ՓԲԸ-ի հանքից դուրս եկող արդյունաբերական կեղտաջրերը սխալ ջրահեռացման հետևանքով Կարճևան գետի հունով հոսում և լցվում են իրենց այգիները, թունավորում հողը՝ դարձնելով անպիտան, իսկ բերքը՝ վնասակար առողջության համար: Այդ կեղտաջրերից հողի վրա առաջանում է ծանր մետաղներ պարունակող հաստ շերտով նստվածք:

Չնայած բնապահպանական խնդրին՝ տեղի բնակչության մի մասը կողմ է, որ պղնձամոլիբդենային հանքավայրից հանքաքարի արդյունահանման ծավալներն ավելանան: Բացատրում են, որ կոմբինատի գործունեությամբ իրենց օրվա հացի խնդիրն է լուծվում:

Առաջիկայում ևս մեկ հանրային լսում է սպասվում:

«Գործարանն առաջարկում է, որ մենք թույլ տանք իր աշխատանքն ավելացնել, մենք էլ համաձայն ենք: Համաձայն ենք, որ գործարանն աշխատի, դա մեր օգտին է: Ագարակից 1000-ից ավել մարդ է այդտեղ աշխատում»,- նշեց ագարակցի Խաչատուր Գևորգյանը:

Ի դեպ, Ագարակի պղնձամոլիբդենային հանքավայրի շահագործման հետևանքների անմիջական կրողն է նաև Արաքս գետի Կարճևան վտակը: Այս գետը համարվում է 5-րդ՝ ամենավատ դասի աղտոտվածություն ունեցող գետ:

Գետ են լցվում բացհանքի հանքայնացված ջրերը, տեղումներից առաջացած հոսքերը, բաց հանքի ավտոհավաքակայանից և ոռոգվող տարածքներից հոսող ջրերը: Կարճևան է թափվում նաև «Ագարակի պղնձամոլիբդենային կոմբինատի» պղնձի խտացուցիչի պարզվածքը:

Մանյա Պողոսյան



 Պիտակներ

         Մանյա Պողոսյան


Գովազդ
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված























«Թավշյա յոնջա»
«Թավշյա յոնջա»
02.04.2020 / 316

Բացասական թեստ
Բացասական թեստ
01.04.2020 / 314