Միքայել Մինասյան. Կենդանակերպի նշանը՝ Պադմիշկա (Подмышка):
Այս համաստեղության տակ ծնվածների համար շաբաթը հագեցած կլինի թատերական իրադարձություններով:
Երկուշաբթի օրը կհայտարարեք, որ հեղաշրջման համար ստացել եք Հռոմի Պապ Ֆրանցիսկոսի և Համայն Ռուսիո պատրիարք Կիրիլի օրհնանքը:
Երեքշաբթի մեծ ֆոտոսեսիա կանցկացնեք. կնմանակեք Բոնդին՝ Ջեյմս Բոնդին և փեսային՝ Տնփեսային:
Չորեքշաբթի օնլայն-քննարկում կանցկացնեք ձեր խորհրդարանական խմբակցության հետ. ձեր ձայնի գերակշիռ առավելությամբ հավանության կարժանանա Է. Մարուքյանի «ատչյոտը»:
Հինգշաբթի թեստ կհանձնեք. հանգիստ շունչ քաշեք, ձեր IQ-ն բացասական արդյունք կտա:
Ուրբաթ օրը կհերքեք Նիկոլ Փաշինյանի այն մեղադրանքները, թե Հովիկ Աբրահամյանն է ձեզ փորձել օգնել՝ շաղգամը քաշել-քաշքելուց:
Շաբաթը և կիրակին անցկացրեք դերասանական արվեստի տիրապետման նոր մեթոդներ սովորելով: Չնայած անհույս գործ է. վերջում Ստանիսլավսկին ասելու է. «Не верю»:
«Չորրորդ իշխանություն», թիվ 26, 2020